Үштілді білім беру және рухани жаңғыру туралы мақала

Үштілді білім беру - рухани жаңғыру

Елбасымыз Н.Назарбаев өзінің «Болашаққа бағдар: рухани жаңғыру» атты мақаласында «Еліміз жаңа тарихи кезеңге аяқ басты. Мен жыл басындағы халыққа Жолдауымда Қазақстанның үшінші жаңғыруы басталғанын жарияладым... Болашақта ұлттың табысты болуы оның табиғи байлығымен емес, адамдарының бәсекелік қабілетімен айқындалады. Сондықтан, әрбір қазақстандық, сол арқылы тұтас ұлт ХХІ ғасырға лайықты қасиеттерге ие болуы керек. Мысалы, компьютерлік сауаттылық, шет тілдерін білу, мәдени ашықтық сияқты факторлар әркімнің алға басуына сөзсіз қажетті алғышарттардың санатында. Сол себепті, «Цифрлы Қазақстан», «Үш тілде білім беру», «Мәдени және конфессияаралық келісім» сияқты бағдарламалар – ұлтымызды, яғни барша қазақстандықтарды ХХІ ғасырдың талаптарына даярлаудың қамы...» - деп атап көрсеткен болатын.

Үштілді білім беру - қазіргі таңда елімізде жоғары білім беру жүйесінің басты бағыттарының бірі. Үштілді оқыту – заман талабы. Үштілділік – бәсекеге қабілетті елдер қатарына апарар басты баспалдақтардың бірі.

Еліміздің Жоғары оқу орындары көпмәдениетті жеке тұлғаның қалыптасуының және дамуының маңызды сатысы, және негізгі құндылықтар мен өмірлік принциптердің саналы қалыптасатын сатысы болып табылады. Осыған орай, бүгінгі күні қазақстандық білім берудің заманауи жүйесінде приоритетті бағыттардың бірі – инновациялық көптілді модель жасау. Заманауи мектептер түлектерінің шет тілін еркін және сапалы меңгеру қажеттілігі – пісіп жетілген өмірлік қажеттілік, себебі әлемдегі ғылым мен техниканың қарқынды екпіні мен даму деңгейі, қажетті теориялық және практикалық білім, іскерлік пен дағдыларды анағұрлым сапалы және толық алу үшін шет тілін еркін меңгеруді талап етеді.

Көптілділік бірнеше шет тілін меңгеріп қана қоймай, көптілді құзыреттілікке ие мәдениетті тұлғаның қалыптасуының негізі ретінде қарастырылады.

М.Әуезов атындағы Оңтүстік Қазақстан мемлекеттік университеті «Үштұғырлы тіл» мәдени жобасын, ҚР көптілді білім беру Концепциясын белсенді жүзеге асыруда.

Бүгінгі күні университет еліміздегі көптілді білім беру сәтті жолға қойылған ЖОО-ның бірі. Университетте 2005-2006 оқу жылынан бастап ағылшын тілінде оқыту жүзеге асырылуда және сол жылы бакалавриаттың 5 мамандығында ағылшын тілінде пәндерді оқыту ұйымдастырылды. Қазіргі таңда университеттің 11 факультетінде, 41 бакалавриат мамандықтары бойынша ұйымдастырылып, 673 студенттен тұратын 62 академиялық топтарда ағылшын тілінде сабақ…