Үштілділік – болашаққа сенімді қадам мақаласы

Үштілділік – болашаққа сенімді қадам!

Өмірде өзге бір ұлттың тілін игерген адам сол халықтың ішкі жан-дүниесін түсініп, күллі мәдени құндылықтарымен танысу орайына ие бола алады. Қазір өмірге ойдағыдай сәйкесуі үшін, қос тілді болып қана қалмай, қайта көп тілді болуы қажеттілікке айналуда. Бұлай істеу әр азаматтың өзіне де, өзгеге де тиімді.

Бүгінгі таңда елімізде «Көптілділік» мәселесі көкейкесті мәселелердің бірі болып саналады. Елбасымыз сол үшін де тілдердің үштұғырлылығын міндеттеп отыр. Көптілділік мәселесі – Қазақстан үшін ғана емес, бүкіл әлемнің алдында тұрған көкейтесті мәселелердің бірі, себебі, жаһандандыру және киберкеңестікке шыққан заман тілдерді білуді талап етеді.

Көптілді білім беру дегеніміз- оқу үрдісі барысында екі не одан да көп тілде білім беру. Мемлекетіміздің мектеп реформасында қарастырылған үш тілде оқыту-қазіргі заман қажеттілігі. Осы мақсатта біздің мектепте 10 сынып оқушылары химия пәнін ағылшын тілінде меңгеруде.

Үш тілде оқыту – заман талабы десек, оның негізгі мақсаты: бірнеше тілді меңгерген, мәдениетті тұлғаны дамыту және қалыптастыру. Қазақ тілі мемлекеттік тіл, ал орыс тілі мен шетел тілдерінің бірін білу тұлғаның ой-өрісін кеңейтеді, оның «сегіз қырлы, бір сырлы» тұлға болып дамуына жол ашады.

Бүгінде оқушыларымыз үш тілде еркін сөйлеп, өз білімдерін көрсете алатын деңгейге жетті. Осыған дәлел Ағылшын тілі күнінде 6 сынып оқушылары арасында “Do you know English well?” атты сыныптан тыс іс-шара өткізілді. Екі топқа бөлініп, тапсырмаларды жылдам және дұрыс орындауды талап еткен сайыс 9 кезеңнен тұрды. Әділқазылар соңында қорытынды шығарып, жеңімпаздарды марапаттады. Өткізілген сыныптан тыс іс-шара оқушылардың ағылшын тілінен коммуникативтік, танымдық біліктерін көрсетті. Сонымен бірге 12 ақпан мен 22 ақпан аралығында «Үштілділік – болашаққа сенімді қадам!» аудандық онкүндік шеңбері аясында мектепте ашық сабақтар, сыныптан тыс іс-шаралар, «Үштілділік – заман талабы» атты эссе байқауы қазақ, ағылшын, орыс тілдерінде жүргізілді .

Бүгінгі таңда бірнеше тілде оқыту – жас ұрпақтың білім кеңістігінде еркін самғауына жол ашатын мүмкіндік. Көптілділік - кез келген қоғам үшін, кез келген формация үшін тұйықтықтан шығудың, интеграцияны негізгі ұстаным етіп…