Ұстаз ұлы есім мақаласы педагогтерге арналған

Ұстаз – ұлы есім

Оңтүстік Қазақстан облысы

Сарыағаш ауданы

Мустапаева Рисолат Мамыровна

risolat.mustapaeva@ mail.ru

Адамның басшысы-ақыл, жетекшісі-талап,шолушысы-ой, жолдасы-нәсіп,

қорғаны-сабыр, қорғаушысы-мінез,

сынаушысы-халық.

Саққұлақ шешен

Халықтың болашағы білімді ұрпақтың қолында болғандықтан, ұстаздардың қоғамдағы жетелеуші орны ерекше. Халық даналары айтқандай «Оқыған білмейді ,тоқыған біледі» дегендей қазіргі таңда оқушыларды дайын біліммен нәрлендірмей,ізденіске жетелей отырып, жасап көруіне, сезінуіне мүмкіндік беру керектігі айқын.Баланы жан дүниесімен қабылдап, оның бойындағы қабілетін ашу әрбір ұстаздың парызы. Сол үшін ұстаз бүгінгі уақыт талабына сәйкес болуы үшін мынандай қасиеттерді өз бойына жинақтау қажет деп түсінемін. Шәкіртін сүю арқылы оны жеке тұлға ретінде қабылдай келе,оқушы бойынан жан жылуын, көңіл түкпіріндегіні көре білуі, ішкі дауысын тыңдай алуы, сезімін бөлісуі, қайырымдылық пен төзімділік таныта келе кешірімділікпен карауы; сын тұрғысынан ойлайтындай білімді, тәрбиелі етіп өсіруі, оқушының өздігінен әрекет етуін, тәуелсіздікке ұмтылысын және өзіне деген сенімділігін қолдап, қуаттауы, өз ісіне өзі талдау жасауына жол көрсетуі, үнемі өзін-өзі бақылап отыруы және өз көзқарасы мен өзін-өзі бағалау тәсілдерін өзгерте білу қабілеті. «Тегінде адам баласы адам баласынан ақыл, білім, ар, мінез деген қасиеттерімен озады» деген Абай. Ұлы ақын сөзі еш уақытта өз мәнін жойған емес. Озық ойлы білімді