Ұстаз – ұлы тұлға дене шынықтыруға арналған сценарий

Тақырыбы: «Ұстаз – ұлы тұлға» атты мұғалімдер арасындағы эстафеталық жарыс.

Жарыстың мақсаты:

Мұғалімдердің денсаулығын, белсенділігін нығайту, ептіліктерін, шапшаңдықтарын, батылдықтарын, күштіліктерін байқау.

Спортқа деген сүйіспеншілігін арттыру.

Салауатты өмір салтын насихаттау.

Бірлестік арасында ауызбіршілікке баулу, ұйымшылдықта болу.

Өтілетін орны: Спорт зал

Керекті құрал-жабдықтар: эстафеталық кедергілер, доптар, скакалка, қасық, шелек, кедергілер, арқан, шарлар.

Сайыстың барысы:

Жүргізуші: Қайырлы күн, құрметті спорт сүйер қауым!

Ұстаз – ұлы тұлға атты эстафеталық жарысымызға қош келдіңіздер!

Қазақстан Республикасының Президенті Н.Ә.Назарбаевтың «Халық денсаулығы» атты мемлекеттік бағарламада халықтың денсаулығын нығайту – мемлекетіміздің бірінші кезектегі атқаратын міндеті екенін атап көрсеткені баршамызға белгілі.

Салауатты өмір салтын ұстану – осы іс шараның бір баспалдағы.

Жалпы дене шынықтыру шәкірттердің ғана емес, ересектердің де күш – қуатын өсіріп, олардың денсаулығын шыңдап, қан тамырларының жүйелі жұмыс жасауына ықпал етеді.

«Дені сау адам – табиғаттың ең қымбат жемісі» Т.Карлейль

Таза ауа, спорт болсын дәріміз.

Еңбек етіп келгенінше әліміз,

«Алға» — деген бір – ақ мақсат ұстанып,

Сайысқа аттанайық бәріміз!

Ал енді спорт заңы бойынша әділқазылар алқасымен таныстырып өтейік.

Қазақстан Республикасының мемлекеттік Гимні орындалсын.

Мұғалімдер отыр сынға түскелі,

Сыналмақшы ептілік пен күштері.

Әрбірінің жігер – күші жалындап,

Жеңіс сәтін тағат таппай күткелі.

«Спорт» десе таза біздің арымыз,

Сайысатын ұстаздарды бүгінгі

Қарсы алайық қошаметпен бәріміз.

№1 топ: «Самұрық » (бастауыш пән бірлестігі)

№2 топ «Ұлағат» (жаратылыстану пән бірлестігі)

№3 топ «Қыран» (гуманитарлық пән бірлестігі)

№4 топ « Қыран» (эстетикалық пән бірлестігі)

Төрт топ жүріп өтіп, ойын алаңына барып орналасады.

Жүргізуші: Эстафеталық жарысымыз 8 турдан тұрады. Өз бақтарын сынағалы тұрған әр топ дөңгелене тұрып, сергіту жаттығуларын бастайды.

Жүргізуші: Құрметті жарысқа түскелі тұрған бәсекелестер, ұстаздар, әділқазы алқалары және сайысымыздың қонақтары! Сайысымыздың әр бөлімімен таныстыруға рұқсат етіңіздер.

Таныстыру – эмблема, ұран

Кім жылдам – кедергілер арасымен скакалкамен секіріп барып, жүгіріп келу

Мергендер сайысы – допты аяқтың арасына қысып, кедергілер арасымен түсірмей өту, ілініп тұрған шарды жарып келерде допты жерге соғып келу.