Ұстаз және ғалымды еске алуға арналған дөңгелек үстел

Әл-Фараби атындағы Қазақ ұлттық университетінің философия факультетінде көрнекті ғалым, ұстаз және философ, профессор К.Х.

Рахматуллинді еске алуға арналған республикалық дөңгелек үстел

2024 жылғы 28 қыркүйекте әл-Фараби атындағы Қазақ ұлттық университетінің философия факультетінде көрнекті ғалым, ұстаз және философ, профессор К.Х. Рахматуллинді еске алуға арналған республикалық дөңгелек үстел өтті. Шараның тақырыбы — «Адам, Ұстаз, Ғалым және Философтың жарқын бейнесі» болды, ол қазақ философиясы мен ғылымына үлкен үлес қосқан тұлғаның өмірі мен шығармашылығын талқылауға арналды. Дөңгелек үстелге философия, әлеуметтік ғылымдар және гуманитарлық салалардағы зерттеушілер мен ғалымдар, сондай-ақ профессор К.Х. Рахматуллиннің шәкірттері мен әріптестері қатысты. Жиын барысында қатысушылар белгілі философтың қазақ ғылымы мен білім саласына қосқан зор үлесін, оның педагогикалық және ғылыми қызметіндегі ерекшеліктерді ерекше атап өтті. К.Х. Рахматуллин — Қазақстандағы философия ғылымының негізін қалаушы, еліміздегі жетекші философтардың бірі. Оның шығармашылығы мен ғылыми зерттеулері қазақ халқының рухани мұрасын жаңғырту мен тереңірек түсінуге, сондай-ақ философиялық білімнің дамуына зор ықпал етті. Кезінде философия факультетінде ұзақ жылдар бойы педагогикалық қызмет атқарған профессор студенттер мен жас ғалымдарға терең білім мен рухани құндылықтарды сіңіріп, олардың ғ

К.Х. Рахматуллин өз шәкірттеріне ғылым мен білімнің мәнін ғана емес, сондай-ақ адами құндылықтарды — адамгершілік, адалдық, ұстамдылық сияқты қасиеттерді де үйретті. Оның шәкірттері қазіргі уақытта Қазақстанның түрлі жоғарғы оқу орындарында, ғылыми зерттеу орталықтарында жұмыс істеп, өздерінің кәсіби қызметтерінде ұстаздарының жолын қуып келеді. Дөңгелек үстел барысында ғалымның философиялық еңбектерінің қазіргі ғылыми зерттеулер мен білім беру жүйесіне тигізген әсері де кеңінен талқыланды. Профессор К.Х. Рахматуллиннің ғылыми көзқарастары мен әдіснамалық тұжырымдары қазіргі қазақ философиясының дамуына тың серпін бергені атап өтілді. Оның еңбектері философияның негізгі мәселелеріне қатысты терең ойлар мен жаңашылдықтарды ұсынды, сондай- ақ Қазақстанның әлеуметтік және мәдени контексіне сәйкес философиялық тұжырымдамаларды қалыптастыруға мүмкіндік берді. "К.Х. Рахматуллинді еске алу" дөңгелек үстелі – тек қана бір ғалымды еске алу емес, сонымен қатар қазақ ғылымы мен философиясының даму жолын қарастыру, жаңа ұрпаққа ғылым мен білімнің мәнін түсіндіру мақсатында өткізілген маңызды шара болды. Шараға қатысушылар ғалымның философиялық көзқарастары мен педагогикалық қызметін жоғары бағ

Дінтану мамандығының 2 курс магистранты Разбекова Маржан Ғылыми жетекші Филос.ғ.д., профессор Борбасова К.М.

www.kaznu.kz