Ұстаздар әулеті туралы мақала және тәрбие үлгісі

ҰСТАЗДАР ДИНАСТИЯСЫ – ДОНБАЕВТАР ЖАНҰЯСЫ.

Адам жанын ізгілікке баулып, жүрекке жылулық нұрын себетін аяулы тұлғаларымыздың жақын күндері төл мерекелері. «Ұстаз болу – өз уақытыңды аямау, өзгенің уақытын аялау» деп француз ойшылы Жан Жак Руссо айтпақшы, ұстаздардың еңбегінің ерен екенін көкірек көзі ояу кез-келген жанның ұғынары анық. Ал, қастерлі мамандықтың қадірлі иесі болу үшін жоғары білім игеруден бөлек, өнегелі өмір тәжірибесін өткеру керек. Осы орайда мұғалімдікті атадан балаға мирас етіп, ұлағатты ұстаздар династиясын қалыптастырып келе жатқан Орынбай атамыз бастаған Донбаевтар әулеті туралы зор мақтанышпен айтпақпыз.

Ата-ананың жолын жалғап, аманатқа адалдық танытып, бар саналы ғұмырын білім беру ісіне арнаған ұстаздар династиясы – Донбаевтар жанұясы.

«Әке көрген оқ жонар, шеше көрген тон пішір » дегендей әкесі мен анасының ізін жалғаған қызы Донбаева Гульнара Орынбаевна Алматы қаласында психология мамандығы бойынша тәмамдаған. Еңбек жолын өз мамандығы бойынша бастаған ұстаз, қазір 30 жылдық еңбек өтілімен

«А. Байтұрсынов атындағы №5 жалпы білім беретін мектеп» КММ-нің директоры қызметін атқарып үлкен ұжымды басқарып отыр. Адал еңбегі үшін талай мәрте Құрмет грамотасымен, білім беру бөлімінің грамоталарымен марапатталған.

Әкесі Донбаев Орынбай Иманкулович Т. Айбергенов атындағы мектеп-гимназиясында, көптеген шәкірттердің өмірде өз жолдарын таңдауына ықпал етіп, сандар сыры мен өмір құбылысын талмай үйреткен физика-математика пәні мұғалімі қызметін 45 жыл бойы атқарған ұлағатты ұстаз.

«Адамның адамшылығы - жақсы ұстаздан» -деп ұлы Абай айтқандай, мұғалім тәрбиесі мен өнегесі оқушының болашақ азығы. Ағайдың шәкірттері - бүгінде сан-салада қызмет атқарып жүрген білікті мамандар. Оларды өз баласынан кем көрмей, алған асулары мен шыққан белестеріне мәз болысып, жақсылығына сүйініп отырған жайы бар. Шың басын бағындырған шәкірттер легін тізбектеп кетер болсақ ол өз алдына бір әңгіме. Ал, әке жолына һәм атаның асқақ тұлғасына еліктеп оның ізгі жолын жалғастырушы ұрпақтары бір төбе.

"Мұғалімді күтіп-баптау да оңай емес. Өмірде күттірген адам емеспін. Алдынан ас-ауқатын дап-дайын етіп қоямын. Қазір көкелерің жұмысынан шаршап келеді деп балаларды бір ізбен жүргізіп, шулатпайтын едім. Ол кезде ер адамды алға ұстаймыз. Балаларына бір шапалақ берген жоқ, бөтен сөз айтқан жоқ" есіне алып отыратын ағайымыздың өмір жолдасы Алтын апай еске алады.

Байгереева Алтын Базилбековна апайымыз А. Жданов жалпы орта мектебінде 45 жыл бойы, әрбір шәкіртінің сауатын ашып, алғаш қолына қаламын ұстатып ерінбей еңбек еткен бастауыш сыныптың…