Ұстаздарға құрмет білдіретін мақала үлгісі

Ұстаз-ұлы есім

Ұстаз- ұлағатты есім. Шәкіртсіз – ұстаз тұл демекші, мен бүгін білім нәрін сусындатып, он бір жыл бойы білім мен тәрбиені қоса берген ұстаздарым туралы сыр шерткім келеді. Кербұлақ ауданы, Архарлы орта мектебінің ұстаздары бар бойындағы білімдерін аямай, күш- жігерлерін біз үшін жұмсай білді. 1991-2002 жылдары аралығында сабақ беріп қысы мен көктемін, жазы мен күзін бізбен бірге өткізген ұстаздарымызды атап айтар болсақ: М. Абдымолдаев, Г. Кенесбаева, М. Аккамиев, Д. Балпухов, В. Старченко, Б. Комекова, Ж. Жекебаева, Б. Чайрбаева , алғаш мектеп табалдырығын аттаған сәттегі ұстазым Отынбекова Нұргүл Нұрмолдақызы әліппемен таныстырып оқу мен жазуды үйретті. Міне осындай білімді, ұлағатты ұстаздарымыздан білім алған біздер бүгінде шәкірт тәрбиелеп ұстаз болып отырмыз. Осы ұстаздарымыздың демеуімен өзіміздің өмірлік ұстанымдарымызды қалыптастыра алдық. «Мектеп-кеме, білім-теңіз» ал алып кемедегі теңізге батып кетпеу үшін, әрине ұстаздарымыздың көмегі ауадай қажет екендігін, біздер оқушы кезімізде білмеуші едік, міне, өзіміз ұстаз мамандығына ие болып, шәкірт тәрбиелеген кезде ғана ұстаздарымыздың сол сәттегі күйзелісі мен толғанысын түсіндік. Адам баласының бойында табандылық пен еңбек

Бекежанова Гүлнұр Әлмұхамбетқызы

Алматы облысы, Кербұлақ ауданы

Архарлы орта мектебінің түлегі,

Күреңбел қазақ орта мектебінің мұғалімі