Ұстазым, мені шығармашылыққа шабыттандыр эссе, 10 сынып

Эссе

Тақырыбы: Ұстазым, мені шығармашылыққа шабыттандыр

“Ұстаз болу – өз уақытын аямау, өзгенің бақытын аялау”

Ж.Ж.Руссо

Ұстаз – оқушының өмірінде ерекше қымбат орын алатын жан иесі және әр оқушы үшін ұлағатты адам. Ең бірінші рет мектеп табалдырығын аттап, алғашында оқушы атанып, мектеп әлеміне қанат қағып келгеннен кейін ұстазды сол әлемнің жандандырушы анасы ретінде көреді. Мектеп әлемінде оқушының алдағы өміріне дайындап, болашаққа сеніммен қадам басуына, жеке тұлға атануына септік беретін бірден-бір адам – ұстаз. Оқушы ұстазға өз бауыр еті баласынан да кем емес, ал ұстаз оқушы үшін осы өмірдегі қадірменді адамның бірі. Ұстаз әр баланың мүсінішісі деуге болады. Себебі ұстаз баланы жастайынан ата-анасынан кейінгі қалыптастырушы, тәлім-тәрбие беруші және ішкі жан әлемін түсініп, өмір жолында бағыт-бағдар көрсетіп отырушы адам. “Маған жақсы мұғалім бәрінен де қымбат, өйткені мұғалім – мектептің жүрегі” – деп Ыбырай Алтынсарин атамыз айтып өткендей, мен үшін мектебімнің ұстаздары өте жақсы.

Адами құнды қасиеттерді оқушы бойына жинақтап, жеке тұлға қалыптастыратын әрі рухани күш-қуаттын оятатын мектеп бағдарламасына енгізілген пән – өзін-өзі тану пәні. Өзін-өзі тану – адамның өзіне терең мән берудің алғашқы қадамы. Ұлы ойшыл Сократ: “Өзгені тану үшін өзіңді-өзің таны” деген екен, яғни адам өзгені түсіну үшін - ең бірінші өзін тани, түсіне білу керек. Міне, Қазақстан Республикасында өзін-өзі тану деген пәнді енгізген себебі осыда жатыр. Өзін-өзі тану пәні адамның ішкі жан дүниесін түсініп қана қоймай, адам бойындағы жақсы қасиеттердің сақталып қалуын көздейді, оған қоса адамгершіліктің нәріменен, мейірімділіктің нұрыменен сусындатады, адамдарға қуаныш сыйлауға және тек жақсы сөз бен игі істер атқаруға баулиды. Менің мектебімде осы керемет пәннің маманы Нұрсұлу Елеуқызы. “Адамның адамгершілігі жақсы ұстаздан басталады”-деп халықтың дара ақыны Абай Құнанбаев айтқан. Ұстазым мен үшін идеал жан. Нұрсұлу Елеуқызы байсалды да салмақты, жүрегі кең, жылы лебізімен адамды тез баурап алатын, тұла бойы мейірім мен жылулыққа тұнып тұрған тамаша адам. Сондықтан да мен осы кісіні пір тұтамын.“Ұстаздық қылған жалықпас, үйретуден балаға” деп…