Ұстазым ұлағатым үлгі-өнегем мерекелік сценарийі

«Ұстазым, ұлағатым, үлгі-өнегем»

ұстаздар күніне арналған мерекелік концерттің сценарийі

Іс-шараны ұйымдастырушылар:

№148 МГ директорының тәрбие ісі жөніндегі орынбасарлары

Ы.Б.Мырзабаева; А.Б.Айтбаева

«РАДИО» : «Тыңдаңыздар,тыңдаңыздар! Бүгін мұғалімдер күні – білім беру саласындағы қызметкерлердің кәсіби мерекесі. Бұл мереке 1965 жылдың 29 қыркүйегінде жоғары Кеңес Президиуымының қаулысымен қазан айының бірінші жексенбісінде аталып өтілсін деп бекітілді. Бүгін, қазанның бесінші жұлдызында №148 мектеп-гимназияда ұстаздар күні тойлануда. 2020 жылдың жас түлектері ұстаздарын шын жүректен төл мерекесімен құттықтайды!»

Фонфар, ортаға төрт жүргізуші шығады

Самғат: Армысыздар қадырменді ұстаздар! Міне жылдағы игі дәстүрмен қазанның алғашқы демалысында «Ұстаз» деген ұлы кәсіптің барша иелерінің төл мерекесі де келді. Мерекелеріңіз құтты болсын ардақты ұстаздар!

Алуа: «Ұстаздық ету жәй ғана кәсіп емес, бұл әркімге бұйыра бермейтін ұлы өнер» деп ұстаздар қауымын қашан да алақанда аялайтын, қамқорлығын аямайтын біздің Елбасымыздың сөзі. Әрине, осындай қолдаудың арқасында еліміздің мұғалімдері де ұрпақ тәрбиесіне еселі еңбегін аяған емес.

Олжас:

Күмбірлейді туған жердің бел, өрі,Күмбірлейді қайың, шырша, терегіБалбұлақ та қоңырау болып кеткендей,Бүгінгі күн - Ұстаз күні себебі.

Жібек:

Желпіндіріп, желіктірген күш қандай?Балғында шат, шаттық нұрын құшқандай.Бүгінгі күн – Ұстаз күні содан баАлтын күн де күлімдейді ұстаздай.

Самғат:

Мұғалімдер күні бүгін, күні ұстаздың шаттанған,

Шәкіртіне дем бергізген, жеткізер деп баққа арман.

Ұстаздардың күні бүгін, бар тілегі өмірде,

Сол шәкірттің өрге жүзген еңбегімен ақталған.

Алуа:

Тойланатын әр жыл сайын, қазан айы туғанда,

Ұстаздардың мейрамы осы, толы ән мен жырларға.

Төрдегі орын Сізге, Ұстаз, төр Сіздікі, Мұғалім

Барлық жан да соны қалар, ұстаз көңіл тұрғанда.

Олжас: Ұстаздық — ұлы құрмет. Себебі, ұрпақтарды ұстаз тәрбиелейді. Болашақтың басшысын да, данасын да, ғалымын да, еңбекқор егіншісін де, кеншісін де ұстаз өсіреді.

Жібек: Өмірге ұрпақ берген аналарды қалай ардақтасақ, сол ұрпақты тәрбиелейтін ұстаздарды да сондай ардақтауға міндеттіміз!

Самғат: Ұстаз... Қандай қасиетті сөз! Әр адамның жүрегіне ерекше жылулық нұрын себетін аяулы тұлға бейнесімен өзектес ұғым. Адам баласының жүрегінде қадір тұтып, құрметтейтін екі ұғым болса, соның бірі – ұстаз.

Алуа: «Ұстаз» деген қазақ баласы үшін қашанда қасиетті, қадірлі болған. «Ұстаздан тәрбие алған» немесе «ұстаз алдын көрген» деген сөздер құлаққа «ана тәрбиесін алған» деген сөздермен ұштасып жатады.

Олжас: Олай болса, аяулы ұстаздар,

Төртеуі бірге: Төл мерекелеріңіз құтты болсын!

Аружан: Алдарыңызда «Ұстазым» әнімен Батырлар квартеті. Қарсы алыңыздар!

Олжас:

Ұстазға әркім басын ию керек,

Кемеңгер, ақылшым деп білу керек.

Сен бүгін керемет боп кетсең дағы,

Жеткізген сол ұстаз деп білу керек, дей отырып,

Самғат: Құттықтау сөз мектеп-гимназиямыздың директоры, Қазақстан Республикасының Білім беру ісінің үздігі, Ыбырай Алтынсарин төсбелгісінің иегері Алиакбарова Фатима Маметқалиқызына беріледі

Самғат: Рахмет апай! Мерекеңіз тағы да құтты болсын!

Олжас: Сағындық пен Арайлымның орындауындағы «Мың алғыс саған ұстазым» әнін қабыл алыңыздар!