Ұяң дауыссыз дыбыстар, 4-сынып сабақ жоспары

Қазақ тілі

(4- сынып)

Сабақтың тақырыбы: Ұяң дауыссыз дыбыстар

Сабақтың мақсаты:

Білімділік: Дауыссыз дыбыстардың үннің қатысына қарай бөлінуін айыра білу және ұяң дауыссыз дыбыстар туралы түсінуіне нұсқау беру.

Дамытушылық: Ойлау, есте сақтау қабілеттерін және ынтасын арттырып, тілін ұстарту арқылы білім сапасын арттыру.

Тәрбиелік: Өздігінен жұмыс істеуге баулу, ойын тұжырымдауға, шапшаңдыққа, түсінгенінен қорытынды шығара білуге тәрбиелеу.

Сабақтың түрі: Аралас сабақ.

Сабақтың әдісі: Сұрақ- жауап, көрсету, түсіндіру, логикалық жүйені сақтай отырып өткенді жаңа тақырыппен байланыстыру, жаңа тақырыпты өзіндік жұмыспен пысықтау.

Көрнекілік: Ә. Жүнісбектің лингвистикалық материалды деңгейлік қабылдауды ұйымдастыруға арналған дидактикалық құралының бірі "Қарлығаш әні" ертегісі; сызба жұмыстар; белгілеу жұмбағы; жазбаша деңгейлік тапсырмалар

Сабақтың барысы:

І. Ұйымдастыру.

ІІ Үй тапсырмасын тексеру, өткен және жаңа тақырыптарды байланыстыру. Өткен тақырыптар бойынша қайталауға және жаңа тақырыпты оқушыларға меңгертуге "Қарлығаш әні" ертегісі қолданылды. Онымен жүргізілген жұмыстар келесі:

Сұрақ- жауап. Өткен сабақты қайталау мақсатымен келесі:

- Қандай үлкен бөлімді оқи бастадық, ол қалай аталады?

- Оның аты- "Дыбыстар".

- Дыбыстар туралы не айтасыңдар?

- Олар дауысты және дауыссыз болып екіге бөлінеді.- деген сұрақтар қойылып, оқушылардан жоғарғыдай жауап алынды.

Бейнелеу пәнімен байланысты. Оқушыларды ертегілерімен таныстыру. Дауыссыздар- жасалуына, я дауыстың қатысуы, қатыспауына қарай: қатаң, ұяң, үнді болып бөлінетіндігін айтып, оқушылар өздері салған ертегіні суреттен көрсете отырып, мәнерлеп оқып бердім.

Ертегі

Жаз мезгілі. Таң атты.

Күн шықты, әндетті-

а,ә,о,ө,ұ,ү,ы,і

Аспан оянды, әндетті-

м,л,н,ң,у,й,р

Бұлт шықты, әндетті-

ю,я,и,у

Тас шықты, әндетті-

қ,к,п,т,ш,с

Осы әндерді естіп, қарлығаш үн қатты.

Мәнерлеп оқығаннан кейін, ертегінің мәнін нақты түсіндіру мақсатымен сұрақтар қойдым

- Олар жіңішкі дауысты дыбыстар.

- Қандай қос дауыстыларды білесіңдер?

- Бұлар бұлт дыбыстары. Өйткені бұлт бірде бар, бірде жоқ

- Қатаң дауыссыз дыбыстарды еске түсірейік?

- қ,к,п,т,ш,с (Оқушылар атағанда тасты бір - біріне соғып естірттім)

- Неге тас дыбыстар дейміз?

ІІІ Жаңа сабақ

Біздің бүгінгі сабақтағы мақсатымыз ұяң дауыссыз дыбыстарды- б,г,ғ,д,ж,з, дұрыс айта білу және есте сақтау.