Веб-парақшаға мультимедиа нысандарын енгізу, 10 сынып

Сабақ тақырыбы: Web-парақшаға мультимедиа нысандарын енгізу Негізгі материал:

Мультимедиа – мәтін, графика, анимация, сандық бейнелерді, бейне, дыбыс сияқты деректер типін енгізуге, өңдеуге, сақтауға, беруге және бейнелеуге мүмкіндік беретін технологиялар жиынтығы. Web-беттердің басқа web-беттерге қатысты сілтеменің болуы – World Wide Web жүйелерінің ең тартымды ерекшеліктерінің бірі. HTML құжатында гипермәтіндік сілтемелерді құру өте жеңіл.

Сілтеме (гиперсілтеме) – бұл беттегі кез келген мәтін фрагментін (сөзді, фраза немесе бүкіл абзацты) немесе басқа интернет бетімен немесе деректер файлымен байланыстыру мүмкіндігі. Ол үшін атрибуты, яғни параметрі бар ашылатын <A… > және қарапайым жазылатын </A> тегтері пайдаланылады.

<A> тегінің ішінде міндетті түрде href атрибуты орнатылады. <A…> және </A> тегтерінің арасында сілтеме мәтіні немесе сызба элементі орналастырылған. Осылайша қарапайым сілтеме келесідей болуы мүмкін:

<A href= "https://www.college.edu.kz"> электронды журнал </A>

Фреймдер. Фрейм құрылымы. HTML тілі браузер программасы терезелерін бірнеше бөлікке бөліп тастау мүмкіндігін береді және олардың әрқайсысында жеке құжаттар бейнеленеді. Осындай бөліктерді фрейм деп атаймыз.

1) Фреймдерді құру үшін HTML-дің ерекше құжаты пайдаланылады, оның құрылымы кәдімгі құжаттардан бөлек болады. Осындай құжаттарда құжат «денесінің» бөлімдері болмайды, ол шын мәнінде қандай да болсын мәтінде мүлде болмайды. Оның орнына бұл құжаттарда <FRAMESET> және </FRAMESET> тегтерінің арасында орналасқан фреймдер болады.

2) <FRAMESET> тегі, терезелерді бөлу әдістерін анықтайтын атрибуттар:

• COLS = атрибуттарын пайдаланған уақытта терезелер вертикаль сызықтармен; • ROWS = атрибутын пайдаланған уақытта горизонталь сызықтармен бөліктерге бөлінеді. Осы атрибуттардың мәндері терезе бөліктерінің биіктігін (немесе енін) анықтайды. Әр бағанға (жолға) арналған параметрлер пиксель өлшем бірлігі бойынша үтірлер арқылы немесе процентпен (% белгісі) беріледі.

3) <FRAMESET> және </FRAMESET> тегтерінің арасында қалыптасқан бөліктердің қажеттілігін көрсететін қосымша тегтер орналастырылады. экрандағы жеке бөліктеріне шақырылатын құжаттарды анықтайтын, жеке-даралық <FRAME> тегтерін пайдалануға болады.

4) <FRAME> тегінде аталмыш бөлікке шақырылатын құжат- тарды анықтайтын SRC = міндетті атрибуттары болуы керек. Қосымша атрибуттар және фреймдер арасындағы қоршауларды және оның басқа кейбір қасиеттерін реттеу мүмкіндігін береді.

1-мысал: <HTML> <HEAD> <TITLE> жаңалықтар </TITLE> </HEAD>

<FRAMESET> <COLS = "25%"> <FRAME SRC = panel.htm> <FRAME SRC = home1.htm> </FRAMESET> </HTML>

Web-беттерге графиканы(сурет) қосу. Қазіргі кезде web- браузерлер барлық кескін пішімдерін қолдамайды, сондықтан әр суретті web-бетке орналастыруға болмайды. Растрлық және векторлық суреттер пішімдеріне қарай бөлінеді. Bitmap кескіндері jpg, gif, bmp, tiff, png, psd кеңейтілімдері бар файлда ғана сақталады. Осылардың ішінде web-беттерін өңдеуде растрлік графика үшін JPEG, PNG, GIF және векторлық графика үшін SWF қолданылады.

HTML көмегімен сурет қою үшін міндетті src атрибутынан тұратын жұпсыз тег <img> қолданылады. Бұл src атрибуттың атауы sourse дереккөз сөзінен алынған.

<img>-дің міндетті емес атрибуттар қатарына жататындар: • align – суретті түзету типін береді; • alt – егер сурет жүктелмеген жағдайда мәтін шығарады; • border – сурет жақтауларының қалыңдығын анықтайды; • height – суреттің биіктігін береді; • hspace – суреттен көлденең шегіну арақашықтығын береді; • ismap – суреттің карта екенін анықтайды; • vspace – суреттен тігінен шегіну арақашықтығын береді; • width – суреттің енін береді; • usemap – клиенттік карта – суреттердің координаттары бар <map> сілтемесін анықтайды; • <img> – кіріктірілген тег болып табылады, яғни оны блоктың сыртында пайдалануға болмайды.

Синтаксисі: < p> < img src = " sample. j pg" > < / p>

Бейне және дыбыспен жұмыс істеу негіздері. HTML спецификациясы тиісінше аудио және бейнемен жұмыс істеу үшін екі тегті қамтамасыз етеді: <audio> және <video>.

Кодтау мәселесінің жартылай шешімі ретінде браузер таңдаған бірнеше медиа дереккөздерін жариялауға мүмкіндік беретін <source> элементі пайдаланылады.

Аудио және бейнежазбаларды қою. HTML-де аудиожазбаларды қою үшін <audio> жұпты тегі қолданылады. Осы тегтің арасында орналасқандар <audio> қолдамайтын браузерде көрінбейтін болады.

Аудионы қоюдың негізгі коды: <audio src = "sound1.mp3"> </audio> <audio> тегі мынадай атрибуттардан тұрады: • autoplay – оны қосқанда бет жүктелгеннен кейін файл бірден ойнай бастайды; • controls – аудиоға басқару тақтасын қосады; • loop – бейнені басынан бастап қайталау, ол аяқталғаннан кейін орындалады; • preload – беттің өзін жүктеумен бірге файлды жүктеу үшін қолданылады, ал autoplay қолданылса, тоқтатылады; • src – ойнату үшін файлдың жолын анықтайды.