Виртуалды кітап көрмелері туралы мақала

Виртуалды кітап көрмелері арқылы оқырмандар қызығушылығын ояту

Нигматуллина Сания Қабдығалиқызы

«Өрлеу» БАҰО» АҚ филиалы

Атырау облысы бойынша педагогикалық

қызметкерлердің біліктілігін арттыру

институтының кітапханашысы

«Қазіргі заманда жастарға ақпараттық технологиямен байланысты әлемдік стандартқа сай мүдделі жаңа білім беру өте қажет»

Н. Ә. Назарбаев

Бүгінгі таңда кітапхана ісі заман талабына қарай күрделеніп, әрбір қызмет аясында жаңа технологияларға негізделген белестердің орын алуы, кітапхнашы мамандығын жаңа бетбұрысқа қалыптастырып келеді.

Жаңа ақпараттық технологиялардың дамуы, олардың кітапхана жұмысына енгізілуі, ақпараттық – библиографиялық қызмет көрсетудің жаңа түрлерін меңгеру, кітапхана жұмысын басқару жүйелерін қайта құру қажеттілігінен туғызып отыр. Бүгінде кітапханаға келуші оқырман саны мүлдем азайып кетті. Көпшілік оқырман компьютерлік техника, планшет, смартфон, телефонмен интернет желісінде отырады. Оның басым бөлігі мектеп жасына жетпеген жеткіншектер мен жасөсіпірім оқушылар. Көбіне көп пайдаланушылар интернет желісінен өзіне қажетті ақпараттар мен мәліметтерді іздейді.Осы тұрғыда кітапханашылар интернет пайдаланушыларына жақын болулары тиіс. Егер біздің оқырмандар интернетке келсе кітапханашылар да интернетте болуға тиісті. Егер қазіргі заманғы кітапханашы алға қарай қарқынды дамып келе жатқан интернет-технологиясы әлеміне жетіп аламын десе, көрме ретіндегі кітапхана жұмысының дәстүрлі түріне инновациялық тәсіл-амалдарын енгізуге міндетті.

Кітап көрмесі кітапханалық-библиографиялық қызмет көрсетудің бір түрі болып табылады. Кітап көрмесі белгілі бір мақсатта арнайы іріктеліп, жүйеленіп оқырмандардың оқып танысуы үшін іс-шаралардың көрнекілік насихаттау түріне жатқызылып ұйымдастырылады.Ұйымдастыру принциптері: -Безендірудегі айқындылық, мазмұндылық және өзгешілік -ойын тәсілдерін қолдану-Көрмені «сөйлету»-Қазіргі заман техналогиясын пайдалану (Интернет көрме)

Кітап көрмесінің визуалды қатарын құру үшін пайдалануға болатын ең алғашқы қарапайым құралы – бұл Power Point тұсаукесерін құруға арналған барлығына танымал бағдарлама. Сіз осы бағдарламаның барлық мүмкіндіктерін: мәтін, бейнелеу, анимация, слайдтардың автоматты ауысуын пайдалана отырып, кітаптардың және басқа құжаттардың электрондық тұсаукесерін құрасыз. Соның нәтижесінде мұндай тұсаукесердің аяқталған өнім ретінде Интернетте таратылатынын есте сақтау қажет, сондықтан тұсаукесер ішіндегі слайдтарды ауыстыру әдістеріне баса назар аударамыз. Әрбір жеке слайдта оқырманға жеткізгіңіз келетін ақпаратты табысты меңгеруіңіз үшін, слайд көрерменге (оқырманға) қажетті уақытта таратылуы қажет. Дайын электрондық өнімді Интернетке орналастыру қажет. Жаһандық желіде мұндай өнімді жариялаудың ең қарапайым…