Ынтымағы жарасқан бақытты отбасы отбасылық сайыс

«Ынтымақты отбасы» отбасылық сайыс

Мақсаты: Отбасындағы тәрбиенің маңыздылығын, ата-ана мен тәрбиеші арасындағы ортақ мәселе – бала тәрбиесі жайлы түсінікті тереңдете түсу. Баланы бауырмалдыққа, адмагершілікке, әдемілікке, еңбекқорлыққа тәрбиелеу. Балабақша мен отбасы арасындағы ынтымақтастықты арттыру. Балаларды шығармашылық қабілетін, белсенділігін дамыту.

Тәрбиеші: Армысыздар, құрметті ата-аналар, ұстаздар жәнебүлдіршіндер! Отбасы – бұл қоғамның негізі. Болашақ баланың жақсы азамат болып өсуі отбасындағы тәрбиеге тікелей байланысты. Отбасындағы тәрбие мен балабақшадағы оқу-тәрбие жұмысының сабақтастығын жандандыру мақсатында «Ынтымақты отбасы» атты ата-аналар мен бүлдіршіндердің қатысуымен өтетін отбасылық сайысқа қош келдіңіздер! Алдымен сайысқа қатысушы отбасылармен таныс болыңыздар.

Дүйісовтер отбасы

Шүйіншалиевтер отбасы

Тарғыновтар отбасы

Пұсырмановтар отбасы

Сайыстың бағдарламасы:

Таныстыру

Үй тапсырмасы

Отбасылық өнер

«Қимылынан тап» ойыны

Сән үлгісі

Тәрбиеші:

Әділ қазы шешеді

Істің ақ пен қарасын

Отбасылық сайыстың

Әділ берер бағасын, - ендігі кезекте сайысымызға баға беретін әділқазы мүшелерімен таныс болыңыздар!

1. Шағын орталық әдіскері Көшкінбаева Ж

2. Логопед Мамытова А

3. Қосымша білім беру педагогы Ембергенова Әсем

Өнер қуып балалар өтер деймін

Бір басына өнері жетер деймін

Бәске түскен отбасы кезектесіп

Таныстырып өздерінен өтер деймін.

Кезекті отбасылардың өздерін таныструына береміз.

Әр отбасы өздерін таныстырып өтеді.

Келесі кезекте үй тапсырмасын әділқазыларға тапсырайық!

Ал кімнің өнері бар қаншалықты

Би билеп ал біреуі ән салыпты

Бүгінгі отбасы сайысында

Өнерлерін көрсетіп жан салыпты,- сайысымыздың үшінші бөлімінде отбасылық өнерге кезек береміз. Әр отбасы өз өнерлерін көрсетеді.

Сайысымыздың төртінші бөлімі бойынша «Қимылынан тап» ойыны ойнатылады. Әр топқа екі сөзден беріледі. Берілген сөзді отбасы мүшелерінің бірі оқып, қимылмен көрсетеді. Ал қалған екеуі қимылынан не жасырылғанын табуы керек.

Тыңдаңыздар, халайық!

Босқа қарап тұрмайық.

Кезегі енді сайыстың

Сұраққа жауап табайық ! – сайысымыздың бесінші бөлімі бойынша ситуациялық сұраққа жауап береміз.

Сіз балажансыз, балаңыздың еркін өскенін қалайсыз. Жолдасыңыз қатал, баланы қатал тәртіппен тәрбиелегісі келеді. Сіз оны қаламайсыз, не істейсіз?

Қолыңыз тимей алыс сапарға жол жүргелі жатырсыз. Балаңыз бұзықтық жасап шақырту келді, не істейсіз?