Ызғарлы қыс сабақ жоспары мектепке дейінгі балаларға

29.01.2019ж.

Білім беру саласы: Әлеуметтік орта.

Бөлімі : Экология.

Тақырыбы: «Ызғарлы қыс келді»(қысқы табиғатқа саяхат)

Мақсаты: Қыс мезгілі және оның ерекшелігі, қыстағы табиғат көріністері туралы білімдерін кеңейту.

Білімділігі: Сурет бойынша әңгіме құрап, өз ойын толық жеткізе білуге жүйелі әңгімелеуге үйрету.

Дамытушылығы: қысқы табиғаттың сиқырлы әсемділігін тамашалап, зерттеу жұмыстарын орындау дағдыларын қалыптастыру ,ойларын дамыту.

Тәрбиелілігі: Қысқы табиғатқа қызығушылықтарын арттыру.

Көрнекілігі: Қыс суреттері, қар, мұз, Су құйғыш пен түтікше.Тіс пастасы мен мақта ораған таяқша.

Әдісі: түсіндіру, сурет бойынша әңгіме,көрсету,сұрақ-жауап,шығармашылық ой.

Іс-әрекет кезеңдері:

Тәрбиеші әрекеті: Сәлеметсіздер ме, балалар?

Балалар бүгін бізде ерекше де, қызықты күн. Бүгін біз экология оқу қызметінен «Ызғарлы қыс келді» деген тақырыпқа тамаша саяхат жасайтын боламыз. Ең алдымен бізге келген қонақтармен және достарымызбен амандасып алайық.

Шаттық шеңбері;

Қуанамын менде,

Қуанасың сенде.

Қуанайық бәріміз

Арайлап атқан күнге

Қайырлы таң достарым,

Қайырлы таң қонақтар!

Тәрбиеші: Балалар мен сендерге бір жұмбақ жасырайын,шешуін таба аласыңдар ма?

Б: -әрине.

Жұмбақ.

Аяз қысып, өрнек сызып,

Терезені торлайды.

Қар омбығып, бет домбығып,

Бүлдіршіндер ойнайды.

Балақайлар, айтыңдаршы,

Бұл қай кезде болады?

Балалар: Қыс мезгілінде.

Тәрбиеші: Дұрыс айтасыңдар. Олай болса қазір жылдың қай мезгілі?

Б:-Қыс мезгілі.

Т:-Қыс мезгілінде неше ай бар?

Б:-Үш ай. Желтоқсан, қаңтар, ақпан.

Т:-Дұрыс-ақ.

Т:-балалар,жан-жағымызға қарайықшы.Жер қандай?

-Б:-Аппақ.Үйілген қарлар.

Т:-Тағы не байқап тұрмыз?

Б:- Ағаштар,бұталар.

Т:-Ағаштарды не басқан?

Б:-Қарлар мен қыраулар. Сымбат:-Апай,ағашта сурет ілулі тұр.

Т:-Бұл не сурет болды екен ,ә? (бұтақта ілулі тұрған қыс мезгілінің суреті).

Т:-Балалар, қараңдаршы бұл суретте не көріп тұрмыз? Қыс туралы туралы әңгімелей бастайды. « Қысқы керемет табиғат.Қыста ауа таза болады.Қыста ауа-райына байланысты қар әр түрлі жауады.

Қыста ауа-райында қандай өзгерістер болады?

Б:-Ұлпа қарлар жауады. Жел болмағанда жапалақтап жауады.Қатты суық болғанда аяз болады.Қатты жел болғанда боран соғады. Түйіршік қар жауғанда тайғақ болады.

Т: Адамдар қалай киінеді?

Б:-Адамдар жылы, қалың киінеді.

Т:-Балалар, біз тоңбас үшін үстімізге қандай киімдер киеміз? Қане, қимылмен көрсетейікші(балалар қимылмен көрсетеді).

Сергіту сәті:

Тон, байпақпен,қолғаптар,

Арада жоқ тоңғақтар.

Баста қалың малақай