З дыбысы мен әрпі ашық сабағы мектепалды даярлыққа

Оқу іс –әрекетін ұйымдастырудың технологиялық картасы.

МАД

Тәрбиеші:

Уақыты:

Кабинет:

Тақырыбы

З дыбысы және әрпі

Сабақтың мақсаты

Тақпақты зейін қойып тыңдап, сөзге дыбыстық талдау жасау жасай білуге уйрету,сөздерді буынға дұрыс бөле білу,сурет арқылы заттың атауын білу,логикалық ойлау қабілетін арттыру.Жазу дағдысына үйрету.

Көрнекіліктер

Үлестірмелі суреттер, плакат т.б

Іс-әрекет кезендері

Тәрбиеші әрекеті

Балалардың іс — әрекеті

Психологиялық ахуалды қалыптастыру

– Сәлеметсіңдер ме, балалар! Терезеге қараңдаршы! Қандай тамаша! Аңдар мен құстар, таулар мен өзендер – бәрі қуанышты. Өйткені бәрі-бәрі бір-бірімен дос. Айналадағы ортамен достықта болған қандай керемет!

Қол ұстасып, өзімізбен де, айналамен де сәлемдесейік.

Айтамыз алғыс қайталап,

Тыңдайды бізді шартарап.

Өмір сүру – бір бақыт.

Дос бола білу – шын бақыт!

Балалар алдағы өтетін сабаққа дайындық жасайды.

Ұйымдастыру іздестіру

Жаңа сабақ

Жұмбақ шешу. Ләзатта бар, Жанатта жоқ. Азатта бар, Қанатта жоқ.(З әрпі)Жауабын айтқан бала сол З дыбысына сөз ойлап айтады.«Сөз ойла,көп ойла» дидактикалық ойыны.Ойын шарты:Барлық балаларға жеке-жеке доп лақтырып,доп алған бала сол дыбысқа сөз ойлап айтады.(Сөздің басында,ортасында,соңында З дыбысы).Суретке қарап дыбыстық талдау жасату.Зәуре сөзін шапалақ ұру арқылы буынға бөлу.2.Тіл ұстарту жаттығуы. Ыз-ыз-ыз Анар –сүйкімді қыз.3.Дәптермен жұмыс.Жүзік,зымыран,жұлдыз сөздеріне дыбыстық талдау жасатып,ондағы З дыбысының орнын ажыратқызады. Балалардың өздеріне З дыбысының сөздің басында,ортасында,аяғында,келетін сөздер ойлатады. Дәптердегі буындарды, сөздерді құратып оқытады.Балығы хормен қайталап оқиды.Жазу жұмысы:педагог З дыбысын ауада жазып көрсетеді. Балалардың өздеріне ауада жазғызады. Сонан соң дәптерге жазу . Дәптерде берілген сызба бойынша бірнеше сөйлем құрату.Мысалы:Атам қарбыз өсірді.Қарбыз бақшада өседі.Сөзжұмбақ шешеді.Шешуі:қазына.Қазына сөзіне сөздік жумысын жүргізу.Қазына- түрлі бағалы заттар ,дүние мүлік,байлық.

Балалар барлық қимылдарды тәрбиешіге қарап, қайталайды. Берілген тапсырмаларды орындайды.

Сергіту сәті

Ұзын қанат инелік ,Инелікке тимелік, Ұшақты біз жасадық Инеліктен үйреніп. Зу-зу,зу-зу,зу-зу. (Қимылмен көрсету)

Оқушылар ойын ойнайды

Рефлексивті — түзетушілік

1.Тақтаға әріптер тізбегі жазылған плакат ілінеді.Осы әріптерді ретімен қосып оқыту арқылы бірнеше Сөз құрату.Қ-о-й-с-и-ы-р-з-а-у-з-а-б-ұ-з-а-у-қ-а-р-б-ы-з-т-е-р--е-з-е2.Құрастырған сөздердің ішінен З дыбысы кездесетін сөздерді тапқызу.Сол сөздерге дыбыстық талдау жасату.3.Сұрақ-жауап әдісі арқылы алған білімдері бекітіледі.

Тапсырмаларды әр бала өз алдына ерекше орындады.