Заманауи педагог туралы әлеуметтік педагогке мақала

ЗАМАНАУИ ПЕДАГОГ

Тусупбекова Зейнегул Алкеновна, Әлеуметтік педагог, «Өзін -өзі тану» пәнінің мұғалімі

«М.Жұмабаев атындағы №39 гимназия» КММ,

Қарағанды қаласы

«Жақсы ұстаз мектепке жан кіргізеді»

А. Байтұрсынов

Заманның белсенді азаматы болуы үшін әрбір адам жақсы оқып, тиянақты білім алады. Білім ақыл-оймен сана сезіміңді дамытады, мінез құлықтың жарасымды қасиеттердің даму түсуіне дәнекер болады. Білім алуда шешуші роль атқаратын-ұстаз.

Ұстаз- қоғамның жұрт сенім білдіретін өкілі.Ол сауатыңды ашып, болашаққа жол сілтейді.Тәлім- тәрбие беретін ұстаздардың ақыл- кеңесін мұқият тыңдап, ғылым-білімді барынша игеріп, меңгеруге ынталану әр шәкірттің асыл арманы мен борышы. Еліміз өркениетті елдердің қатарынан орын алып, ұрпағымыз қоғам қажеттілігіне сай болып жатса, бұл – ұстаздардың еңбегінің жемісі. Олай дейтін себебіміз ақынды да, батырды да, алыпты да, дананы да ұстаз тәрбиелейді. Білім нәрімен сусындап, мұғалім деген атақты алып шығу, оқушыларға жақсы тәрбие мен білім беру үлкен ерлік. Себебі біз тәрбиелеген ұрпақ ертеңгі күні еліміздің тірегі болмақ. Тәуелсіздіктің тұғырын, еліміздің тыныштығын сақтап қалатын да солар.Сондықтан ұстаз болу - жүректің батырлығы. Олар зерделі де зерек, парасатты, ұлттық және адамзаттық құндылықтарды бойына дарытқан тұлғаларды тәрбиелейді. Егемен еліміздің ертеңін ойлар білімді де саналы, Отанын, туған жерін, ұлтын сүйетін ұлтжанды парасатты азаматта тәрбиелеуде ұстаздың еңбегі орасан зор екенін баршамыз мойындаймыз. Ұстаз – ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі з

Ұстаз! Осынау сөзде қаншама мән-мағына жатыр десеңізші! Ұлағатты ой иелері де, арман оты жүрегінде алаулаған жеткіншектер де, парасатты қоғам қайраткерлері де бір адамға қарыздар. Ол – Ұстаз! Алғаш "Әліппенің” бетін ашып, әріп танытқан, өмірдің қыр-сырын білуге, сан қилы құбылыстарды терең түсінуге мұрындық болып, жан дүниеңе нұрлы шуақ түсіріп, адамгершілікке баулыған ұстаздың бейнесі көңіл төрінен орын алады. Ұстаз да диқан сияқты. Ол әр адамның жанына білім дәнін себеді. Әр шәкіртін аялап өсіріп, өмір атты шексіз ғаламға ұшырады. Дәлірек айтсақ, адамды өмір сүре білуге тәрбиелейді. Сол үшін бойындағы асыл қасиеттерін шәкірттеріне сіңіріп, тер төгеді. Олай болса, жас ұрпаққа білім мен тәрбие беретін ұстаз – баға жетпес биік тұлға. Ұстаздық ұлы қасиет. Ұстаз – білім нәрімен сусындаған жан. Абай атамыз «сен де бір кірпіш дүниеге,кетігін тап та, бар қалан» деп айтқандай әр

оқушыға білім беріп, оған өмірлік бағыт сілтеп өмірге «кірпіш» болып қалануына зор үлес қосушы- ұстаз [2].

«Еліміздің ертеңі бүгінгі жас ұрпақтың тағдыры ұстаздың қолында» -- деп атап көрсеткендей, ұрпақ тағдыры үшін жауап беру- ұстаз атаулыға үлкен салмақ. Мен ұстаз ретінде оқушыларға білім беру мен тәрбие берудегі жауапкершілікті ұстаз бойындағы ең басты қасиет деп түсінемін. Ұстаздар қауымы елдің ертеңгі тізгінін ұстайтын «Мәңгілік ел» идеясын жүзеге асыратын ұрпақ тәрбиелеуде үлкен жүкті арқалай отырып, қоғам алдындағы зор жауапкершілік жүктелгенін бүгінде нақты сезінген деп ойлаймын. Өзім де сол жауапкершілікті сезіне отырып, оқушыларға деген сүйіспеншілік, оларға қамқор болу, олардың жан дүниесін түсіну, оқушылармен дұрыс қарым-қатынас орнату, олардың әрқайсысына мән беріп, назарда ұстау мен үшін әдетке айналған. Оқушыларға аяушылық сезіммен қараймын, әрқашан мейірімді, төзімді болуға және оларға құрметпен қарауға тырысамын. Жылдар өткен сайын оқыту мен оқуда болып жатқан өзгерістермен бірге ұстаз мен оқушы арасындағы өзара қарым-қатынас пен әрекеттер өзгеріп тұрады, сондықтан бүгінгі ұстазға қойылатын талап, жауапкершілік аса жоғары [3].

Ұстаз қызметінде білім іскерлік пен дағдыны қалыптастыру жүйесін қолдану, оның кәсіби шеберлігін қамтамасыз етеді. Жақсы мұғалімдер мектептегі балалардың әлеуметтік және жеке тұлға түрінде дамуы үшін өзінің жауапты екенін сезінеді. Жеке тұғаны қалыптастыру — оны ғылым мен мәдениетке үйрету, білім, қарым-қатынас ережелерін, әлеуметтік гәжірибені меңгерту. Нақтылай айтсақ , ана тілін ерекше қүрметтеп, жетік білетін, басқа тілде де жетік сөйлей алатын, дүниетанымы, ақыл-ой парасаттылығы калыптасқан, еңбекқор, мақсат қоя алатын, жауапкершілігі мол, мінез-қүлқы, айналадағы адамдарға қарым-қатынас мәдениеті жоғары, Отанын сүйетін, саналы еңбек етіп, өз ойын дамыта алатын, күрделі жағдайларда нақты шешім қабылдай алатын, салауатты тұлға. Бір сөзбен, жаңа әлеуметтік-экономикалық қоғамдағы жеке тұғаның бойында болуға тиіс бірден-бір қасиеттер: белсенділік, жаңа қоғамдағы өз орнын (позициясын) таба алатын шығармашылық іс-әрекет. Міне, осыншама жақсы қасиеттерді болашақ ұрпақтарымыздың бойынан көрігіміз келсе, ұстаз қауымы аянбай еңбек етуіміз қажет деп ойлаймын. Ендеше, егемен елдің ертеңіне үлес қосатын тәуелсіз мемлекеттің саналы ұрпағы саналатын шәкірттерімнің ізгі сарайын біліммен сәулел

Білім беру саласында қызмет еткендіктен алға қойған мақсатымыз жас ұрпақты заман талабына сай тәрбиелеу. Осы мамандық жан-жақты ізденісті, шеберлікті, икемділікті, нақтылықты, тұрақтылықты, бауырмалдылықты, мейірімділікті, қажет ететін мамандық. Осы мамандықты таңдағандықтан мамандықтың майталманы болу әрбір ұстаздың қолында. Сондықтан ұстаз әрқашан ізденісте болу қажет. «Ұстаздық еткен жалықпас, үйретуден балаға»,- деп Абай атамыз айтқандай ұстаздық мамандық үнемі ізденістегі мамандық.

Бүгінгі таңда мұғалімге ең қажетті нәрсе - заман талабына сай лайықты жаңа адамды дамыту, тәрбиелеу. Заман күннен күнге дамып, өркендеу үстінде. Олай болса біз алдымызда тәрбиелеп отырған шәкірттерімізге адамгершілік пен өз елін сүйетін ұлтжанды етіп тәрбиелеу, оны бар асылындай қадірлей білетін, өткенін бағалап, болашағына зор сеніммен қарай білетін ең жақсы қасиеттерін үйрете білуіміз қажет.