Заманауи Қазақстан жетістіктері туралы тәрбие сағаты

Қаралды________ Келісемін_________ Бекітемін________

сынып жетекшілер директордың тәрбие ісі мектеп директоры

бірлестік жетекшісі жөнінідегі орынбасары Ж.Жумабекова

А.Фазылова А. Өтеген «__»________2018 ж.

«__»________2018 ж «__»________2018 ж.

Астана қаласы әкімдігінің

«№78 мектеп-гимназия»КММ

2018-2019 оқу жылы

Тақырыбы: Заманауи Қазақстанның жетістіктері «Нұрәлем» павильоны

Жауапты мұғалімдер: А.Арисланова

А. Өтеген

Сабақ жоспары

Сынып: 6 «А», 7 «А»

Тақырыбы: Заманауи Қазақстанның жетістіктері «Нұрәлем» павильоны

Мақсаты

Білімділік: 1851 жылдан бастау алып келе жатқан дүниежүзілік көрмелер тарихы және 2017 жылы Қазақстанда өткен EXPO көрмесі, «Нұрәлем» павильоны туралы білімдерін тереңдету.Дамытушылық: Шығармашылық қабілеттерін нығайту, тарихи зерделілік қасиеттерін дамыту.Тәрбиелік: Оқушыларды қоғам жаңалықтарынан және өзгерістерінен тыс қалмауға баулу. Отанымыз жетістіктеріне мақтаныш сезімін ояту.

Өткізілу формасы: сұрақ-жауап, ойын, әңгімелеу, саяхат,

Көрнекілігі: EXPO суреттері, видео.

Барысы:

І Ұйымдастырушылық кезең

Сәлеметсіздер ме оқушылар? Құрметті оқушылар бүгінгі ашық саяхат сабағымызға қатысушы тыңдаушылар мен оқытушылар! Көңіл –күйлеріңіз қалай? (оқушылардың жауаптары) Жақсы. Оқытушының кіріспе сөзі. «Нұр әлем» павильонының әр қабатына саяхат жасай отырып тапсырмалар орындай отырып энергия көзін дамытамыз.

ІІ Жаңа мәлімет

-Сіздер балалар экспо деген сөздің мағынасын білесіздер ме? Қанекей кім айтады екен?

«Экспо» деген не?

Ол көрме. «Экспо» деген сөздің өзі «көрме» дегенді білдіреді. Бірақ Экспо жай көрме емес, бүкіләлемдік көрме. Оның World Expo деп аталатыны да сондықтан. Ауқымы жағынан бұл шараны тек Олимпиада ойындарымен салыстыруға болады. Әлем елдерінің ғылымдағы, өндірістің сан саласындағы жетістіктері осы көрмеге қойылады. Жаңа ғасырдың көптеген көкейкесті мәселелері талқыланатын, ғаламшар экологиясын жақсартуға қатысты ұсыныстар айтылатын жер де – осы көрме.

-Ия, дұрыс айтасың.

-Ал, балалар айтыңыздаршы ең алғашқы экспо қайда және қашан болды?

Ең Алғашқы Экспо

Ең алғашқы жаһандық көрме 1851 жылы Лондон қаласында өткен болатын. Оны ұйымдастыру идеясы ағылшын ханзадасы Альбертке тиесілі екен. Сол кезде Англия астанасында көздің жауын алатын Хрусталь сарай бой көтерген екен. Өкінішке қарай, бұл ғимарат 1936 жылы өртеніп кетеді.

Дей тұрғанмен, ең алғашқы Экспоның өзі техникалық жетістіктер шеруіне айналады. Лондон көрмесіне 40 елден 100 мыңға жуық экспонат әкелінгені соның айқын дәлелі.

-Өте жақсы, дұрыс айтасың.

-Осы балалар, білесіздер ме экспо көрмесінде тағы қандай өнертабыстар болғанын?

Ендеше мен сіздерге айтып өтейін. Өзінің жарты ғасырдан астам тарихында Экспо талай-талай ғажайып өнертабыстарды әлемге танытты. Мысалы, 1876 жылы АҚШ-тың Филадельфия қаласында өткен көрмеде Александр Белл ең алғашқы телефонды жұртшылық назарына ұсынады. 1893 жылы Чикагода көрмеге келушілер алғашқы газдалған сусынның дәмін татты. 1900 жылы Париж көрмесінде халық тұңғыш рет дыбысты киноны тамашалады. Ал 1936 жылы Нью-Йорктегі Экспо кезінде халық түрлі-түсті фото мен нейлонды алғаш рет көреді.

-Балалар, сіздер эйфель мұнарасын білесіздер ме?

-Ол не үшін салынғанын білесіздер ме? Қане кім айтады екен?

Экспо және Эйфель мұнарасы

1889 жылғы Халықаралық көрме Парижде өтеді. Әлемге әйгілі Эйфель мұнарасы осы көрмеге арналып салынған екен. Темірден өрілген мұнара көрме павильондары алдындағы салтанат қақпасы міндетін атқарса керек.

-Өте дұрыс, айтасыңдар.

Сонымен қатар балалар Венадағы (Австрия) әлемдегі ең үлкен мұнарасы бар Ротонда павильоны, Ёсудегі (Оңтүстік Корея) «Аспан мұнарасы» мен «Ёсу EXPO» теміржол вокзалы – ғаламдық көрмеден қалған мұралар болып саналады.

-Ал, енді Азиядағы ЭКСПО көрмелері қай жерлерде өтті?

Азияда Экспо өткізген елдер саусақпен санарлық. Атап айтсақ, халықаралық көрмелер 1970 жылы Жапонияда Осакада, 1975 жылы Жапонияның Окинавада,1993 жылы Оңтүстік Кореяның Тэджонда, 2005 жылы Нагакутеде, 2010 жылы Шанхайда, 2012 жылы Оңтүстік Кореяның Ёсуде қалаларында өткізілді.

-Ия, дұрыс айтасың.

- Жас достар, 2012 жылы Елордамыз Астана «EXPO-2017» Халықаралық көрмесін өткізу мәртебесін жеңіп алды. Халықаралық Көрмелер бюросының (ХКБ) Бас Ассамблеясы отырысында әлемнің 148 мемлекетінің 103-і Астана кандидатурасын қолдап дауыс берді.

- 2017 жылы өтетін Астана Экспосы, сөз жоқ, адамзат санасын дүр сілкіндіреді деген үміт бар. Себеп – елордамыздағы көрме Елбасы ұсынысымен «Болашақтың қуаты» деп аталып отыр.

Видео. EXPO-2017

Астана көрмесінде Табиғат-Анаға залалсыз «жасыл технологиялар» алдыңғы орынға шықпақ.

Шығармашылық кезең

1-жүргізуші:

Тауды биік деме сен

Талаптансаң шығарсың

Жауды мықты деме сен

Білімді болсаң жығарсың-дегендей бүгінгі саяхат-сайыс сабағымызды бастайық.

Бұл сайысқа «Болашақ эергиясы»және «Жасыл экономика» атты екі команда қатысады.

Бұл екі топтың басты мақсаты «Нұр әлем» павильонының қабаттарына көтерілуі арқылы энергия көзін дамыту.

топ. «Болашақ энергиясы»

топ «Жасыл экономика»

2-жүргізуші:

Сайыс сабағымызда берілген тапсырмалармен таныс болайық.

1-қабат «Қазақстан павильоны» Таныстыру. Астана қаласының көрікті орындары сайысы

2-қабат « Су энергиясы ». «Мақалдың жалғасын суреттен табу» сайысы

3-қабат «Кинетикалық энергия» Полиглот сайысы

4-қабат «Биомасса энергиясы» Жұмбақ жылдар сайысы

5-қабат «Жел энергиясы» «Зерделіге зерлі сөз» тест тапсырмасы

6-қабат «Күн энергиясы» «Көршісін тап» сайысы

1-жүргізуші:

Әрбір сайыста «Нұр әлем» павильонының әр қабатына тоқтаймыз.

Тапсырмалар:

Сәлем –сөз анасы дегендей кезекті топтардың сәлемдесуі таныстыру кезегіне сөз береміз.

(топ капитаны өздерінің тобын таныстырады)

1-жүргізуші:

Тәңіріме бас иіп бағынамын,

Туған жерді аңсаймын сағынамын.

Туған жер деп соғады жүрегімде,

Басымды иіп өзіңе табынамын,-дей келе кезекті «Қазақстан павильонынан » бастаймыз.

Біздің алғашқы саяхатымыз Астана қаласының көрнекті орнынан басталады.Сайыстың шарты бойынша әр топтың көшбашысы карточкада берілген мәтінде қай ғимарат туралы айтылған екенін ым –ышарамен (мысалы, нысанның сулбасын саусақпен көрсету,тыңдаушының фантазиясына байланысты) айтып беру керек.Кейін сол мәтінді оқып береді.Кейін сол мәтіндер бойынша әр топ бір-біріне кезекпен сұрақ қояды.

«Атамекен» Қазақстан картасы

Бұл этно-мемориалды кешен 2001 жылы 8 қыркүйекте ашылды.Картада 14 облыс және Астана,Алматы қалалары бар.Мұнда барлық табиғи зоналар мен ландшафттар,заманауи және тарихи ғимараттар, ескерткіштердің шағын мүсіндері тұр.Мысалы,Қожа Ахмет Яссауи кесенесі және Бұқтырма су қоймасы,Президент Резиденциясы.

«Ханшатыр» Сауда және ойын-сауық орталығы

Танымал британ сәулетшісі Норман Фостер жобасымен салынған.2300 тонналы ғимарат Есіл өзенінің сол жағалауында бой көтерді.Шатыр биіктігі 150 метрге дейін жетеді,сыртқы жағы тұтас арнайы әйнектермен қапталған.