Заңды тұлғалардың құқықтары туралы презентация

Қылмыстық іс жүргізу және қылмыстық-процестік құқықтың, сонымен қатар мемлекеттің құқықтық саясаттың маңызды саласы – қылмыстық саясат. Қазақстан өз тәуелсіздігіне ие болғаннан кейін, бұған дейін қолданылып келген 1959 жылғы Қылмыстық кодекс егеменді еліміздің әлеуметтік-экономикалық және қоғамдық-саяси өзгерістерімен үйлеспейтіні, тиімді жұмыс жүргізуге мүмкіндік бермейтіні айқын болды.

Ең алдымен, онда жалпыадамзаттық құндылықтар, адам құқықтары мен бостандықтары және мемлекеттің халық­аралық міндеттемелері құрметтелмеді (Қылмыстық кодекстің нормаларында идеологиялық басымдықтар тән болды). Сондықтан 1997 жылы қабылданған Қылмыстық кодекс адам құқықтары мен бостандықтарының табиғи, ажырамас басымдықтарына негізделген әлеуметтік құндылықтардың жаңа өрісін анықтады.

Мемлекеттің қылмыстық саясатты оңтайландыру қылмыстық сот тө­релігінің тиімді үлгісінсіз мүмкін емес. Соған орай қылмыстық-процестік заң­наманы жетілдіру айтарлықтай кү­шейді. Осының барлығы қазіргі за­ман­ғы, демократиялық, құқықтық мем­­лекет сипаттамаларына сәйкес 1997 жылғы Қылмыстық-процестік ко­дексінің қабылдануының негізі болды. Бұл ретте заң шығарушының не­гізгі мақсаты – адам мен азаматтың тіке­лей құқықтары мен бостандықтары ту­ралы конституциялық нормаларды тану, заңдардың мәнін, мазмұны мен қолданылуын анықтайтын және сот төрелігін қамтамасыз ететін қылмыстық іс жүргізу заңнамасын қалыптастыру болды. Осылайша қылмыстық іс жүр­гізу кодексінің келешектегі дамуы адам құ­қықтары мен бостандықтарын сөзсіз қор­ғауға бағытталған қылмыстық сот төрелігінің негізге алынатын қағи­дат­тарды одан әрі дәйекті жүзеге асыруына тікелей байланысты болды. Са­рап­­­шылардың пікірінше, бұл ҚПК – қылмыстық процестің континенттік (аралас) үлгісіне жақын.

Қазақстанның тәуелсіздік алған сә­тінде республиканың пенитенциарлық мекемелерінде 100 мыңнан астам адам болды. Ал біздің мемлекет Америка Құрама Штаттары мен Ресейден кейін «түрме халқының» индексі бойынша үшінші орынды иеленді. Оған қоса, түзеу мекемелерінің сотталғандарға толы болуы тиісті гигиенаның болмауына, азық-түлік жетіспеушілігіне, медициналық көмектің нашар көрсетілуіне алып келді. Бұл проблемалар өз алдына, туберкулез және басқа да жұқпалы аурулардың таралып, түрмелердегі өлім-жітімнің көбеюіне әкелді.

Жаңа Қылмыстық кодексте шет­елдердің алдыңғы қатарлы тәжірибесі қолданылды, сондықтан ол көптеген басымдыққа ие болды.

Қылмыс жасаған тұлға жөнінде, оның позитивті тәртібі, атап өтсек, іс-қимылдың салдарын болдырмау немесе құқық қорғау органдарына жасалған қылмысты ашуға көмек көрсетсе, қыл­мыстық жауапкершіліктен босату түрлері кеңейтілді.