Зат есімнің жіктелуі 4-сыныпқа арналған ашық сабақ

Ұзақ мерзімді жоспар бөлімі: 6-бөлім: «Қоршаған ортаны қорғау»

Күні: 3-тоқсан

Мектеп: «ЖББ Т.Жароков атындағы орта мектебі» КММ

Мұғалімнің аты-жөні: Абдрешева Н.С.

Сынып: 4 «Ә»

Қатысқандар:

Қатыспағандар саны:

Сабақ тақырыбы

Құстар туралы не білемін? Зат есімнің жіктелуі

Осы сабақта қол жеткізілетін оқу мақсаттары

4.4.2.2 зат есімді жіктеуді білу. Жіктік жалғауларын ажырату.

Сабақ мақсаттары

Жіктік жалғауларының қолданысын білу.

Бағалау критерийлері

Зат есімді жіктей алады.

Жіктік жалғауларының қолданысын біледі.

Сөздік қор

Қоршаған ортаны сипаттау сөздерін қолданады.

Құндылықтарды дарыту

Өмір бойы білім алу, еңбек және шығармашылық құндылықтарын пікіралмасу арқылы, сұрақтар қою арқылы қалыптасады.

Пәнаралық

байланыстар

Дүниетану, жаратылыстану

Алдыңғы меңгерілген білім

Табиғаттың таңғажайып құбылыстарымен танысты

Сабақ барысы

Сабақтың жоспарланған кезеңдері

Сабақта жоспарланған іс-әрекет

Ресурстар

Сабақтың басы

І. Ұйымдастыру кезеңі.

Психологиялық ахуал.

Қолымызды ұстап, жаймен жылу жіберейік. Бүгінгі күнімізге сәттілік тілейік.

ІІ. Алдыңғы білім

Зат есім дегеніміз не?

Тәуелдеулі зат есімдердің септелуінде қандай ерекшеліктер болады?

ІІІ жақтағы тәуелдеулі зат есімдер септелгенде қандай септіктерге септік жалғаулары жалғанады?

Құс сөзін тәуелде.

Қарлығашым сөзін септе.

ІІІ.Мотивациялық-қызығушылық кезеңі

Мақсаты:Жұмбақтарды шешу арқылы сабақтың тақырыбын анықтау.

1.Тұмсығымен ояды,Ұя салып қояды.Табыңдаршы, балалар,Ол қандай құс болады? (тоқылдақ)

2.Су бетін сызып,Ақ Құман жүр жүзіп. (аққу)

3.Өзі сақ, өзі ұсақ,Шықылықтап тұрмайды.Құйрығы ұзын, өзі ала,Бұл қандай құс ала-ала? (Сауысқан)

4.Биікте ұшып жүреді,Елік, қоян бүреді.Қия таста ұясы,Бұл қай құс кім біледі? (Бүркіт)

5.Бейбіт құсы аталады,Бар әлемге жар салады.Танисың ба ол құстыАты қалай аталады? (Ақ көгершін)

-Балалар, бұларды бір сөзбен қалай айтуға болады?

-Сабағымыз не жайлы болмақ деп ойлайсыңдар?

Сабақтың тақырыбы мен мақсаты арқылы бағалау критерийлерін анықтау.

БК тақтаға жазылады, сабақтың соңында БК оралатындықтары ескеріледі.

Сабақтың ортасы

(Ө) Оқылым. 17-жаттығу.

Мақсаты:Өлеңдерді оқу.

Құс сұлуы - аққумын,

Табиғат көркін сыйлаған.

Мылтығын кезеп еш мерген

Атуға көзі қимаған.

Мен торғаймын, торғаймын,

Суықта да тоңбаймын.

Құрт-құмырсқа, шіркейден

Бау-бақшаны қорғаймын.

Мұрат Қуанышбеков

Қарамен жазылған сөздердің қай сөз табында тұрғанын айт. Түбір мен жалғауын тап.

Зат есім. Аққу – түбір, -мын-жалғау.