Заттарды санау бойынша сабақ жоспары 1 сынып

Бекітілді:

Оқу ісінің орынбасары:Н.Рахманбергенов

Қысқа мерзімді жоспар

Пән: Математика

Ұзақ мерзімді жоспар бөлімі: Өзім туралы

Күні: 02.09.2019

Сынып: 1а

Мектеп: Абай атындағы №90 орта мектебі

Мұғалімнің аты-жөні: Маханбетова Гулайша Данахметовна

Қатысқандар саны: 18

Қатыспағандар саны:

Сабақ тақырыбы

Заттарды санау

Осы сабақта қол жеткізілетін оқу мақсаттары (оқу бағдарламасына сілтеме)

1.1.1.1** натурал сандардың және нөл санының құрылуын түсіну; 10 көлеміндегі сандарды тура және кері санау; олардың натурал сандар қатарындағы орнын анықтау

1.5.2.1 цифрды саннан ажырата алу, біртаңбалы сандарды түрлі әдістермен көрнекі бейнелеу: сандық түзуде, нүктелердің, таяқшалардың жиынтығы түрінде және т.б

Сабақ мақсаттары

Барлық оқушылар: Натурал сандардың және 0 санының құрылуын біледі.10 көлеміндегі сандарды тура және кері санай алады. Олардың натурал сандар қатарындағы орнын анықтай алады. Цифрды саннан ажырата алады.

Көптеген оқушылар: Цифрларды саннан ажырата алады.

Кейбір оқушылар: Бір таңбалы сандарды сандық сәуледе әртүрлі көрнекі құралдармен жасап көрсетеді.

Бағалау критерийлері

1-ден 10-ға дейін реттік нөмірмен санайды.

10-нан 1-ге дейін реттік нөмірмен санайды.

Заттың реттік нөмірін атайды.

Тілдік мақсаттар

Оқушылар орындай алады: заттарды санаудың маңыздылығын түсіндіреді, 10 көлеміндегі сандарды тура және кері санайды, сандардың натурал сандар қатарындағы орнын анықтап дәлелдейді.

Пәнге тән лексика мен терминология:

Сан, санау, саны, есептік санау, неше? қанша?

Диалог пен жазу үшін пайдалы сөздер мен тіркестер:

-Терезе жақта неше бала отыр?

-Сыныпта неше бала бар?

-Сыныпта қанша қыз бала бар?

- Сыныпта қанша ер бала бар?

Құндылықтарды дарыту

Шығармашылық және сын тұрғысынан ойлауын дамыту.

Пәнаралық байланыстар

Сауат ашу, жаратылыстану.

Бастапқы білім

10 көлеміндегі сандар, тура және кері санау туралы түсінігі бар.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

8 мин

Ынтымақтастық атмосферасын құру

«Шаттық шеңбері» арқылы іске асырылады.

Оқушы өз есімін және есімі басталатын дыбыстан жағымды мінезді сипаттайтын сөз қосып айтады. Кезекпен жалғасады. Мысалы: Айжарық ақылды.

Топқа бөлу «Қоржын» әдісі арқылы қоржыннан сандарды алу арқылы жүреді.

1-топ – «1»

2-топ- «2»

3-топ - «3»

4-топ – «4»

«Ой қозғау» әдісі арқылы оқу мақсаттары ашылады.

-Қоржыннан алған цифрды дауыстап атаңдар.

-Олар бізге не үшін керек?

-Оларды біз қалай қолданамыз?

-Тақтаға 10-ға дейінгі сандарды натурал қатардағы орнына қарай орналастырайық?

-Оларды солдан оңға қарай, тура санайық.

- Енді оңнан солға қарай, яғни кері санайық.

-Осыдан қандай қорытынды шығарамыз?

-Бүгінгі сабақтағы мақсатымыз не болмақ?

Сабақтың ортасы

7 мин

5 мин

2 мин

8 мин

5 мин

(Ұ) 1- тапсырма «Кім жылдам?» әдісі арқылы іске асады.

Қойылған сұраққа бірінші қол көтерген оқушы жауап береді.

-Бірінші қатарда неше оқушы отыр?

-Екінші қатарда неше оқушы отыр?

-Үшінші қатарда неше оқушы отыр?

-Терезе жанында неше қыз бала отыр?

-Есіктің жанында неше ер бала отыр?

-Сыныпта неше қыз бала бар?

-Сыныпта неше ер бала бар?

Кезекпен 10 көлемінде тура және кері санаңдар.

Дескриптор:

Сандық ретпен 10 көлемінде тура санайды.

Сандық ретпен 10 көлемінде кері санайды.

Саралау тәсілі «Диалог және қолдау көрсету» арқылы іске асады.

Көмек қажет ететін оқушыларға жетелеуші сұрақтар қойылады.

-Сұраққа жауап бере алу үшін не істеу қажет?

Кейбір оқушыға қосымша сұрақтар беріледі.

-Сыныпта қыздар көп пе, ұлдар көп пе?

ҚБ: «Әділқазы» әдісі арқылы оқушы өзін бағалайды.

«3» - 10 көлеміндегі сандарды сандық ретпен тура және кері санай алса.

«2» - 10 көлеміндегі сандарды сандық ретпен тура және кері санауда көмек қажет етсе.

«1»- 10 көлеміндегі сандарды сандық ретпен тура және кері санауда қиналса.

(Д) 2 –тапсырма «Санақшы» әдісі арқылы жүзеге асады.

Тақтаға қыздар шығып бір қатарға тұрыңдар.

Ұлдар кезекпен қыздарды сандық ретпен санаңдар.

Енді ұлдар тақтаға қыздарға қарама-қарсы бір қатарға тұрыңдар.

Қыздар кезекпен ұлдарды сандық ретпен санаңдар.

Сұрақтарға жауап беріңдер:

-Сыныпта неше қыз бала бар?

-Сыныпта неше ұл бала бар?

-Сыныпта ұлдар көп пе, әлде қыздар көп пе?

-Біздің сыныпта барлығы неше бала бар екен? Кезекпен санайық.

Дескриптор:

Оқушыларды сандық ретпен санайды.

Саралау тәсілі «Диалог және қолдау көрсету» арқылы іске асады.

Көмек қажет ететін оқушыларға жетелеуші сұрақтар қойылады.

-Бұл сұраққа жауап бере алу үшін қалай санау қажет деп ойлайсың?

Кейбір оқушыға қосымша сұрақтар беріледі.

-Жалпы нешеге дейін санай білесің?

ҚБ: «Әділқазы» әдісі арқылы өзін бағалайды.

«6» - оқушыларды сандық ретпен санай алса.

«5» - оқушыларды сандық ретпен санауда шатасса.

«4» - оқушыларды сандық ретпен санауда көмек қажет етсе.

Сергіту сәті: «Соқ шапалақ» ойыны.

Оқушылар мұғалімнің нұсқауын орындап шапалақ соғады.

-Оңға қарай бұрылып 3 шапалақ соқ.

-Солға қарай бұрылып 5 шапалақ соқ.

-Қолдарыңды жоғары көтеріп 4 шапалақ соқ.

-Қолдарыңды төмен түсіріп 2 шапалақ соқ.

-Мен соққан шапалақ санын айт және соны қайталап көрсет.