Жабайы аңдар, мектепке дейінгі балаларға ашық сабақ

Тақырыбы: «Жабайы аңдар» ашық қаралым.

Ақтөбе облысы

Ембі қаласы

«Нұр»балабақшасы

тәрбиешісі Тыныбекова Асель

Мақсаты: Жабайы жануарлар туралы балалардың білімдерін тереңдету.

Білімділік: Әрбір аңның атын дұрыс атауға жаттықтыру және оларды ң тіршілік ететін ортасы туралы түсініктерін бекіту.

Дамытушылық: Жабайы аңдарға байланысты көрнекіліктер пайдалана отырып балалардың ой-өрісін дамыту.

Тәрбиелік: Жабайы аңдарға деген сүйіспеншілік сезімдерін арттырып аңдардың түрлеріне көңіл аудару оларға қамқорлықпен қарауға тәрбиелеу.

Білім беру саласы: «Коммуникация», «Шығармашылық»

Оқу қызыметі Тіл дамыту, жапсыру

Әдіс- тәсілдері: Әңгімелеу, көрсету, түсіндіру, сұрақ- жауап

Көрнекіліктері: Шырша, көл, көпір, жабайы аңдар. Д/ойынға қажетті құралдар

Ұйымдастыру бөлімі:

Шеңбер болып тұрайық,

Алақанды ашайық

Күннің нұрын салайық

Мейірімділік шоғын алайық.

Жиналған жылы шуақты

Қонақтарға шашайық.

Тәрбиеші: Балалар Күн нұрының жылуын сезіңдіңдер ма?

Ал балалар , қазір жылдың қай мезгілі?

Балалар: Жаз.

Тәрбиеші: Жазда күн қандай болды?

Балалар : Күн ысиды.

Тәрбиеші: Дұрыс айтасыңдар . Ал , балалар бүгін біз жабайы аңдармен танысамыз. Жабайы аңдар орманда өмір сүреді. Сол орманға барғымыз кеое ме?

Балалар: Иә, барғымыз келеді.

Тәрбиеші: Балалар мына жерден не көріп тұрсыңдар?

Балалар: Көл

Тәрбиеші: Дұрыс айтасыңдар. Ал енді осы көлден көпір арқылы өтіп, орманға барайық. Кәне, барлығымыз бір- бірден біріміздің артымыздан кезек-кезек жүрейік. Қолымызды жанымызға созып, асықпай жайменен өтейік.

(Көпірден өтеді)

Балалар мінекей орманға да келіп жеттік. Жан-жағмызға қарайықшы не көріп тұрсыңдар?

Балалар: Ағаштар, шыршалар , гүлдерді.

Тәрбиеші: Ал енді осы гүлдердің хош иістерін иіскейікші. Мұрнымызбен жұтып, аузымызбен демімізді шығарайық.

Тәрбиеші: Балалар мына жерде бірдеңі жүрген сияқты. Тыңдайықшы. Кәне жақындап шыршаның қасына барайық. Балалар қараңдаршы, мынау Аю екен ғой. Аю- жабайы аң, ол өте аңқау. Оның түсі сұры. Аю+қыста қар астында ұйықтап, ал жазда өз қорегін өзі тауып жейді: Ол балды жақсы көреді. Аюдың баласын «қонжық» . Балалар кәне бәріміз бірге «қонжық » деп қайталайықшы. Аюдың жүрісін салайықшы.

Сергіту сәті

Ормандағы аюдың

Құлпынайы көп екен.

Теріп-теріп алайық

Қалтамызға салайық

Тәрбиеші:

Балалар мен сендерге жұмбақ жасырайын

Өзі айлакер, өзі қу

Жүрген жері айқай шу.

Бұл не балалар?

Балалар : Түлкі

Тәрбиеші: Дұрыс айтасыңдар. Енді әрі қарай серуенімізді жалғастырайық. Балалар мына жерден бір нәрсені жүгіріп өткен сияқты. Байқадыңдар ма?