Жадырайық, жайнайық, ата-аналарға арналған тренинг

«Жадырайық, жайнайық, жылы лебізімізді сыйлайық» тренинг

2017 – 2018 оқу жылы

“Аққайың” бөбек – жай бақшасы

Тренингтің мақсаты: Ата-аналардың қарым-қатынасын жақсарту.Балабақша мен ата-аналар байланысын, отбасындағы тәрбиенің рөлін арттыру.Ата-анамен бала арасындағы қарым-қатынасты нығайту.

Қатысушылар: ата-аналар.

Ұйымдастыру кезеңі:

Сәлеметсіздер ме, құрметті ата-аналар! Мен Бүгін сіздерді көргеніме өте қуаныштымын.Сіздерді құрметпен тренингке шақырамын.Бүгінгі тренингімізді бастамас бұрын тренингіміздің ережесімен танысып алайық.

Ереже:

1.Өз атынан сөйлеу.

2.Өзгенің сөзін бөлмеу ,тыңдау, мазақ етпеу.

3.Белсенді қатысу.

4.Ойды ашық айту.

Адам өмірінде екі нәрсе ұмытылмайды екен. Біріншісі- қайырымды ісі, екіншісі жүректен шыққан жылы сөзі.

Пікір алмасу.

1 жаттығу «Өмірде өз жемістерін көру».

Мақсаты:ата-аналардың өзара қарым-қатынас ерекшеліктері.

Шарты: Жерде гүлдер шашылып жатады, соның ішінде жасырынған сөздер бар. Екі жұптан шығып сәлемдесу түрін көрсетеді.

Тапсырма.

1.Әзілдеп сәлемдесу.

2.Селқос ренжіп сәлемдесу.

3.Шын көңілмен сәлемдесу.

4.Таңқалып сәлемдесу.

5. Кінәлап сәлемдесу.

6. Қуанышпен сәлемдесу.(Рольдік ойын ата-аналармен)

2-жаттығу «Қар қиыршықтары».

Нұсқау: Ақ қағазды алып ортасынан бүктеймізде, оң бұрышын жыртып аламыз. Тағы да бүктейміз де оң жақ бұрышын жыртып аламыз. Осылайша мүмкінідігінше жалғастырамыз.Енді барлығымыз өзіміздің қар қиыршықтарымызды ашып қараймыз.

Талдау:

-Кімде бірдей қар қиындысы шықты?

-Жоқ. Себебі неде деп ойлайсыңдар?

-Психолог сөзі: Себебі, бәріміз бірдей әрекет жасағанмен ,біздер әртүрлі адамдармыз, әртүрлі қимылдаймыз. Ал балаларымызға келсек, әр қайсысы бөлек тұлға, әрқайсысының ойлауы, дүниетанымы көзқарасы бәріде әртүрлі.

3-жаттығу: «Жылы сөз, жанға шипа»

Нұсқау: біз балаларымызбен күнделікті қарапайым мейірімге толы қарым-қатынас арқылы жақсы нәтижеге қол жеткіземіз.Балалардың жан-дүниесін жылытатын сөзді қолданамыз ба?Орыс халқының қолдануында 59 жылы сөз бар екені анықталған. Ал қазақ халқында одан да көп, бірақ соны жиі қолданамыз ба? (қозым, құлыным, ботам, жұлдызым, жарығым).

Назарларыңызға рахмет!