Жай және тапсырысты хаттарды өңдеу сабағы

Шымкент қалалық білім басқармасы

№4 колледж

АШЫҚ САБАҚ

Тақырыбы: Жай хат және тапсырысты хатты қабылдау, өңдеу және жөнелту.

Дайындаған: өндірістік оқыту шебері: Қалаубекова А.М.

Шымкент -2019 ж

«Бекітемін»

Директордың оқу -өндірістік

істері жөніндегі

орынбасары:

Тоқмурзаев Ж.Н.

Сабақ жоспары

Сабақтың тақырыбы: Жай және тапсырысты хаттарды қабылдау, өңдеу және жөнелту.

Сабақтың мақсаты: Студенттерді жай және тапсырысты

Білімділік: хаттарды қабылдау, өңдеу және жөнелтуді

үйретіп, білімдерінің негізін қалыптастыру.

Дамытушылық: Студенттерді жақсы маман болуға баулу,

білімдерін арттыру, ой –өрісін дамыту.

Тәрбиелік: Студенттерді жұмыс жасау кезінде ұқыпты

жұмыс жасауға тәрбиелеу.

Сабақтың материалдық –техникалық жабдықтары: Интерактивті тақта,

электр сургичі, слайдтар, суреттер, сабаққа керекті құрал жабдықтар, нұсқау картасы.

Сабақта қолданылатын әдіс – тәсілдер: Практикалық сабақ.

Ұйымдастыру кезеңі.

а) Студенттермен сәлемдесу

ә) ҚР Әнұранын орындау

б) Студенттердің өндірістік оқыту сабағына дайындығын тексеру ( арнайы жұмыс киімінің, оқу құралдарының, жұмысқа қажетті құрал жабдықтардың болуын қадағалау

Кіріспе нұсқау

а) Студенттерді сабақтың тақырыбы және мақсатымен таныстыру.

ә) Студенттерге сабақтағы жұмыс тәртібін түсіндіру

б) Өткен тақырыпты пысықтау

Үй тапсырмасының сұрақтары.

Қызметтік хат хабарлар

Постамат арқылы автоматтандырылған сәлемдемелік терминал арқылы жөнелтілімді қабылдау және табыс ету.

в) жаңа тақырыпты түсіндіру

Жай және тапсырысты хаттарды қабылдау, өңдеу және жөнелту.

Тапсырысты хаттар мен cалынатын салынымдар.

Тапсырысты хаттарға салынатын салынымдар: жазбаша хабарламалар, ашық көркем хаттар, куәліктер (туу туралы, неке туралы, бала асырап алу туралы куәліктер әр түрлі жағдайда берілген анықтамалар, студенттік билеттер т.б.) АХАЖ органдарына – азаматтық ахуал актілерін тіркеу туралы куәліктің барлық түрлерінің көшірмелері, соттарға, құқық қорғау органдарына, әскери комиссариаттарға шақыру қағазы, хабарламалар.

Тапсырысты хаттарды қабылдау барысында буып – түю ретінде стандартты пошта конверттеріне, көлеміне қарай полиэтилен пакеттер қолданылады.

103н. тізімнің толтырылуы

103н. тізілімі бойынша топтама тапсырысты хаттарды қабылдау барысында өндірістік обьектінің жұмыскері міндетті:

Тапсырысты хаттарды тізілімдегі жазбамен жеке-жеке салыстыруға;

Әр тапсырысты хаттарды өлшеп, салмағын қоюға немесе тізілімдегі салмақ пен салмағын тексеріп, хаттардың салмағы 103н. тізілімімен сәйкес келмеген жағдайда түзетулер енгізіп және қолын қоюға;

Тарифтеуге, төлем сомасын қоюға немесе қойылған төлем сомасымен тексеруге.

автоматтандырылмаған өндірістік обьектілерде тапсырысты хаттарды қабылдау барысында 103н. тізілім бойынша қабылдап алынған хаттардың нөмірі қойылған (№ ден, № дейін) бір түбіртек. Жазып беруге, «қайда» жолында тізілім бойынша қабылдап алынған тапсырысты хаттардың санын жазбаша түрде көрсетуге «кімге» жолында «Тізілім бойынша» белгісін қоюға, түбіртектің қайырма бетіне ПМ бедерін қоюға.

Өндірістік объектіде тапсырысты хаттарды қабылдау барысында қабылданған жөнелтілімдердің саны, штрих код нөмірі, жалпы салмағы және тізілім бойынша барлық қабылданған тапсырысты хаттардың жалпы төлем сомасы көрсетілген ұқсас түбіртек береді;

нөмірді қоюға штрих-код нөміріне сәйкес тапсырысты хаттардың нөмірін тізімге жазуға және хаттағы 103н. тізімдегі штрих-код нөмірінің сәйкестігін тексеруге;

тізілімге қол қоюға және қабылданған күннің ПМ бедерін қоюға;

төлем ақысын алуға. Жөнелтушіге түбіртекті және 103н. тізілімінің бір данасын беруге;

Тапсырысты хаттарды жөнелту

Өңдеуге қабылданған тапсырысты хаттар мына төмендегідей топтарға бөлінеді: жергілікті, басқа қалалық, өкіметтік, соның ішінде 20 н. анықтамасы бар әрі қарай жіберу және қайтару хаттары.

Сұрыпталған тапсырысты хаттар 16н. жүк құжатына ДК–де автоматты түрде сканер арқылы енгізіледі.

16н. жүк құжатын жасаған жұмыскер:

Өз лауазымын, аты-жөнін көрсетеді, анық түрде өз қолын қояды.

Екі данаға ПМ бедерін анық қояды.

Тапсырысты поспакетке 16н. жүк құжатының бірінші данасын салады.

Алынғандығы туралы тапсырысты хабарламамен тапсырысты хатты қабылдау кезінде өндірістік обьектінің жұмыскері міндетті: