Жайдарман мектептік байқауын өткізуге арналған материал

ЖАЙДАРМАН-2017 сайысы

«ҰЛЫ ДАЛА ҚЫРАНДАРЫ,

ЕРКІН ЕЛДІҢ ҰЛАНДАРЫ»

Сайыс мақсаты: Оқушыларды өз беттерімен жұмыс жасауға, ізденуге, топпен жұмыс жасауға, бос уақытын тиімді пайдалануға үйрету. оқушылардың бастамаларына қолдау көрсетіп, бос уақытынтиімдіпайдаланудыұйымдастыру арқылы «Жайдарман» ойындарын балалар мен жасөспірімдер шығармашылығының бірсаласы ретінде насихаттау және әр сынып командалары арасында шығармашылық, достық қарым-қатынасты күшейту болды.

Ережесі: Жайдарман қалалық лига ережесіне сай жасалған

Безендірілуі: шарлармен, плакаттармен

Өтетін жері: Ашутасты мәдениет үйі

Барысы:

Жайдарман музыкасы ойналады

Жүргізуші:

Қалжыннан несіне сескендің,

Қазағым әзілмен көшкен мың.

Күлкіге шөліңді қандырар,

Жайдарман сайысқа қош келдің! –

Қайырлы кеш.Армысыздар достар! Армысыздар жайдарман сүйер қауым. Жыл бойы демалған Жайдарман топтары бүгін тағы да бір сахнада сайысқа түскелі отыр.Дәл қазір Ашутасты ауылының кубогі үшіг тартысты ойынның куәсі боласыздар.Сағындырған әзілдер,сағындырған Жайдарман топтары.Бүгінгі сайысқа қатысатын командалар қатары сақадай сай деген ойдамын.Ендеше бар жанарды жаулаған жайдарман ашық.

Жүргізуші: Еліміз жаңа тарихи кезеңдерге аяқ басуда.Соның бір дәлелі Елбасымыз Нұрсұлтан Әбішұлы Назарбаевтың «Болашаққа бағдар:Рухани жаңғыру!» бағдарламасы. Бұл бағытта бірнеше ауқымды іс атқарылуда.Бағдарлама жастар арасында да өз жалғасын табуда.Соның бір дәлелі бүгінгі Жайдарман сайысы.

«ҰЛЫ ДАЛА ҚЫРАНДАРЫ,ЕРКІН ЕЛДІҢ ҰЛАНДАРЫ»

Осындай ұранмен бүгінгі сайысқа қатысушы командаларды ортаға шақырамын!

Ауылымыздың намысын талай сайыстарда қорғап жүрген «Көңілді жандар» жайдарман тобы.

Ашутасты кубогына үміткер командалардың бірі,қалалық лигада өнер көрсетіп жүрген «Достар» еркін құрамасы

Және тағы бір жергілікті команда ару қыздарымыздан құралған «Таң қалмаңыз!» жайдарман тобы.

Және төртінші тәуелсіз команда ол қазылар алқасы.Құрамында:

Жүргізуші: Қымбатты көрермендер алдымен біз сіздерді ҚР Тәуелсіздігі мерекесімен құттықтаймыз. Тәуелсіздік – ең алдымен қазақ халқының бостандыққа ұмтылған асқақ армандары мен қайсар рухының жемісі.

Қазіргі таңда Тәуелсіздік – барлығымыз үшін ерекше қасиетті, бірліктің, ынтымақтастық пен татулықтың күні. Мемлекетіміздің тәуелсіздігі – ең алдымен халқымыздың бақыты!

Мереке қарсаңында елімізге тыныштық, жұртымызға амандық, жұмыстарыңызға сәттілік тілейміз.

Жүргізуші:

Қымбатты достар бүгінгі сайысымыз 3 кезеңнен тұрады.

1) Сәлемдесу

2) Бес жаңалық

3) Әуенді көрініс