Жайқалған жауқазын тәрбие сағатының сценарийі

Тәрбиелік кештің сценарийін жазған:Шайхслам Бибіқадиша Мауленқызы.

С.Бақбергенов атындағы жом КММ

Созақ ауданы Түркістан облысы

1бет

Ашық тәрбие сағатының тақырыбы: Жайқалған жауқазын Мақсаты: 1. Оқушыларға желтоқсан оқиғасы туралы мағлұмат беру.

Желтоқсан оқиғасының мәні мен мағынасын түсіндіру.

Тәуелсіздік үшін күрескен, желтоқсан құрбандарын еске түсіріп,

олардың батырлығын насихаттау.Осы оқиғаға қатысушы жерлес апамыз, ұстаз Г.Есенқұловамен кездесу.2. Оқушыларға патриоттық тәрбие беру, Отанды сүюге және ерлікке баулу. Желтоқсан оқиғасында ел қамын жеген ерлерді үлгі тұту, өнеге алуға және халқының тарихын білуге үйрету, достыққа, ұйымшылдыққа тәрбиелеу.

Көрнекілігі:Кейіпкерге арналған баннер, қанатты сөздер, бүктеме, Г.Есенқұлова жайлы дайындалған презентация , желтоқсан оқиғасы жайлы бейнероликтер, кейііпкердің фотосы ілінген қойынкітапша.

/Пилотка мен омырауыларына мерекелік лента тағынып, бірдей киінген оқушылар сап түзейді.\

Марш екпінді музыкамен сахна ашылады. Топбасшысы : -Топ, теңеліңдер, түзеліңдер!

Қазақстан Республикасы Тәуелсіздігі күніне арналған мерекелік кешті бастауға дайынсыңдарма?

-Дайынбыз!

1жүргізуші: -Құрметті қонақтар, ата-аналар, ұстаздар және бауырлар! С.Бақбергенов атындағы жалпы орта мектебі КММ-нің 4-сынып жетекшісі мен оқушылары ұйымдастырған

желтоқсан ардагері Есенқұлова Гүлнара Айтбекқызының қатысуымен өтетін «Жайқалған жауқазын» атты ашық тәрбие сағатымызға хош келдіңіздер!

2-жүргізуші: Желтоқсан – 86, ызғарлы күн, Қар мен мұз жылжығандай құздан бүгін, Өттің де астан – кестең ойда жоқта Артыңа ұмытылмас із қалдырдың. Кешегі тарих қойнауына кеткен ХХ ғасырдың 1986 жылдың желтоқсанында болған оқиға ұлт тарихындағы азаттық үшін өткен күрестердің ең соңғысы еді. 1 жүргізуші: Біздің тәрбие сағатымыз үш бөлімнен тұрады . Ендеше, бірінші бөлім

«Ызғарлы Желтоқсан». Олай болса, «Желтоқсан оқиғасының тарихын» мына бейнероликтен тамашалайық.Әлия:

Күн кешіп лапылдаған жастарым, Дүрліктірді желтоқсанның аспанын. Жерді, дінді, тілді баба дәстүрін Қорғау үшін көтерді олар бастарын. Асқар:-Қатал екен желтоқсанның ызғары, Қазағымның езгіленген ұлдары мен қыздары Қара бұлттар түнереді аласапыран зең дала Еріп түсті ерімейтін жауыздықтың мұздары Кешкен сонда алып тұлға керуендей кездерін, Жол таба алмай соқпақтағы іздеді ме іздерін. Кеуде керіп Шаханов та ұлты үшін күресіп, Құрбан еткен талай жастар елі үшін өздерін.

Дәурен:

Маздаған жүректе оты жастар еді, Көтерген ұлт намысын бастар легі. Жандары аязда да лаулап жанған, Ақ жолына әділет құштар тегі.

Арай: Ия, сол кездегі желтоқсанның 17-18 күнгі бет қаратпас таулы өңірдің ылғалды аязы да, жалдамалы жендеттердің (насоспен) сүсорғышпен атқылағанда тиген жерін қанжардай тіліп түсер мұздай сулары да азаттық аңсаған жастардың жалындаған жүректерін суыта алған жоқ. Олар ұлтын сүйді. Тіпті қажет десеңіз, олар күллі адамзат баласының жанын, тәнін жеңгенімен рухын ешбір озбыр күш жеңе алмайтынын дәлелдеп шықты. 2.Абылайхан:Жас арудың жанарында – Желтоқсан,

Қанды ғасыр табанында – Желтоқсан.

Қаралы өмір қайыстырған халқымның, Қара тұман қабағында – Желтоқсан. Жауыздықты жасқаған да – Желтоқсан, Жаңа ғұмыр бастаған да – Желтоқсан. Жазықсыздың көз жасына жуынып, Абақтыға тастаған да – Желтоқсан. Намысымның шырағы да – Желтоқсан, Сұрқай өмір сынағы да – Желтоқсан. Жігіттердің ұраны да - Желтоқсан, Жаңа күннің шуағы да – Желтоқсан.

1жүргізуші:- Әміршілдікке қарсы шығып, жазықсыз соққы алған, бойларында Томиристің, ИСАТАЙ МЕН МАХАМБЕТТІҢ, Қабанбай мен Бөгенбайдың және Кенесарының қаны бар жалынды жастарымыздың ішінде жабылған жаладан намыстанып, құрбан болғандары да бар еді.Өздері аңсаған Тәуелсіздікті көре алмаған - Желтоқсан көтерілісінің қаһармандары: Рысқұлбеков Қайрат Ноғайбайұлы Асанова Ләззат Алтынайқызы

Мухамеджанова Сабира

Cыпатаев Ербол Мұқажанұлы сынды қыршынынан қиылған қайсар рухты аға-әпкелерімізді 1 минут үнсіздікпен еске алайық./Суреттерін гүл шоқтарының жанына апарып қояды/.

Бекзат: Ерлігіне қуанам да сүйінем, Қайрат аға, рухыңа мен иілем. Бәйшешектің солғанына аһ ұрсам, Әділ жанның қазасына күйінем. Жыр шашатын жүрегің де тілінді, Есімің де ел аузына ілінді. Тіршілікте елеусіз боп жүрдің де, Көз жұмған соң, кім екенің білінді. Музыкасыз, баяу үнмен ән- «Желтоқсан желі» Қасымхан Гүлдерай

Абылай: 18 желтоқсан күні алаңға қайта жиналмақ болған көтерілісшілерге қарсы әскер күші қолданылды. Көтерілісшілердің қалған топтарын ығыстыру үшін жедел отряд, милиция мен жасақшылардан арнайы топтар құрылып, қала көшелеріне аттандырылды.Осы әскери күштер 19 желтоқсан күні қаланың әр тұсында қайтадан шеруге шықпақ болған 6 топты басып, таратты. Алаңдағы көтерілісшілер таратылған соң ішкі істер бөлімдеріне 2401 адам жеткізілген (Алматы түрмесіне сыймағандықтан, қала сыртына апарып тасталғандарды қосып есептегенде барлығы 8,5 мың адам ұсталған). 2-Жүргізуші --Дәл осы күні алаңға шыққан сол жастардың арасында біздің бүгінгі кейіпкеріміз Гүлнара Айтбекқызы Есенқұлова да бар еді.

Ендеше, біз тәрбие сағатымыздың негізгі «Жайқалған жауқазын» бөліміне өтеміз.Олай болса, сол желтоқсанның ызғары тиген әпкеміз, «Желтоқсан ардагері»медалінің иесі- Гүлнара әпкемізді ортаға шақырамыз./ «Салтанат» күйі орындалады/

1-Жүргізуші: -Біз сынып болып ай бұрын желтоқсаншы апайымыздың өмірін зерттеген болатынбыз.Енді назарларыңызға сол ғұмырнамалық бейнероликті ұсынамыз.

1- Жүргізуші: - Кейіпкерімізбен сұхбат жүргізетін жас журналист, оқу озаты- Көшербай Әліби Мақсұтұлы:

Әлиби: -Хош келдіңіз, құрметті Гүлнара Айтбекқызы!Тәуелсіздік күні мерекеңіз құтты болсын!

Бұл –ата-бабамыздың аңсаған айтулы күннің тойлануына сіздің де зор үлесіңіз бар.Себебі, Тәуелсіздік-Желтоқсаншыларымыздың жеңісі.Жаңа бейнероликте айтылған 18 – ші желтоқсан күнгі алаңға шыққан кезіңізді біз өз аузыңыздан естісек.Сол бір ауыр сәтті –қан жуған алаңдағы оқиғаны еске түсіріп айтып берсеңіз./Одан соң

-Қадірлі, Гүлнара Айтбекқызы!

Біз өзімізді былтырдан бері қызықтырған сауалдарымызды қойып болдық.

Енді бүгінгі мерекелік жүрек жарды тілегіңізді естісек.

2-Жүргізуші -.Сөз өзіңізде аяулы біздің батыр әпкеміз.

«Қазақ қызы» әні сіздің құрметіңізге арналады, аяулы Гүлнар әпке!Орындайтын:

Әуесбек Асқар. Қабыл алыңыз! /Қонаққа гүл тапсырылады/.

2-жүргізуші: -Құрметті Гүлнара әпке, сізбен сыр-сұхбат барысында мен нағыз патриоттың бет-бейнесін көріп отырмын. Сіздің бойыңыздағы осы отансүйгіштік қасиетіңізді үлгі ете отырып, біздің «Жас қыран» қатарымызға қабылдауға рұқсат етіңіз./Пилотка мен галстук тағылады/.Абылай мен Нұрбақ

-Аяулы ,Гүлнара Айтбекқызы, сіздің өнегелі сөздеріңіз әрқашан жүрегімізде болады. Енді біздің кітапшамызға қолтаңбаңызды беруді өтінеміз.

/Желтоқсан ардагері балаларға қолтаңбасын, балалар сыйлықтарын береді/ .

1жүргізуші:- Желтоқсаншылар мен Желтоқсан құрбандарын ақтауға жанын сала араласқан ақын, қоғам қайраткері – халқымыздың біртуар перзенті , ұлт жанашыры Мұхтар Шахановтың еңбегі мен ерлігіне басымызды иеміз.