Жалпыадамзаттық құндылықтар туралы семинар сабағы

Тақырыбы: Жалпыадамзаттық құндылықтар-тұлғаны рухани адамгершілікке тәрбиелеудің негізі

Мақсаты:

Білімділік:Ұстаздарды педагог қызметінің сипатымен, ережелерімен, педагогикалық әдеппен таныстыру.

Дамытушылық: Оқу-тәрбие жұмысы барысында оқытушылыр мен білім алушылар арасындағы адамгершілік қарым-қатынас пен әдептілікке тәрбиелеу әдіс-тәсілдері туралы түсініктерін дамыту.

Тәрбиелік: Ұстаздардың бойындағы адалдық, шынайылық, мейірімділік, қайырымдылық, өз ісіне деген сүйіспеншілік қасиеттерін аша отырып, ұстаздық мамандығына деген сенімділікке тәрбиелеу.

Құндылық: Сүйіспеншілік, Дұрыс әрекет

Қасиеттер: адалдық, шыдамдылық, парасаттылық, жауапкершілік, мейірімділік, қамқорлық.

Түрі: семинар сабақ

Әдіс-тәсілдері: баяндау, сұрақ-жауап, іздендіру, жеке жұмыс.

Көрнекі құралдары: слайд , интер белсенді тақта

Пәнаралық байланыс: «Өзін-өзі тану» пәні, педагогика, психология

Сабақтың барысы:

Ұйымдастыру кезеңі. Амандасу

Тыныштық сәті «Нұрға бөлену»

Әңгімелесу : Құрметті ұстаздар біздің негізгі мақсатымыз – өмір жолында тура жолдан адаспайтын, ақиқат пен сүйіспеншілік арқылы тек қана дұрыс әрекеттерге ұласып, ішкі тыныштығы таза, айналасына күн шуағын шашып жүретін, өзін қоршаған ортада басқаға қиянат жасамайтын шәкірт тәрбиелеу. Баланың тілін тауып, тілдесу, жақсы тәрбие берудің өзі үлкен ғанибет. Құрметті ұстаздар бала жүрегі- кішкентай ғана күй сандық. Сол күй сандыққа енуіміз қажет. Мұғалімнің қолында әр кез сол кілт тұру керек. Әр баланың жүрегіне жол табу, бала бойындағы дарынды ашу мұғалімнің басты міндеті деп ойлаймын. Адамға ең бірінші білім емес, тәрбие берілуі керек, тәрбиесіз берілген білім-адамзаттың қас жауы, келешекте оның барлық өміріне апат әкеледі» деген екен әл-Фараби бабамыз.

Мен әркез оқушылардың тәтті қылықтары мен әдемі жүздерінен шаттанып, өзіме қуат аламын. Алға қойған мақсатыма жету үшін армандай білемін. Мен ақиқатты таныдым. Бұл менің шынайы табиғатым. Табиғатымды танығаннан кейін сүйіспеншілікпен дұрыс әрекет жасап, ішкі тыныштығымды орнаттым. Енді қалауыма шек қойып оймен болсада қиянат жасамай, тап қазіргі сәтпен өмір сүремін. Жалпыадамзаттық құндылықтарды күнделікті өмірде қолдана отырып, соның нәтижесін көре бастадым. Сол құндылықтарды сөз ететін болсақ ең бірінші сүйіспеншілікке тоқталайық

*Сүйіспеншілік энергиясын сөз арқылы, көз арқылы, жанасу арқылы беруге болады.

Сүйіспеншілік

*Риясыз сүйіспеншілік *өзара сүйіспеншілік *Өзімшіл сүйіспеншілік

Күн Ай Электр шамы Қайтарымсыз ер+әйел ананың баласына

сүйіспеншілігі