Жан анам – шуағымсың, мектепке дейінгі топқа

«Жан ана -шуағымсың».

(Ортаңғы топ )

Баяу музыка ойналады. Ортаға Айғаным мен Дарын аналарына арнап монолог оқып шығады.

Дарын: Ана шырақ, ұрпағымен жағылған,

Өз анасын бар періште сағынған.

Құдіретін сезінгендер бас иеді,

«Ана»деген үш әріпке бағынған

Аман болса Ана деген ардағым,

Күнде болып нұрланады жан-жағым.

Қуанышын бар қайғысын өмірдің,

Ана ғана көтереді салмағын.

Айғаным:Ана деген түн ұйқысы төрт бөлген,

Ана ғана өткізеді өткелден.

Жадыратса жаздай етіп жаныңды

Шуағы ыстық аумай тұғын көктемнен.

Ұзақ өмір жасай берсін аналар,

Аналарын қадірлесін балалар.

Шаңыраққа шаттық нұрын сыйлаған

Аман болсын ақ жаулықты аналар!

Бірге айтады: Ендеше ортамызға Алтынай тобының 8-наурыз аналар мерекесіне арналған кешін ашық деп жариялауға рұқсат етіңіздер.Ортада «Алтынай» тобы мен апайымыз Жаныл Біләлқызын қарсы алыңыздар!

Жүргізуші: Аналар әр бір сөзі ой талабы,

Жүректің тереңінде сақталады.

Өсіңдер елін сүйген ұландар боп,

Ардақты ана еңбегі сақталады.

Құрметті әжелер, аналар! Сіздерді наурыз айында келген 8-наурыз мерекесімен құттықтаймыз !

Қарақат: Шуақты көктем келді гүлін алып,

Көктемнің мерекесі бүгін анық.

Өмірдің көктемі де гүлі де аналар

Ана деп бас иеді күллі халық.

Томирис:Әлпештеген, аялаған

Ақ сүт берген апатайым.

Сәлем жазып бүгін саған

Мейрамыңмен құттықтаймын

Жүргізуші: Аяулысың ауылымның асылдары

Жайнасын көңілдердің жасыл бағы.

Сіздер үшін ән мен күй, өлең мен би

Сіздер үшін мереке шашулары-деп алдарыңызда «Анашым» әнін қабыл айтыңыздар.

Ән: «Анашым».

Залға Шатақбай кіреді: Қайырлы кеш! Жаңа жыл құтты болсын! Жаңа жыл бақыт әкелсін.

Жүргізуші: Сіз кімсіз? Қайдан келдіңіз? Біздің балабақшаға қалай кіріп кеттіңіз ? Күзетші қайда ?

Шатақбай:Күзетші кіргізбеймін деді,ал мен мерекеге бара жатырмын деген едім кіргізе салды.

Жүргізуші:Бәрі түсінікті болды. Сізді көргеннен ақ кім екеніңізді түсіндік. Басыңызға таба киіп алыпсыз. Аяғыңызға қолғап киіп алып,нағыз Шатақбай келіп тұр. Бізді Жаңа жыл мерекесімен құттықтап қояды. Ал бүгін аналар мерекесі емес пе балалар?

Шатақбай:Мәә, мен шатастырып алдымба?

Жүргізуші:Ренжіме Шатақбай. Енді сен бірін дұрыс жасарсың.

Шатақбай: Аналар,әжелер, қыздар сіздерді мерекемен құттықтаймын

Осы қыздар боянғанды жақсыыы көреді ия. Мен сендермен ойын ойнасам ба деп қоямын. Қыздар, ойнайсыңдар ма?