Жаңа әлемге жол саламыз атты тәрбиелік іс-шара

«Жаңа әлемге жол саламыз» атты жас мамандар апталығының ашылу салтанатының сценарийі

1 жүргізуші:

Егеменді елімнің болашағы,Кімге де ой тастамас бала қамы.Білімді ұрпақ елімнің шам-шырағы,Өшпесін мәңгі бақи бала шамы.Еркін өссін жастарым елімізде,Тәуелді болмай өссін жерімізде.Жастар аман бақытты болып тұрса,Желбірейді көк байрақ төрімізде.

2-жүргізуші Болашағы елімнің жас қолында,Адаспасын жастарым өз жолында.Ұлы Абай айтқандай кірпіш болып,Қалансын керекті боп орнында.Алға ұмтыл, жастарым тек шегінбе,Білімнің қайнар көзі мектебіңде.Ерінбей жас кезіңде көп ізденсең,Өкінбейсің оқысаң сен тегінде.

1-жүргізуші

–Ұстаз – мектептің айнасы, бәйтерегі. Мұғалім еңбегінің әлеуметтік мәніне, елдің мәдени өміріндегі белсенді рөліне кезінде қазақ зиялылары көп көңіл бөлген. Ахмет Байтұрсынұлы «Жақсы мұғалім мектепке жан кіргізеді, басқа кемшілігі болса, мұғалімнің жақсылығы жабады, білдірмейді» – деген болатын. Мұғалім білім нәрін себуші.Өсіп келе жатқан ұрпақ – адамзаттың болашағы, жалғасы.

2-жүргізуші –Тәуелсіз ел атанып, төбемізге ту тігіп, тіліміздің мәртебесі артып, әлемге атымызды танытып жатқан кезеңде ұлттың, елдің болашағы – жас ұрпақ тәрбиесіне де мықты көңіл бөлінуі қажет.Осы егеменді, тәуелсіз Қазақстанда өркениетке бастар жолдың бастауы – мектеп десек, мектептің басты тұлғасы, жүрегі – МҰҒАЛІМ. Ол мына біздер– жас мамандар.

Олай болса, «Жаңа әлемге жол саламыз» атты жас ұстаздар апталығының ашылу салтанатына ҚОШ КЕЛДІҢІЗДЕР!!!

1-жүргізуші

Енді 2017-2018 оқу жылындағы мектебіміздің жас мамандарын қарсы алыңыздар:

Таныстыру кетеді .....................................

Видео кетеді

Хор кетеді «Мен қазақпын»

1 – жүргізуші

«Қазақтың қаны бір, жаны бір жол басшысы – мұғалім. Еліміздің аз ғана жылдық ояну дәуіріне баға беру үшін алты алаштың баласы бас қосса, қадірлі орын – мұғалімдердікі», — деген қазақтың кемеңгер ақыны Мағжан Жұмабаев.

Ертеңгі күннің бүгінгіден гөрі жарқынырақ болуына ықпал етіп, адамзат қоғамын алға апаратын құдіретті күш тек білімге ғана тән. Демек, қай елдің болсын өркендеуі, өркениетті дүниеде өзіндік орын алуы білім саласының даму бағытына тікелей байланысты.

Елбасымыз Нұрсұлтан Әбішұлы Назарбаевтың: «Еліміздің ертеңі бүгінгі жас ұрпақтың қолында»», — дегені бәрімізге белгілі. Еліміз өркениетті елдердің қатарынан орын алып, ұрпағымыз қоғам қажеттілігіне сай болып жатса, бұл – ұстаздардың…