Жаңа мектепте жаңашыл ұстаз туралы мақала

тақырыбы: «Жаңа мектептегі – жаңашыл ұстаз»

Дайындаған: Нұрсұлтан Диана

Жаңа мектептегі – жаңашыл ұстаз

Тәуелсіз еліміздің тұғыры биік болып, көкте қыраны самғаған заманда, елдің болашағын алға бастар әрине, ол – жас буын. Келешек ұрпақтың бойына ұлтын сүюін, тілін қадірлеп, дінін қорғауын, Отанына адал қызмет атқаруды үйретіп, шығармашыл, ел үмітін ақтар ұрпақты қалыптастырып, тәрбиелейтін бірден бір қайталанбас жан, еңбегі ерен адам - ұстаз.

Қазіргі таңда, еңселі елу елдің арасында тұрғанымызбен, ең озық отыз елдің қатарына ену үшін, бәсекеге қабілетті ұрпақ тәрбиелеуде, ұстаздарға қойылатын талап зор болып отыр. «Ұстазы жақсының ұстанымы жақсы» демекші, жаңашыл ұстаз – заманның талабы мен қажеттілігінен ғана емес, еліміздің болашағының жарқын болуына да себепші болмақ.

Ал енді, «Жаңашыл ұстаз» дегеніміз кім деген сұраққа жауап берер болсам, ол- өзіндік ойы бар, педагогикалық өзгерістерге тез бейімделетін, жаңа идеяларды қалыптастыратын, әлемдік жаңа ақпараттарды меңгерген, көп тілді, шығармашыл, белсенді, мақсаты айқын, талабы нық, мәдениетті, бір сөзбен айтқанда, әмбебап жан. Әрине, бұдан шығар қорытынды, дәстүрлі білім мен әлемдік білімді игеріп, тоғыстырып, қайта жаңғыртып жасаушы шығармашылық иесі деген анықтама берер едім.

«Жаңашыл ұстаз» деген атау бізге керек пе? Қазіргі заманда білекке сенетін емес, білімге сенетін жастар арқылы елді көркейтіп, ұлтты сақтаймыз. Неге бізге, басқа елдер сияқты көштің басында жүрмеске, неге біз, бізде де білімді, қабілеті өте жоғары, талантты жастарымыздың бар екенін әлемге танытпасқа? Мен ойлаймын, сол үшін де, біздің білім жүйесіне жаңа өзгерістер еніп жатыр.Әр істі бастаудан қорықпас бұрын, тәуекелге барып, дұрыс болмасын жасап көріп, тәжірибе жинауға болады деген ойдамын. «Құласаң нардан құла» демекші, біз қазақ халқы, қандай да болмасын жаңашылдықты тез меңгеретін халықпыз.Мұнымен не айтқым келеді? Біздің осындай жақсы бейімделу қасиетімізді неге біз, жақсы жаққа жұмсамасқа, яғни ғылым іздеп, білім үйрену. Ол дегеніміз, сол өзге елдің білім жүйесін қайталау емес, ол білгеніңді жинақтай отырып, жаңа бір жаңашылдық ойлап табу. Қарап отырсаңыз, әр заттың хайыры бар, тек жақсылықты таба білу керек, көре білу керек.…