Жаңа Қазақстан педагогіне қойылатын талаптар мақаласы

«Жаңа Қазақстан педагогі»

«Алты Алаштың басы қосылса, төр – мұғалімдікі.» М.Жұмабаев.

Жаңа дәуір. Жаңа қоғам. Дүбірлеген дүние бір орнында тұрсын ба, көзді ашып-жұмғанша адамзат баласы XXI ғасырға да иек артып үлгерді. Заман өзгерді. Адамзат жаңа технология дәуіріне аяқ басты. Қоғам да, адам да өзгерді. Олай болса, ел ертеңіне алғаш рет әріп танытып, кісілік кілтін дарытатын ұстаздар қауымы ғасырлар керуенінен қалмай бірге дамып, бірге өркендеп, уақыт керуенінен қалмай бірге ілесіп, ұлттың ұстыны болуы тиіс. Тарих бетін парақтасақ, тұтас әлемге әмірі жүрген, дүниені тітіреткен Александр Македонскийдің өзі «Мен өзімнің ұстазыма әкемнен кем қарыздар емеспін: әкемнен өмір алсам, Аристотель ұстазымнан өмірді жақсы өткізу туралы білім алдым» деген екен. Яғни, ұстаз қаншама өзен арнасынан ағып, арада қанша дәуірлер алмасса да, жаңа дәуірге лайық ұстаздық шеберлігін үздіксіз ұштай түскен, жаңашыл идеялармен қаруланған мамандық иесі атануы тиіс. Бүгінгі ұстаз, XXI ғасыр ұстазы шәкірттерін білім-ақпарат ағыны толастамаған, экономикалық бәсекелестік жағдайында заман талабына сай жауап бере алатындай біліммен қаруландыруы тиіс. Өйткені XXI ғасыр – қатаң бәсеке ғасыры.

Жаңа ғасыр педагог – бұл мән бойынша үлгі алуға тұрарлық эталондар. Мұғалім – көшбасшы! Заманауи, қарқынды өзгеріп жатқан әлемде көшбасшылардан жаңа белестерге ізбасарлардың қабілетін шабыттандыруды үйренеді. Менің тәрбиеленушілерім менен әр күн сайын жаңалықтарды күтеді және олардың сенімін ақтамауға болмайды. Менің мамандығым менен тұрақты жұмылдыруды талап етеді. Мен бәсекеге қабілетті жастарды дамыту және тәрбиелеу үшін барлық жаңалықтарды білуге міндеттімін. Дәлел ретінде ұлы педагог К.Д.Ушинскийдің: "Мұғалім өмір сүреді, ол оқығанда ғана. Егер ол оқуын тоқтатқанда, онда мұғалім өмірден озады", - деген сөздерін келтіргім келеді. ХХІ ғасыр мұғалімі білім беру жүйесіндегі барлық жаңалықтарды батыл меңгеріп, белгісіз нәрсені енгізуден қорықпай, экспериментатор болып, сынақтар жасап, қатесін сезінуі керек. Менің ұстаздық жолдағы өмірлік ұстанымым - «Мұғалім – мәңгілік нұрдың қызметшісі...». Яғни ұстаз - өзінде бар біліммен қатар, шәкіртіне имандылық, ізгілік нұрын себуші. Өзіме келер болсам, мен бүгінгі таңда өз мамандығым – тәрбиеші маммандығы бойынша 1 жыл бойы еңбек етіп келемін. Сырттай қарағанда мұғалім еңбегі жанкештілікпен күні бойы бел шешпей еңбек ететін құмырсқа илеуіне

мақсатым да жоғары. Ұстаздық жолымда да өзімнен бұрынғы ұлттың ұлы ұстаздарының педагогикалық идеяларын басты бағдар етіп ала отырып, өзім де жаңа дәуірге сай жаңа балабақшаға жаңашыл ұстаз ретінде қадам баса отырып, алғашқы қадамымды білім-ғылыммен, озық технологиямен қоса өрілген, имандылыққа суарылған білім нәрін себуден бастап отырмын. Ы.Алтынсариннен басталған ағартушылық ілімді одан әрі дамытып, жаңаша педагогикалық көзқарастармен байытып, өз педагогикалық еңбек жолымда кеңінен пайдаланып отырмын. Өз сабақтарымда жаңа технологияның озық үлгілерін саралап пайдалануға тырысамын. Ондағы мақсат – «заманың түлкі болса, тазы боп шал» деген ұстаным. Яғни XXI ғасырдың білімді, көкірек көзі ашық, білім-ғылымды қоса меңгерген білімді жастарын тәрбиелеп шығару. Бір сарынды ізбен жүрмей, бала, шәкірт тәрбиелеу ісіне соны соқпақ салсаң, бұл сенің жанам деген жүрекке от бергенің, ұшам деген жасқа қанат бітіргенің. Жаңашыл ұстаз болғаның. Шәкірт жүрегіне жол таба білгенің. Сол алдыңа білім-ілім үйренем деп келген баланың білімі толығып, қанаты қатайып, ұшарда өзіне ұстазынан білім, өсиет-өнеге алып кетсе, ұстаз еңбегінің далаға кетпегені.