Жаңа жыл ертеңгілігінің сценарийі балабақшаға

Жаңа жыл ертеңгілігінің сценарийі.

Жүргізуші: Сәлеметсіздер ме, құрметті ата- аналар, қадірлі қонақтар! Келе жатқан жаңа жылдарыңыз құтты болсын! Жаңа жыл сіздерге жаңа табыс, жаңа бақыт әкелсін! Бүгінгі Жаңа жы мерекесіне келген бүлдіршіндерді қарсы алыңыздар!

Көңілді музыка әуені ойналады. Балалар музыка ырғағымен қолдарынан ұстап залға кіреді, шыршаның алдына жарты шеңберге тұрады.

Жүргізуші: Көңілдіміз бүгін біз,

Жаңа жылды қарсы алып.

Келгенгендерді мерекеге,

Құттықтаймыз ән салып.

Ән: «Кел, кел, Жаңа жыл» (Сөзі:Т.Молдағалиев;Әні:Ғ.Тамендаров.)

1.Жаңа жылда, сол рас па,

Үлкейемін бір жасқа.

Үлкейеді ағам менің,

Үлкейеді қарындаста.

Қайырмасы:Кел,кел,Жаңа жыл,

Шырқал, шырқал бала жыр.

2.Жасыл шырша, жарық шамдар,

Көп жұлдыздар жанып самғар.

Биге, биге басыңдар кеп,

Ән салудан жалықсаңдар.

3.Болсын мейлі сағат қанша,

Біз жатпаймыз ел жатқанша.

Ал, үлкендер ән салады,

Би билейді таң атқанша.

Жаңа жыл туралы тақпақтар.

1.Қуантып елді,

Жаңа жыл келді.

Өсетін болдым,

Бір жасқа енді.

2.Жаңа жыл, Жаңа жыл,

Қош келдің тағы да.

Дайындап жаңа жыр,

Біз күттік сағына.

3 Не ойласаң жаңа жылда,

Орындалады бар арман.

Жаңа жылды сондықтан,

Күтеді барлық балақан.

4.Аспан жерге төгеді,

Ақ күмісін уыстап.

Жаңа жылда келеді,

Бізге қарай жылыстап.

5.Оралдың өлкеме,

Жаңа жыл армысың.

Оранды ақ көрпеге,

Асқартау, қарлы шың.

6.Жүзімізге күлкі ойнап,

Қанаттанды жанымыз.

Жаңа жылды біз тойлап,

Шаттанамыз бәріміз.

7.Жаңадан тақпақ,

Айтамыз жаттап.

Жаңа жыл келді,

Жаңа жыл аппақ.

8.Жаңа жылмен, Жаңа жылмен,

Құттықтаймыз әрине.

Папамызды, мамамызды,

Қонақтардың бәріңде.

9.Келді тағы Жаңа жыл,

Қуантумен біздерді.

Құтты болсын қуаныш,

Құттықтаймыз сіздерді.

10.Көңілдіміз бүгін біз,

Жаңа жылды қарсы алып.

Келгенгендерді мерекеге,

Құттықтаймыз ән салып.

Әннен соң, балалар орындарықтарға отырады.

Қыздарға би билеуге арналған қаршаларды тарату!!!

Жүргізуші: Жасыл шырша орманнан,

Бізге арнайы келіпті.

Ойыншығын балалар,

Шыршаға әкеп іліпті.

Шырша шамы жанбапты,

Мұңайып тұр ортада.

Кім келеді біздерге,

Шырша шамын жаққанға?

Балалар : Аяз ата! Ақшақар!

Жүргізуші: Ия, дұрыс айтасыңдар! Олай болса қарсы алайық!

(Музыка әуенімен Ақшақар кіреді)

Ақшақар: Сәлеметсіңдер ме, балалар, сәлеметсіздер ме қонақтар!

Мерекелеріңізбен! Сүйсіңдірер маңайды,

Ақшақармын арайлы.

Жалт-жұлт еткен жүзімнен,

Күміс сәуле тарайды,

Балалар, мен Аяз атаның немересі Ақшақармын ғой. Мен сендердің әсем әндеріңді естіп келдім. Өздерің қандай әдемісіңдер. Мерекеге сай киініпсіңдер.

Жүргізуші: -Сәлеметсің бе, Ақшақар!Төрлет, Жаңа жылды бірге қарсы алайық. Біздің балалар жаңа жыл мерекесін тойлап жатыр. Ақшақар айтпақшы, Аяз ата қайда?

Ақшақар: Аяз ата бүлдіршіндерге сыйлықты дайындап, кешірек барамын деген еді. Сыйлықтарын дайындап, келіп қалар...

Жүргізуші: Әуеледі әніміз,Жаңа кірді сәніміз.Ақшақарды ортаға алып,Би билейік бәріміз!

Аяз атамыз келгенше, Ақшақар мен біздің қыздарымыздың бірге биін тамаша.

БИ: «АҚШАҚАРЛАР БИІ»

Жүргізуші: Балалар, қараңдаршы! Бізге орманнан жасыл шырша қонаққа келіпті. Әдемі шыршаның ойыншықтары өте көп екен. Ақшақар Аяз ата келгенше шыршамыздың шамдарын жағайық!

Ақшақар: Қане, балалар бәріміз орнымыздан тұрып, шыршаға қарап, сиқырлы сөзімізді айтайық! Шыршаның шамдарын жағайық!Балалар: Бір, екі, үш! (үш шапалақ) Шырша жарқырай түс! (қолдарымен фонарик жасайды)(3 рет рет қайталайды, сиқырлы музыка үнімен шыршаның шамдары жанады...

Ду қолшапалақ!!!!)

Жүргізуші: Балалар, Аяз ата силықтарды дайындап жолда келе жатқан болар, Аяз атамыз келгеншt, Ақшақар, бәріміз қол ұстасып, әсем шыршаға арнап шырша жырын айтып берейік.

ӘН: «ШЫРША» ХОРОВОД (Ақшақар, екі тәрбиеші,тәрбиеші көмекшісі хороводпен шыршаны айнала балалармен өлең айтады.Балалар әннен соң орындарына отырады....)

1.Шырша тауда туыпты,

Шырша тауда өсіпті.

Енді бізге қонаққа

Жасыл болып келіпті.

Қ-сы:Шырша, шырша,

шыршамыз, әнге қосылшы.

Шырша, шырша,

шыршамыз, биге қосылшы.

2.Ойыншықтар тізілген,

Шырша бізге қарап тұр.

Қандай жақсы керемет

Мерекеміз жаңа жыл.

Ақшақар: Ал келіңдер, келіңдер!

Тамашаны көріңдер.

Мына әдемі шыршаға,

Тақпақ айтып беріңдер.

Шыршаға арналған тақпақтар:

1.Жап жасыл шырша,

Бақшада төрде.

Шыршаны құрса,

Керемет көрме.

2.Жасыл желек жамылған,

Асыл моншақ тағынған.

Міне, сұлу шыршамыз,

Көптен күтіп сағынған.

3.О, алақай, тамаша,

Шыршамыз тұр жараса.

Жаңа жылда бәріміз

Ән айтамыз жаңаша.

4.Мерекеге келдік,

Тақпақ айтып бердік.

Ойыншықтарын тізген,

Шыршаны да көрдік.

5.Сылдырлайды моншағы,

Шыршамыздың мол шамы.

Жаңа жылмен жайдары ,

Құттықтаймыз баршаны.

6. Шырша, шырша, тамаша,

Ән шырқайық жараса.

Шырша, шырша тамаша.

Көз тоймайды қараса.

7. Көрікті шыршамыз,

Шамдары самғаған.

Көңілді ортамыз,

Айтамыз шырқап ән.

Балалар тақпақ айтқанда, Ақшақар микрофон ұстап тұрады.

Ақшақар: Аяз қысып, өрнек сызып,

Терезені торлайды.

Қарға омбығып, бет домбығып,

Сырғанап балалар ойнайды.

Кейде ұлып, кейде ысқырып, үйтқып боран соғады.

Бөбектерім, айтыңдаршы бұл қай кезде болады?

Балалар : қыс мезгілінде

Жүргізуші: Сықырлаған қарда жүрген жүріс.......

Балалар, тыңдайықшы бір сықырлаған дауыс естіледі. Кім келе жатыр екен?

Музыка ойналады. Музыка әуенімен Аққала келеді.

Аққала: Сәлеметсіңдер ме, балалар!

Балалар: Сәлеметсіз бе, Аққала!

Аққала: Сәлеметсіздер ме, қонақтар!

Ата аналар: Сәлетесіз бе!

Аққала: Сәлеметсің бе , Ақшақар! -Ой, ой!Жаңа жылдық мереке басталып кеткен бе? Мен кешігіп қалдым ба?

Күн суытып, қыс келіп,

Жапалақтап қар жауды,

Қуанамыз шаттанып,

Жаңа жылды қарсы алып! Балалар, мен сендердің жаңа жыл мейрамдарына арнайы қонаққа келдім.

Ақшақар: Аққала, оның жақсы болған екен! Қыстың қызығы мен сәні бір өзің!

Жүргізуші: Аққала, бүгін бізде қызықты да көңілді Жаңа жыл мерекесі өтуде, бірақ Аяз атамыз әлі келген жоқ.