Жаңа жыл мерекесіне арналған ойындар мен сценарийлер

Мақсаты:

Балаларға Жаңа жыл туралы ұғым беріп, жаңа жылды татулықпен, достықпен, бірлікпен,бойларындағы бар һөнерлерін ортаға салып, көңілді өткізуге баулу.

Жүргізуші:

Берекелді, бәрекелді! Құрметті қонақтар! Бүгінгі жаңа жыл кешін барлығымыз көтеріңкі көңіл күймен,әсем әнмен, сәнді бимен өткізуге ат салысамыз деген үмітіміз бар. Ортаға Ортаңғы «Балапан» тобын шақырайық.

(Музыка әуенімен балалар ортаға шығады.)

Балалар орындарына жайғасады.

Музыка әуенімен қасқыр мен түлкі кіреді. Қолдарында шырша ойыншықтары бар.

Қасқыр: Сәлеметсіңдер ме балалар, сәлеметсіздер ме, қонақтар! Біз түлкі екеуміз осы балабақшада жаңа жыл мерекесі өтетінін біліп, шыршаны безендіруге келдік. Балалар шетінен әдемі. Ой неткен әсем шырша!

Түлкі:

Той – маскарад басталды,

Аяз оны басқарды.

Армысыңдар! Бармысыңдар, ағайын!

Қане құшақ ашайық, достық тойын жасайық.

(Түлкі мен қасқыр шыршаны безендіре бастайды.)

Жүргізуші: Шыршаны безендіруге алып келген ойыншықтарын қандай әдемі!

Осы кезде қоян келеді.

Қоян: Құтқарыңдар, құтқарыңдар.Мыстан кемпір Аяз атаны сиқырлап тастады.

Жүргізуші: Балалар, біз Аяз атаны құтқаруымыз керек. Егер Аяз ата болмаса Жаңа жыл мерекесі өтпейді.

Түлкі: Енді не істейміз? Қалай құтқарамыз?

Қасқыр: Түлкі, қоян жүріңдер, Аяз атаны мыстанның сиқырынан құтқарайық.

Жаңа жыл мерекесі өтпесе балалар бізге ренжиді. Музыка әуенімен Аяз атаны құтқаруға аңдар кеткенде, залға Мыстан кемпір кіріп келеді.

Жүргізуші: Мыстан кемпір, балалардың көптен күткен Аяз атасын жібер. Мерекемізді бұзба.

Мыстан: Менің бір шартым бар. Сол шартымды балалар орындап, жеңсе ғана Аяз атаны жіберемін.

Жүргізуші: Ол қандай шарт?

Мыстан: Сендер тек Аяз ата мен Ақшақарға өнерлеріңді көрсетесіңдер, маған да арнап өнерлеріңді көрсетіңдер.

Жүргізуші: Балалар, қане, Аяз атаны құтқару үшін,мыстанға өз өнерімізді көрсетейік. Ортаға тақпақтар мен балаларды шақырамыз.

Амантай Аяулым:

Безендірдік шыршаны

Шыршамыздың мың шамы!

Би де үйрендік көрсін деп,

Бізге риза болсын деп.

Топарбай Айерке:

Тоғай да, баулар да,

Ақ күміс жамылды.

Дала да, таулар да,

Өзіңді сағынды.Болатхан Айбол: Сақалы аппақ күмістей,

Тістері аппақ күріштей.

Қызыл ала шапаны,

Сағындым Аяз атаны.

Кемал Нұрасыл:

Далада қар борайды,

Ақ мамыққа орайды.

Мұз болады – қатады

Жып –жылтыр боп жатады

Аралайды бақшаны

Үзілмейді жақсы әні

Гүлденеді бақшалар

Жауса, жаусын ақша қар!

Тұрсынхан Ақзере:

Мұздан моншақ тағынған

Күміс қырау жамылып

Ортада тқр Ақшақар

Көптен күткен сағынып

Кел, билейік сенімен

Дедім – тартып жеңінен

Еріп кетпе Ақшақар

Адамдардың демімен

Жүргізуші: Мыстан кемпір сіз енді біздің балаларымыздың «Кагбой» биін тамашаланыз.Біздің балалар тақпақ ғана емес сонымен биде билеп

Би «Кагбой»

Мыстан: Жарайсыңдар балалар! Сендер Аяз атаны құтқардыңдар. Ендеше мен барып Аяз атаны сиқырымнан босатайын.

(Мыстан кемпір залдан қоштасып шығып кетеді)

Ақшақар: Сәлеметсіздер ме, балалар! Сәлеметсіздер ме, қонақтар! Аяз атаны көрдіңдер ме?

Балалар: Жоқ, Аяз атаны мыстан кемпір сиқырлап тастапты.

Ақшақар: Енді не істеймін, онсыз мереке қызықты өтпейді гой. Сендерге сыйлықты енді кім береді?

Жүргізуші: Ақшақар сен уайымдама, Аяз ата қазір біздің ортамызға келіп қалар.

Мыстан кемпір оны босатуға уаде берген. Қане, балалар барлығымыз дауыстап Аяз атаны шақырайық. (Балалар шыршаны айналып Аяз атаны шақырады. Музыка әуенімен қасқыр, қоян және түлкі Аяз атаны мерекеге алып келеді.)

Аяз ата: Армысыңдар балалар, аманбысың Ақшақар, амансыздар ма қонақтар! Мені көп күттіңдер ме? Қасқыр мен қоян, түлкі болмаса менжете алмас едім. Рахмет сендерге!

Жүргізуші: Сәлеметсіз бе, Аяз ата! Біздің шыршамыз жарқырамады гой. Енді не істейміз?

Аяз ата: Ақшақар қызым – ау. Менің сиқырлы таяғымды алып берші.(Таяғын шыршаға тигізіп)

Аяз ата: Шыршам қане, жана ғой! (шыршаның шамдары жарқырап жанады)

Жүргізуші: Ал енді біздің балалар шыршанын жану құрметіне арнап «Елочка» әнін орындап береді.

Ән: «Елочка»

Жүргізуші: Аяз ата, сіз алыс жолдан шаршап келген боларсыз, отырып дем алыңыз.Біздің балалар сізге жаңа жыл туралы тақпақтарын айтып береді.

Жарылқап Данияр:

Жаңа жылды біз тойлап,

Шатанамыз бәріміз.

Өлең де әзір, ән әзір,

Ойын да әзір, бәрі әзір.

Кел, Жаңа жыл біздерге,

Кел, Жаңа жыл, Жаңа жыл!

Жолдаш Жанел: