Жаңа жыл мерекесіне арналған сыныптан тыс жұмыс

1.Аппақ бүгін қыр, далам,Ақ дастарқан жапқандай Халық біткен қарбалапҚонақ күтіп жатқандай

2.Көңілде көп қуанышӘр көңілде-жақсылықКетер жылға мың алғысӘкелген көп жақсылық.

3. Құрметті қонақтар,ұстаздар мен оқушылар!.Келе жатқан доңыз жылы мерекесімен құтықтаймыз. Жаңа жыл тек қана бақыт, қуаныш әкелсін.

4.Жаңа жыл –ең қызықты,қуанышты, ерекше мереке. Жаңа жылда өнерімізді көрсетеміз. Мерекеміздің соңында белсенді қатысқан балаларға ерекше сыйлығымыз бар.5. Міне, міне, мен жақсы хабар естіген сияқтымын. Сіздер ше?

6.Тапқан баланың сөзі: Мен таптым! Мен таптым! Біздің кешіміздің құртетті қонақтарын алып келе жатырмын.)

7. Мінекей біздің көптен күткен қонақтарымызда келеді. Олай болса орнымыздан тұрып , қонақтарымызды қошеметпен қарсы алайық.

8. Бәріміз бірге «Аяз ата, Ақшақар» деп оларды ортамызға шақырайық.

9.Аяз ата: Амансыңдар ма, балалар! Жаңа жылдарыңыз құтты болсын! Дендеріңіз сау болып, сабақтарыңызды тек қана 4пен, 5ке оқыңыздар! Біз сіздердің жіберген хаттарыңызды алып, естіген бойда жолға шығып, сіздерге де келіп қалдық. 10.Ақшақар: Саламатсыздар ма, балалар! Орманды көктей өтіп жеттік-ау сендерге! Қандай әдемі, неткен сұлу шырша!Өздерің де жайнап құлпырып отырсыңдар.11.Аяз ата: Біз сіздерге жеткенше біраз шаршапта қалдық.Енді бізге қай төрден орын табылады екен?

12.Қош келдіңіз Аяз - Ата ,Қарсы аламыз орын беріп .Ән салыңыз бізбен бірге ,Би билеңіз бізге еріп.

13. Ортамыз нұрға толып, Төрт құбыламыз түгел болды.

14 .Балалар ортамызға бізбен бір жыл бірге болған ит жылын шақырайық. Ескі жыл қайдасың? - Әне өзі де келе жатыр, бәріміз қосылып Хош келдіңіз делік.

Бәрі: Хош келдің ескі жыл.

15.Ескі жыл: Ауылдастарым, достарым, Алғысым көп айтар менің. Дәл осындай артығырақ, Қарсы алыңдар жаңа жылды. 16.Құтты болсын жаңа жыл, барша халық, Қуанышқа, шаттыққа тамсанайық. Бірімізге шынайы тілек тілеп, Бар әлемге бақытпен жар салайық

Аяз ата: Енді шыршамыздың жанатын кезі келді ғой деймін.

Ал, балалар, кәнеки

Мерекені бастайық.

Шыршамыздың әдемі,

Шамдарын біз жағайық.

Таяғын 3 рет ұрады. Шам жанады.

Ақшақар: Қанеки, балалар, керемет шыршамыздың жанында ән мен биге басайық.

1-жүргізуші: Аяз ата, Ақшақар достарымыздың сіздерге арнап дайындаған өнерлерін тамашалаңыздар.

2-жүргізуші: Қандай тату өздері Күлімдеп көздеріКәне, кәне , келіңдерБір би билеп беріңдер.Ортаға дайындық сыныбының оқушыларын шақырамыз.