Жаңа жылды қарсы алу мерекелік ертеңгілігі 4 сынып

«Жаңа жыл» әні орындалады (Дәрібаевтар әні)

1-жүргізуші: Армысыздар, аяулы ұстаздар мен оқушылар!

2-жүргізуші: Армысыздар бүгінгі мерекелік жиынға жиналған қауым!

Бүгінгі мектебімізде болғалы отырған жаңа жылдық мерекелік кешімізге

Бірге: Қош келдіңіздер!

1-жүргізуші: Халық арасында "Ескі жылдың қайғы- мұңын, өкпе-наздың барлығын сол жылға тастап, кіріп келе жатқан Жаңа жылды көтеріңкі көңіл-күймен, таза, тың ойлармен қарсы алу керек. Әрбір кірген жаңа жылдың өзінің дайындап отырған қуанышы, бақыты, сыйы болады" деген сөз бар.

Ендеше құрметті қонақтар, ата аналар, ұстаздар және оқушылар, біз де өкпе-назымызды, өкініш-мұнымызды қиындық сезінген сәттерімізді бір сәт естен шығарып, ескі жылға қалдырып, Жаңа жыл табалдырығын махаббатпен, мейріммен аттайық, «бізді алда тек қана қуаныш пен бақыт күтіп тұр» деп сенейік. Жаңа жылда үйлеріңіз нұрға, құшақтарыңыз гүлге толсын!

2-жүргізуші: Жаңа Жыл Сіздерге мықты денсаулық, баянды бақыт, жаңа жетістіктер және татулық әкелсін! Керегелеріңіз кеңейіп, шаңырақтарыңыз биіктей түссін! Әрбір жаңа бастамаларыңыз тек қана жеңіс пен сәттілікке үлесе берсін!

Бірге: Жаңа жылдарыңыз құтты болсын!

1-жүргізуші: Біз тағы да бір жылды артқа тастап , оны ұлы тарихтың еншісіне тапсырғалы отырмыз.

2-жүргізуші: Иә табалдырығымыздан аттағалы тұрған жаңа жыл қызықты сапарын бастағалы тұр.

1-жүргізуші:

Сондықтан да балалар!

Күн ертеңгі даналар,

Кешімізді ашайық,

Әсем әнге басайық.

Халық әні: «Қоғалай» 4 «Ә» сынып оқушысы Жанбырбай Арман

1-жүргізуші:

Балалар сендар байқадыңдарма? Арамызда бір адам көңілсіз жүр.

2-жүргізуші:

Мұндай керемет күнде кімнің еңсесі түсуі мүмкін, кімнің көңілі болмауы мүмкін?

1-жүргізуші:

Әрине, бұл бізбен қоштасқалы тұрған ескі жыл.

Ескі жылды ортаға шақырайық. Ескі жыл, қайдасың?

Ит: (ескі жыл жаңа доңыз жылын ала келеді)

Жасампаз заман бұл заман,

Бүгіннен ертең ғаламат.

Алдыңғы сапта боларсың,

Келер жыл саған аманат.

(Қол алысып құшақтасады.)

Доңыз жылы:

Халқым менің жаңа жылмын мен

Елді шарлап самғаймын мен

Бір күн қызық бір күннен

Бола берсін әрдайым,

Жаңа жылдың бастауын

Сендерменен тойлаймын.

Аман болсын халқымыз,

Арта берсін даңқымыз

Дами берсін үздіксіз

Жақсы дәстүр салтымыз

2-жүргізуші:

Келді, міне, Жаңа Жыл ортамызға,

Құт - береке әкелсін баршаңызға.

Аңсаған арманыңыз орындалып,

Өміріңіз бақыт пен толсын нұрға

1-жүргізуші: Ендеше балалар не тұрыс ескі жылдың көңілін көтеріп, жаңа жылдың құрметіне ән шырқайық

Хоровод: «Келді міне жаңа жыл»

Ойын: Ит: балалар мен сендермен бір ойын ойнаймын. «Қар лақтыру»

Балалар екі топқа бөлінеді. Ыдысқа қарды дәл тигізіп лақтыру

Ит: Ойын ұнады ма балалар? Мен жылжиын, ағайын! Келген жылдарыңыз құт береке сыйласын! Сау болыңдар!

Балалар: Сау болыңыз!

2-жүргізуші:

Қош, өткен жыл!

Қош келдің Жаңа жыл!

1-жүргізуші:

Армысың, аманбысың Жаңа жылым,

Жаңа жылым! О, менің Жаңа жырым!

Доңыз жылы келгенде ортамызға,

Ақтарайық әнмен, бимен көңіл сырын

Би: «Флешмоб» 4 «Ә» сынып оқушылары

Ойын: «Қолғап пен түйме»