Жаңа жылдық карнавал сценарийі даярлық топқа

Бекітемін

Өскемен қаласы әкімдігінің «№26

орта мектебі» КММ директоры

«Жаңа жылдық карнавал»

Даярлық топ

Музыка жетекшісі: Бидахметова Э. Б.

Өскемен қаласы 2019

Музыка әуенімен балалар кіріп орындарына отырады

Жүргізуші:

Келіңдер бәрің қараңдар,

Ертегімді тыңдаңдар.

Ертегімізде сан қилы,

Қызық-қызық сырлар бар.

Осынау зәулім сарайда,

Жаңа жыл кеші өтпекші.

Тыңдаңыздар, тыңдаңыздар!

Карнавалдан қалмаңыздар!

Патшамызбен мен Ханшайым.

Сіздерге сәлем жолдайды,

П.И.Чайковскийдің «Щелкунчик» балетінен алынған музыка ойнайды, феяның биі. Залға екі бала (паж) ерткен Ханшайым кіреді, би орындалады.

Ханшайым:

Жаңа жыл, жаңа жыл

Жаңа жылда жаңа жыр

Жасыл шырша жанында

Жадырап бар бала жүр.

1 ақсүйек бала

Жаңа жылда алдағы,

Көңіл өсіп кеңейсін

Ортақ ойы арманы

Жақсы дәстүр көбейсін

2 ақсүйек бала

Ал, балалар, балалар,

Күні ертеңгі даналар.

Жаңа жылға арналған,

Кешімізді бастайық

3 ақсүйек бала

Жаңа жылды қарсы аламыз

Бірге жүріп ән саламыз

От шашулар атылады,

Қызығамыз, тамсанамыз

4 ақсүйек бала

Өлең де әзір, ән де әзір

Ойын да әзір, бәрі әзір

Кел Жаңы жыл, біздерге

Кел, Жаңа жыл, Жаңа жыл

Ханшайым:

Би билейік бұралып

Әсем әнге салайық,

Жаңа жылда жаңа жырмен

Карнавалды бастайық!

«Менуэт» музыкасымен балалар полькадағыдай жүріп залға кіреді. Шыршаның айналасына шеңбер құрайды. Менуэт биін билейді.

Би «Менуэт»

Балалар орындарына отырады.

В.А.Моцарттың 1 менуеті ойнайды, патша кіреді. Патша мен Ханшайым биі.

Патша: Сәлеметсіңдер ме, құрметті балалар!

Сәлеметсіңдер ме, ата-аналар!

Сәлеметсің бе, әдемі Ханшайым!

Жаңа жылмен құттықтаймын!

Зор денсаулық тілеймін!

Бұл зәулім сарайда бізсіз болып жатқан қандай той – думан!

Ханшайым: Сәлеметсіз бе, Ұлы Мәртебелім!

Жүргізуші: О, Патшайым мен Ханшайымым! Бұл зәулім сарайдағы төр өздеріңіздікі, төрге барып жайғасыңыздар. Сіздердің әміріңіз бойынша кешімізді бастайық мырзам, не қалауыңыз бар?

Ханшайым: Мен бұл кештің басталуын Жаңа жылдық әнмен тақпақтар көргім келеді.

Ханшайым мен патша шыршаның екі жағына кетеді.

Жаңа жыл, жаңа жыл

Жаңа жылда – жаңа жыр.

Жасыл шырша жанында

Жадырап бар бала жүр.

Тамаша, тамаша!

Шыршамыз тұр жараса

Басында әсем жұлдызы

Көз тоймайды қараса.

Жасыл желек жамылған

Асыл моншақ тағылған,

Міне, сұлу шыршамыз.

Көптен күтіп, сағынған,

Кел, балалар, келіңдер,

Тамашаны көріңдер.

Оралдың өлкеме

Жаңа жыл армысың.

Оранды ақ көрпеге

Асқар тау, қарлы шың

Аспан жерге төгеді,

Ақ күмісін уыстап

Жаңа жылда келеді

Бізге қарай жылыстап

Бүгін бізде Жаңа жыл

Бүгін ойын ойнаймыз

Өлең айтып, би билеп

Мерекеде тойлаймыз

«Шырша жыры» әні

П.И.Чайковскийдің «Лебединое озеро» балетінен алынған Сиқыршы әуені ойнайды. Қара түнек перісі кіреді

Қара түнек перісі кіреді: Мен Қара түнек перісімін, менсіз Жаңа жылды қарсы алғалы жатырсыңдар ма? Осы жамандықтарың үшін сазайларыңды берем. Ха-ха-ха. Ұлы Мәртебелім, Жаңа жылды тойлауға келдіңіз бе, сол үшін кек аламын. Күлше қызды мерекеден ұрлап кетемін.

Сиқыршының әуені ойнайды. Қара түнек перісі Күлше қызды ұрлап кетеді. Құйынмен алып кетеді. Патша мен балаларға сес көрсетеді.

Патша: (Дірілдеп тұр, қалтасында алтындар сыңғырлайды) Балалар қандай бақытсыздық. Бізге Аяз ата асығып келе жатыр, ал Қара түнек перісі болса, менің әдемі Ханшайым қызымды ұрлап кетті. Не істейміз, балалар, енді қайттік, мен сарайдан кетемін.

Жүргізуші: Ұлы мәртебелім, сарайдан кетпеңіз. Кәне, біз сенімді достарымызды шақырайық.

Патша: Мен ол туралы ойламаппын, жарайды қаламын, менің тәжімді әперіңдерші.

Жүргізуші: Алыңыз, Ұлы Мәртебелім.

Патша: Өзімнің сенімді досым Етік киген мысықты шақырайық. Достым, мысық өзіңнің Ұлы Мәртебеліңе келіп, адал қызметіңді жалғастыр. Сахна сыртында мысық мияулайды.

Мысықтың әуені ойнайды.