Жаңа жылдық сценарий балабақша тәрбиешілеріне арналған

Балалар музыка әуенімен залға кіреді

І . Кіру музыкамен

Жүргізуші:- Армысыздар, құрметті ата-аналармен тәрбиешілер. Жаңа жыл мерекелеріңіз құтты болсын!

"Құтты болсын , Жаңа жыл! " атты ертеңгілігімізге, Қош келдіңіздер!

Жаңа табыс тілейік ісімізге,

Келе жатқан жаңа жыл құт әкелсін,

Мына отырған, барша жан бәрімізге!

Жүргізуші:- Төрлетіңдер, Төрлетіңдер

Шырша сәнін көріндер,

Әсем ән мен би билеп,

Күй жырларды төгіңдер.

Балалар:

Қала нұр, дала нұр

Құтты болсын Жаңа жыл!

ІІ.Ән: «Құтты болсын Жаңа жыл!»

ІІІ . музыка (Боран дауысы )

Залға кішкентай аяз ата кіреді. ( Рахатбек )

Жүргізуші:- Ой аяз ата саған не болған?Аяз аталар үлкен болмай ма?

Кішкентай аяз ата:- Мені мыстан кемпір сыйқырлап, кішкентай қылып тастады. Сендердің сыйлықтарыңды да көтеріп әкеле алмадым.

Жүргізуші:- Балалар енді не істейміз?

( ІҮ. Музыка Мыстан кіргенде)

Осы кезде залға мыстан кемпір келеді.

Мыстан кемпір:- ха-ха-ха аяз атаны мен сыйқырлап тастағам,сендерге бүгін сыйлықта жоқ,мерекеде болмайды.

Жүргізуші:- Жоқ, мыстан кемпір балалар жаңа жылда сыйлық алу керек сізде де сыйлық алғыңыз келе ме? ендеше бізбен бірге , көңіл көтереіп балалардың өнерлерін тамашалаңыз..

Мыстан кемпір:- Олай болса менің бір шартым бар? Мені таңқалдырып көңілімді көтерсендер, аяз атаны қалпына келтіріп, сыйлықтарынды аласыңдар, келісесіңдер ме?

Балалар:- Ия.

Жүргізуші:- Мыстан кемпір сіз балалардың өнерін тамашалаңыз.

О, жараңдар, келіңіздер,

Бұл өнерді көріңіздер.

Нұрландырып маңайды

Шырша шамы жағылсын

Жаңа жылдың құрметіне

Ақ тілектер ағылсын!

Тақпақтар:1-бала

Жылдың әнін бастайын

Аяз Ата кеп қалды

Майысады жас қайың

Көтере алмай көп қарды.

2-бала

Аппақ, аппақ жапалақтап,

Қар жауады тыңбастан

Қалың орман, қар жамылған,

Маужырайды түңгі аспан

Кел билейік ,үйренейік

Ол келгенше Жаңа жыл

Құтты болсын! Құтты болсын Жаңа жыл!

3-бала Жаңа жыл Жаңа жыл Жаңа жылға жаңа жыр Жасыл шырша жанында Билеп барлық бала жүр

4-бала

Оралдың өлкеме,

Жаңа жыл армысың

Оранды ақ көрпеге

Асқартау, қарлы шың.

5-бала Жаңа жылды қарсы алып, Жасаймыз той жылда бір. Жарқын-жарқын ән салып, Жалғасады жырға жыр.

6-бала

Жүзімізге күлкі ойнап

Қанаттанды жанымыз

Жаңа жылды біз тойлап

Шаттанамыз бәріміз. 7-бала Безендіріп шыршаны Жыл қуантты баршаны.Той-маскарад басталды,

Аяз оны басқарды.

Жүргізуші :

Шырша құрып алаңға,

Жылға шашу шашайық.

Тойлап көңіл ашайық

Биден шашу шашайық.

ІҮ. «Шыршалар биі»(қыздар тобы)

Жүргізуші: Балалар биыл қандай жыл болды?

Балалар: Ит жылы

Жүргізуші: Алдымызда қандай жыл келе жатыр?

Балалар: Доңыз жылы

Жүргізуші: Ал енді қошеметпен қол соғып, ескі жылмен Жаңа жылды қарсы алайық.

Ит: Мен ескі жыл есіркедім,

Егемендік елдікті.Мен сүйемін батырлықтыТатулық пен ерлікті.Қарақтарым,қанаттарымАмандықпен жүздесейікАл, Жаңа жыл, ізбасарым,Қолыңа ал жаңа жылдың сен кілтің.Қанат бітір қанатсызғаКөркейт елді барысты.Ит жылы Доңыз жылына жаңа жылдың кілтін береді.

Доңыз : Доңыз жылының мерекесін, Мерекеге жалғаймын. Елде, жерде, табиғатта, Бейбіт жолды қолдаймын.

Ит жылы кетеді.

Жүргізуші: -Құрметті доңыз жылы осы сиқырлы кілтпен жаңа жылдың есігін ашайық!

Кел, төрлет, Жаңа жылым, құтты жылым,Өзіңді бүкіл елім күтті бүгінБасқан қадам оң болсын,

Бізге құтты жыл болсын!

Мыстан кемпір:-Ой балалар жарайсыңдар.Мені таңқалдырып көңілімді көтердіңдер. Мынандай керемет өнерді көріп, аяз атаны қалпына келтіретін сыйқырлы сөзім есіме түспей тұр. Бәлкім жүгірсем есіме түсер. (Шыршаны айналып жүгіреді.Кішкентай аяз атаның жанына келеді.)

Суф-суф абра ка-дабрака

Шыршаны айналып жүгіреді.

Суф-суф ақалай мақалай

Мыстан кемпір:- Жоқ болмады тағы бір рет көрейін.

Шыршаны айналып залдан Мыстан кемпірмен кішкентай аяз ата екеуі шығып кетеді.

Жүргізуші: Бүгінгі Жаңа жыл кешіне сәйгүліктерін желдіртіп, алтындатқан шанасымен Аяз ата келе жатыр деген хабар келді.

Қуаныңдар, ағайын, тамсаныңдар,

Сүйіншілеп маңайға жар салыңдар.

Аяз ата келеді алыстан,

Қол соғып, қошеметпен қарсы алайық! Балалар, Аяз ата мен Ақшақарда шақырайық.

Балалар: -Аяз ата, Аяз ата, Аяз ата!

Аяз ата: -Сәлем саған өрендерім сүйікті!

Амансыңдар ма, балаларым.

Сәлеметсіңдер ме? Қадірлі қонақтар!

Жаңа жылдарың құтты болсын,

Денсаулықтарың мықты болсын.

Аспандарың ашық, жұлдыздарың

жарық болсын!

Егеменді еліміз көркейе берсін!

Жаңа жылда жаңа табысқа жетіңдер!

Ақшақар: Менің әсем ұлпаларым,

Маған ұшып келеді

Таң қалдырып өнеріне

Бәрі билеп береді!

Аяз Ата: Қарашы, балалардьң киімi қандай әдемі. Шыршада әсем безендірілген екен. Бәрі де тым сұлуланып кетіпті. Шырша шамын жағайық, Жаңа жыл тойын ашайьқ. /Сол кезде Ақшақар жылап тұрып/ Ақшақар: Мен шырша шамын жағатын, сиқырлы таяғымды жоғалтып алдым! Осы кезде Аяз Ата оны жұбатып тұрып: қазір мен-ақ өзімнің таяғыммен жағамын- дейді. Ақшақар: Қойыңыз ата! Сіз бұл таяғьңызбен бүкіл шыршаны қатырып тастайсыз. Тәрбиеші: Ақшақар, сиқырлы таяғын қандай еді? Ақшақар : Менің таяғым жылтырауық, пішіні жүрекке ұқсайды. Сіздер оны көрмедіңіздер ме?…