Жаңартылған бағдарлама – сапалы білім негізі мақаласы

Жаңартылған бағдарлама - сапалы білім жүйесінің негізі

«Жалғыз суйеніш жалғыз үміт оқуда.Теңдікке жетсек те, жұртымызды сақтасақ та, дүниедегі сыбағалы орнымызды алсақ та білімнің арқасында қол жеткіземіз»

Міржақып Дулатов

Жаңартылған бағдарлама әлем елдерімен терезесі тең,бәсекеге қабілетті ұрпақ тәрбиелеу үшін ауадай қажет. Бүгінгі таңда елімізде білім беру мазмұны жаңа бағытқа бет бұрып отыр.Бұл заман талабына сай қажеттіліктен туындап отыр.Қазақстанның орта мектептерінің беретін білімі,оқытылу дәрежесі әлі күнге дейін тиімді деңгейде бола алмай тұр. Дәстүрлі оқыту әдістері қаншама жылдық құндылығы болса да әлем нарқындағы елдерге ілесу үшін жаңғырту мен жаңартуды қажет етеді. Осы мақсатта білім беру бағдарламасы жаңартылған үлгіде жасалып,тиімді оқыту жоспарын ұсынып отыр.

Бағдарламаның өзгешелігімен тиімді жақтары, ол балалардың ақпаратты өз бетімен іздеп табуы,өз беттерінше талдау және интеграциялау дағдысын бойларына қалыптастыра отырып, адами құндылықтарды дамытуды көздейді. Бұл ұсынылып отырған әдіс-тәсілдер XXI ғасыр дағдыларына сәйкес бағытталған және сол бағдарлама негізінде жасалған. Бүгінде дамыған елдер жоғарғы сапалы білім жүйесімен жұмыс істеуде.

Кез келген мемлекеттің азаматтарының бәсекелестікке қабілеттілігі оның білім деңгейімен анықталады. Жаңартылған бағдарлама нәтижесінде оқушылар бағдарлама талабына сай, ой-өрісі кең, саналы және еркін азамат болып тәрбиеленіп шығады. Күткен нәтижеге жету үшін ұстаздар осы бағдарламаны терең әрі жан-жақты меңгерген білікті маман болуы тиіс. Бұл бағдарлама аясында мұғалім-тек өз пәнінің нағыз шебері,білім беруде аянбай еңбек ететін,ізденгіш,еңбекқор болса ғана жұмыс істей алады. Ұстаздар алғашқы күннен яғни жыл басынан ақ мұғалімге арналған нұсқаулыққа сәйкес күнделікті сабақ жоспарын жаңартылған әдіс-тәсілдер негізінде жасауға бейімдеп, суммативті бағалау қорытындысына басты назар аудара отырып, тиімді әдіс-тәсілдерді сабақта кеңінен қолдана отырып , өзінің кәсіби шеберлігімен қоса шығармашылығымен байланысты өрбіте алса ғана жоғарғы деңгейге жете алады. Осы мәселені терең әрі жан-жақты меңгеріп алмайынша ешбір мұғалім,бағдарламадан күткен үздік те жоғарғы нәтижеге жете алмайтынын терең түсінуі керек деп санаймын.

Ахмадиева Бақыт Райысовна

№143 Сүйімбай атындағы лицейдің

бастауыш сынып мұғалімі