Жаңартылған бағдарлама туралы баяндама мен реферат

Мажитова Самал Сақтасынқызы

Мектеп директоры

Павлодар облысы

Баянауыл ауданы

№1 Майқайың жалпы орта білім беру мектебі

Жаңартылған бағдарлама-білім берудің жаңа мазмұны

Өмір – бұл ағын су секілді, бір орында тұрмайды, яғни жылдар жылжып, уақыт өтеді. Уақыт өткен сайын қай салада болмасын дүниенің бір жаңалығы орын алып жатады. Сол жаңалықты тосырқамай, жақсы-жаманын саралап қабылдай білу керек.

Өмірді ағын суға теңесек, білімді - теңіз, мектепті – кеме деп қарастырамыз, ал мұғалім – сол кеме капитаны деуге болады. Кеменің тереңге батпай, дұрыс бағдармен жүруі мұғалімге байланысты.

Мұғалімнің ұстанымы әрі мақсаты – шәкіртінің ішкі жан дүниесін тану, оның жеке басының құндылықтарын құрметтей отыра, тұлға ретінде қалыптастыратын ерік, мақсатқа ұмтылушылық секілді қасиеттерін жандандыруға көмектесу.

Елбасы Н.Ә.Назарбаев: «Біз осы заманғы білім беру жүйесінсіз, әрі алысты барлап, кең ауқымды ойлай білетін осы заманғы мұғалімдерсіз инновациялық экономика құра алмаймыз»-деп атап көрсеткендей, осы заманғы ұстаз – болашаққа заман ағысымен ілгерілеген озық тұлға. Мұғалімге осындай көзқараспен қарау, оның алдына қойылар талапты да айқындайды.

Кез-келген адам алдына қойған мақсатына ерік-жігерін аямай еңбек ету арқылы, осы жолда өзін-өзі бар қырынан жетілдіру арқылы жетеді.

Елбасымыз: «Білім беру реформасы – Қазақстанның бәсекеге нақтылы қабілеттілігін қамтамасыз етуге мүмкіндік беретін аса маңызды құралдардың бірі» деп атап көрсетті. Сонымен қатар, Қазақстан 2050 стратегиясында: «Біріншіден, барлық дамыған елдер өзінің бірегей жоғары сапалы білім беру жүйесіне ие. Біз Ұлттық білім беру саласының барлық бөлімдерінің сапасын жақсарту үшін көп жұмыс істедік. Біз, 2020 жылға қарай, Қазақстанның 3-6 жастағы барлық балалары мектепке дейінгі білімді алатын болатынын болжап отырмыз. Сондықтан, сол балаларды заманауи білім беру әдістемелерімен және білікті қызметкерлермен қамтамасыз етудің маңызы зор. Негізгі мектеп үшін, барлық мектептердегі оқыту стандарттарын Нзарбаев Зияткерлік мектептерінің деңгейіне дейін жақсарту қажет. Жоғары мектеп түлектері Қазақ, Орыс және Ағылшын тілдерін меңгеріп шығулары тиіс. Оқытудың нәтижесі сын тұрғысынан ойлау, өздігімен зерттеу және ақпаратты терең талдау дағдыларын меңгерту тиіс» делінген. Осыған байланысты Қазақстан Республикасы педагог қызметкерлерінің біліктілігін арттыру курстары бағдарламасы мұғалімдердің шеберлігін жетілдіру мен дамытуды басты міндет ретінде қарастырып отыр.

2015-2016 оқу жылынан бастап республикамыздың 30 пилоттық мектебінде бастауыш білім берудің мемлекеттік жалпыға міндетті стандарты бойынша білім мазмұнын жаңарту жұмысы басталған. №1 Майқайың жалпы орта білім беру мектебі осы 30 мектептің қатарындағы бірден-бір мектеп. Біздің ұжымға үлкен жауапты міндет жүктелді. Аудан бойынша бұл жобаны алғаш болып жүзеге асыру біздің ұжымға тапсырылуы, әрине, бізге зор сенім ғана емес, екі есе міндет деп түсінеміз.

2011–2020 жылдарға арналған Қазақстан Республикасының білімді дамыту бағдарламасын іске асыру және Елбасының айқындап берген 100 нақты қадамының 76 мен 89 қадамын орындау мақсатында биылғы жылы еліміз бойынша 30 пилоттық мектепте бастауыш білім берудің Мемлекеттік жалпыға міндетті стандарты ресми сынаудан өткізу үстінде. Осыған орай «Назарбаев Зияткерлік мектептері» ДББҰ Педагогикалық шеберлік орталығы әзірлеген Қазақстан Республикасында орта білім мазмұнын жаңарту аясында мұғалімдердің біліктілігін арттыру бағдарламасы бойынша бүгінгі күні 26 мұғалім курстан өтті. Бүгінгі таңда пилоттық жобаны жалғастырып келе жатқан бес 2- сынып оқушылары білім алуда. 96 оқушы жобаға сәйкес 5 күндік оқу кестесі бойынша білім алып келеді.

Павлодар қаласындағы Назарбаев зияткерлік мектебінің директоры Г.Н.Жукенова бастаған ұжым мүшелері мен №1 Майқайың жалпы орта білім беру директоры С.С. Мажитова екі мектеп бірлесе отырып, 2016-2017 оқу жылына жұмыс жоспары құрылып бекітілді. Павлодар қаласындағы химия-биология бағытында жұмыс жасайтын Назарбаев Зияткерлік мектебімен ынтымақтастық аясында жұмыстар жүргізілудің барысында мұғалімдер өздерінің ой пікірлерін бөлісе отырып, іс-тәжірибе алмасуда.

Жыл ішінде мектеп әкімшілігі мен пән мұғалімдері жаңа бағдарлама бойынша тынымсыз еңбек етуде. 2015-2016 оқу жылында басталған жаңартылған білім мазмұнын оқу үрдісіне пилоттық еңгізуде мектеп әкімшілігі, мұғалімдер, ата- аналар болып бірлесе жұмыс атқаруда. Кез келген ата-ананың көкейінде «бұл жобадан баламыз не алады?» деген сауалдың болуы заңды. Қолданыстағы білім мазмұнымен салыстырып көретін болсақ, мәселен, қолданыстағы білім «мектептетен қандай білім алады?» деген сұрақ аясында болып, баланың теориялық біліміне, яғни, бала біледі және түсінеді дегенге бағытталған. Ал қазіргі жаңартылған білім мазмұны «мектепте не үшін оқу керек?» деген сұрақ аясында болып, білім мазмұны күтілетін нәтижеге және баланың бойындағы түрлі дағдыларды қалыптастыруға бағытталады. Жоба басталғаннан бастап 1- сынып сабақтарына ену барысында, мұғалімдердің оқушыларға бағдарламадағы оқу мақсаттарын игертуге қарқынды жұмыс жасап жатыр. Бұл бағдарламаның дәстүрлі бағдарламадан ерекшелігі - пәндер бойынша ортақ тақырыптардың…