Жаңартылған бағдарламадағы әдіс-тәсілдер авторлық бағдарлама

«ҰЛЫ ДАЛАНЫҢ ЖЕТІ ҚЫРЫ»

мақаласы негізінде жасалған 7 ӘДІС

«Бәйге» әдісі

Мақсаты: айтылым дағдысын қалыптастыру; үй тапсырмасын еске түсіру; үйде меңгерген ақпаратты ой елегінен өткізу; өз ойларын тұжырымдау.

Мазмұны: Үй тапсырмасын қайталау үшін әр қатардан бір оқушы ортаға шығады; алдыңғы партада отырған оқушылардан бастап үй тапсырмасына дайын білім алушыларды сұрақтар қою арқылы , анықтайды. Әрбір қатардан үздіктері анықталады.

«АЛТЫН ЖАПСЫРМА» әдісі

Мақсаты: үй тапсырмасын орындау барысында түсініксіз болған тұстарын білу.

Мазмұны: Білім алушылар алдарында берілген «алтын жапсырмаларға» (дайын үлгідегі қағаз) үй тапсырмасында түсінбеген, орындау үшін қиындық тудырған тұстарын жазып, тақтаға орныластырады. Бұл әдіс негізінде мұғалімдер білім алушы өткен сабақты қалай меңгерді, түсінбеген жағдайда оларға қандай көмек керек екендігін біле алады. Бұл сұрақтар сабақ соңында талқыланатын болады.

3. «БІЛІМ ІЗДЕУШІ» әдісі

Мақсаты: білім алушылардың жаңа ақпаратты өздігінен игеруіне жол ашу.

Мазмұны: Білім алушыларға А3 форматындағы қағаз беріледі; жаңа ақпаратты оқып болғаннан кейін бірінші қатардан бастап бір білім алушы өзі меңгерген бір ақпаратты жазады, келесі білім алушы алдындағы білім алушыны қайталамай басқа бір ақпарат жазады. Осылайша А3 форматындағы қағазға сынып болып жаңа тақырыпты құрастырып шығады

4.«АЛТЫН ОЙ» әдісі

Мақсаты: айтылым дағдысын қалыптастыру; өз ойын еркін жеткізуге дағдыландыру.

Мазмұны: білім алушылар сабақта меңгерген жаңа тақырыптың маңыздылығын өмірмен байланыстыра айтады..

5. «АЛТАЙ ШЫҢЫ» әдісі

Мақсаты: білім алушылардың жеке ерекшеліктерін ескере отырып, деңгейлік тапсырмалар орындату.

Мазмұны: Тақтада үш деңгейге бөлінген (жоғары, орта, төмен) тау суреті беріледі.Қағаз қиындыларына білім алушылардың деңгейіне сай түрлі тапсырмалар жазылады. Білім алушылар өз деңгейлеріне сай тапсырмаларды алып, орындауы тиіс.

6. «КЕРУЕН ЖОЛЫ» әдісі

Мақсаты: жазылым дағдыларын қалыптастыру; жаңа ақпаратты қаншалықты меңгергенін бақылау.

Мазмұны: Білім алушылар топта отырады. Әрбір білім алушы алдында берілген түйе суретіне сабақта меңгерген бір ақпаратын жазып, керуен жолына апарып түйені орналастырады. Осылайша екі топта 1 минут уақыт ішінде сабақта меңгерген ақпараттарын жазып кезекпен орналастырып отырады. Қай топтың керуен жолы ұзын болса, сол топ жеңіске жетеді.