Жаңартылған білім беру бағдарламасының басты ерекшеліктері

Жаңартылған білім беру бағдарламасының ерекшеліктері

Жаңартылған білім беру бағдарламасының басты ерекшеліктері- орта білім жүйесіндегі жалпы білім беретін барлық мектептерді Назарбаев зияткерлік мектептеріндегі оқыту деңгейіне жеткізу.

Мұндағы басты мақсат: мектеп түлектері орта білім алып,мектепті аяқтағанда үш тілді біліп, түсініп, сөйлеп шығуы тиіс. Ал оқыту нәтижелері бойынша, әрбір оқушы өздігінен сындарлы ойлауды меңгеріп, өзіндік ізденіс пен ақпараттарды терең талдай білуге машықтанып шығуы керек .

Жаңартылған бағдарлама бойынша «100 нақты қадам » мемлекеттік жоспары негізінде, еліміздің мектептері 2016-2019 жылдарға арналған жаңартылған білім мазмұнына сәйкес кезең-кезеңмен көшу жұмыстарын бастаған . Бұл бағдарлама негізінде Назарбаев Зияткерлік мектептерінің тәжірибесі үлгі болды және сол бойынша оқулықтардың бәрі жаңаланып жаңартылған білім мазмұны бірінші сыныптан бастап енгізілді.

Білім мазмұнының жаңаруымен қатар,оқу үрдісіне критериалды бағалау жүйесін енгізіліп, оқытудың жаңа әдіс-тәсілдері мен құралдарын меңгеріліп, оны сабақта кеңінен қолдану тиімділігін барынша арттыру талап етіле бастады.

Жалпы жаңартылған бағдарлама негізі - білім жүйесіндегі сапамен құзыреттілікке бағытталған. Оның маңыздылығы - оқушы тұлғасының жан-жақты дамуы үшін үйлесімді де қолайлы білім беру ортасын құрып,оқушыны сын тұрғысынан ойлап, зерттеуге үйрету.Өз бетінше түрлі тәжірибе жасай білуге, АҚТ-ны қолдануға,коммуникативті қарым-қатынасқа түсуді меңгеруге, жеке жұппен және топта қалай жұмыс жасай білуді меңгеруге үйретеді.

Нәтижесінде бала әртүрлі жағдаяттарда функционалды сауаттылықпен шығармашылықты қолдана біліп және оны тиімді түрде жүзеге асыру үшін қажетті әдіс-тәсілдерді (бірлескен оқу, модельдеу, бағалау жүйесі,бағалаудың тиімді стратегиялары) толыққанды меңгеріп шығады.

Ал мұғалімдер әр сабақта осы жаңа әдіс-тәсілдерді кеңінен еркін қолдана отырып осы негізде күткен нәтиженің жемісін көрсете білулері керек. Ал бұл өз кезегінде балалармен оқу үрдісінде жаңаша жұмыс жасалып жатқанының және жаңартылған бағдарламаның іске асырылып жатқанын дәлелдейтін нақты көрсеткіштер болдып табылады деп санаймын.