Жаңартылған білімге жаңаша көзқарас туралы баяндама

Жаңартылған білімге – жаңаша көзқарас

Мемлекетіміздің білім беру үдерісіне енген жаңартылған білім беру бағдарламасы – заман талабына сай келешек ұрпақтың сұранысын қанағаттандыратын тың бағдарлама.

2016-2017 оқу жылынан бастап 1-сынып оқушылары жаңартылған жүйемен білім алады. Сала министрлігі ең алдымен бірінші сынып бағдарламасына өзгеріс енгізіп отыр. Яғни, мектеп табалдырығын аттаған балғындар енді бірыңғай оқулықпен білім алмақ.

Жаңартылған білім беру мазмұны бойынша мамыр-маусым айларының аралығында «Өрлеу» біліктілікті арттыру ұлттық орталығы ұйымдастырған «Жаңартылған бастауыш білім беру бағдарламасы» атты үш апталық курста толық нұсқасын меңгерудің сәті түсіп, бастауыш сынып мұғалімдері арнайы курстан өткізілді. Мұғалімдер, қазақ тілі, орыс тілі, математика, дүниетану, жаратылыстану, бейнелеу өнері, ағылшын тілі пәндері бойынша қолдарына сертификат алды. Осы сертификатпен ғана бастауыш сыныпқа сабақ береді. Өйткені, сабақтарының өзі біз үйреніп қалған стандартты дүние емес, сыни тұрғысынан балалардың функционалды сауаттылығын ашу, оны қалыптастыруға арналған.

Білім беру бағдарламасының негізгі мақсаты – білім мазмұнының жаңаруымен қатар, критериалды бағалау жүйесін енгізу және оқытудың әдістәсілдері мен әртүрлі құралдарын қолданудың тиімділігін арттыруды талап етеді. Бастауыш сынып пәндеріне арналған оқу бағдарламаларындағы оқу мақсаттары оқушылардан шынайы проблемаларды анықтап зерттей білуді талап етеді. Негізінен жаңартылған білім жүйесі – құзыреттілікке және сапаға бағытталған бағдарлама. Жаңартылған білім берудің маңыздылығы – оқушы тұлғасының үйлесімді қолайлы білім беру ортасын құра отырып сын тұрғысынан ойлау, зерттеу жұмыстарын жүргізу, тәжірибе жасау, АҚТ – ны қолдану, коммуникативті қарым-қатынасқа түсу, жеке, жұппен, топта жұмыс жасай білу, функционалды сауаттылықты, шығармашылықты қолдана білуді және оны тиімді жүзеге асыру үшін қажетті оқыту әдіс-тәсілдерді (бірлескен оқу, модельдеу, бағалау жүйесі, бағалаудың тиімді стратегиялары) курс барысында ұғындық. Жаңартылған білім беру бағдарламасының ерекшелігі спиральді қағидатпен берілуі. Оған оқу мақсаттарын зерделей отыра, тапсырмаларды ықшамсабақтарды құрастыру барысында көз жеткіздік.

Бағалау жүйесі де түбегейлі өзгеріске ұшырап, критериялық бағалау жүйесіне өтеді. Критериалды бағалау кезінде оқушылардың үлгерімі алдын ала белгіленген критерийлердің нақты жиынтығымен өлшенеді. Оқушылардың пән бойынша үлгерімі екі тәсілмен бағаланады: қалыптастырушы бағалау және жиынтық бағалау. Ең жоғары балл 60 ұпай, орташа…