Жаңару – уақыт талабы туралы мақала

«Жаңару - уақыт талабы»

«Мектептің жаны мұғалім. Мұғалім қандай болса, мектеп сондай болмақшы.Яғни, мұғалім білімді болса , ол мектепте балалар көбірек білім алып шықпақшы.Солай болған соң, ең әуелі мектепке керегі - білімді, педагогика, методикадан хабардар жақсы оқыта білетін мұғалім.

Ахмет Байтұрсынов

Қазіргі жағдайда мектеп өзінің білімі мен мәдениеті деңгейін үнемі көтеруге, өзіне әрі қоғамға пайда келтіруге және үнемі өзгермелі өмірде табысты болуға қабілетті, жоғары өнегелі, шығармашыл, сыни тұрғыда ойлайтын тұлғаны тәрбиелеу, оқыту және дамытуы керек.Бүгінгі күні жас ұрпққа берілер білім мен тәрбиенің өз мәнінде сапалы болуы бірінші кезекте тұрғаны анық.

Осы бағыттарды мақсат етіп қойған Ақтау қаласындағы химия – биология бағытындағы Назарбаев Зияткерлік мектебінің директоры Пайзов Ермек Серікұлының жетекшілігімен бір топ мұғалімдер, яғни қызметкерлері наурыздың 30-ы күні Бейнеу ауданының Сам орта мектебі кешенінде «Жаңартылған білім мазмұнын жүзеге асыру тиімді жоспарлау, қалыптастырушы бағалау және саралап оқыту» тақырыбында семинар өткізді.Семинарға ауданымыздың орта білім беретін мектептері басшылары мен мұғалімдері және кітапханашылары қатысты. Назарбаев Зияткерлік мектебінің тәжірибесін тарату, орта білім беретін мектептердің мұғалімдері, критериалды бағалау бойынша мектеп координаторлары өз тәжірибелерін ортаға салып, бағыт - бағдар беруге арналып, 5-секция бойынша жұмыс жасаған семинар өте жоғары деңгейде өтті.

Семинарды аудандық білім бөлімінің басшысы Батырбек Демократұлы алғы сөз сөйлеп ашты. Одан кейін «Назарбаев Зияткерлік мектебі тәжірибесінің облыс көлемінде таратылуы туралы» Пайзов Ермек Серікұлы сөз сөйледі.

Семинар пән кабинеттерінде шеберлік сыныптарының жұмыстарымен жалғасты, 1 бөлім «Бағдарламаның ерекшелігі, тиімді жоспарлау», 2 бөлім «Критериалды бағалау, дифференциация». 3 - Семинарды қорытындылау. Рефлексия.

Ақтау қаласындағы химия – биология бағытындағы Назарбаев Зияткерлік мектебінің ұжымына осындай әсерлі, саралы, көп нәрсе түйдірген семинар өткізгендеріне алғысымызды айта отырып, зор денсаулық, қажымас қайрат, еліміздің болашағы жас ұрпаққа білім мен тәрбие беруде алдағы уақыттарда да биік жетістіктерге жете берулеріне тілектеспіз.Алдағы уақытта да осындай семинарлар бола берсе деген тілегім бар.

Умирова Ақманар

орыс тілі мен әдебиеті пәні мұғалімі

«Атамекен орта мектебі» КММ

Маңғыстау облысы Бейнеу ауданы