Жаңғырудың жолы бір жыл бір белес тәрбие сағаты

Білім күні

Тақырыбы: «Жаңғырудың жолы, бір жыл, бір белес»

Өтетін орны: Жиын залы

Өтетін мерзімі: 02.09.2018

Сыныбы: 11

Сабақ мақсаты: Оқушыларды отаншылдыққа, ұлтжандылыққа, туған жеріне, атамекеніне деген сүйіспеншіліктерін арттыруға дұрыс бағыт-бағдар беру, рухани құндылықтарын сыйлауға үйрету, оқушыларды патриоттық рухта тәрбиелеу.

Сабақтың көрнекілігі: Елбасы Н.Ә.Назарбаевтың « Болашаққа бағдар: рухани жаңғыру» мақаласы, презентация, слайдтар, бейнебаяндар

Тәрбие сағатының түрі: таным сағаты

Барысы:

1-жүргізуші: Құрметті ұстаздар, оқушылар Сіздерді жаңа оқу жылының басталуымен құттықтаймыз! Білім күні мерекесіне арналған «Жаңғырудың жолы, бір жыл, бір белес» танымдық сағатын ашық деп жариялаймыз

ӘНҰРАН

2-жүргізуші : Елбасы Н.Ә.Назарбаевтың « Болашаққа бағдар: рухани жаңғыру» мақаласында қазіргі Қазақстанның басты рухани құндылықтары айқын көрініс тапқан. Бұл – мақала ғана емес, мазмұны терең, ауқымы өте кең, ұлт руханиятын ХХІ ғасыр биігіне көтеретін рухани жаңғыру бағдарламасы деуге болады. Елбасы ғылым, білім, мәдениет пен тарихты тұтастай қамтитын ұлттық рухани жаңғыру бағдарламасын халық назарына ұсынып отыр. Мемлекет басшысы ХХІ ғасырдағы жаңа ұлттың, жаңа қазақтың феноменін анықтап беріп отыр. Мақала 2 бөлімнен тұрады :

І бөлім: «ХХІ ғасырдағы ұлттық сана туралы»

ІІ бөлім: «Таяу жылдардағы міндеттер»

1-жүргізуші :

Елбасының «Болашаққа бағдар: рухани жаңғыру» атты бағдарламалық мақала қазақстандықтар тарапынан кең қолдауға ие болды, оның жекелеген бағыттары бойынша атқарылған жұмыстардың нәтижелері:

– Барлық өңір «Туған жер», «Киелі жерлердің географиясы» және «100 жаңа есім» жобаларына атсалысып жатыр. Бір жыл ішінде меценаттар қаражаты есебінен әлеуметтік инфрақұрылымды дамытуға ондаған миллиард теңге бөлінді. 700-ден астам мәдениет ескерткіштері жөнделіп, қайта қалпына келтірілді. Жүздеген ғылыми экспедициялар ұйымдастырылды.

2-жүргізуші: «Жаңа гуманитарлық білім қазақ тіліндегі 100 жаңа оқулық»

Елбасының «Рухани жаңғыру» бағдарламасы аясындағы «Жаңа гуманитарлық білім. Қазақ тіліндегі 100 жаңа оқулық» жобасы бойынша қазақ тіліне 18 кітап аударылды.

Ұсынылған кітаптар қазақ тіліне түпнұсқадан аударылған. Жаңа оқулықтар – эксклюзивті гуманитарлық кітапхана. Бұл оқулықтар көпшілік үшін кітап түрінде, электрондық онлайн нұсқасында және үздік лекторлардың ашық дәрістерінің видеотекасы сияқты үш форматта қол жетімді болмақ. Кітаптар латын қарпінде басып шығарылғаннан кейін, оларды шетелде тұратын жастарымыз да оқи алатын болады

Аяжан : Kitap.kz сайтындағы деректерге сәйкес, бір жылда келесідей кітаптар аударылған: Дерек Джонстонның «Философияның қысқаша тарихы. Сократтан Дерридаға дейін»; Энтони Кеннидің «Батыс философиясының жаңа тарихы. Антика философиясы» І-томы және «Батыс философиясының жаңа тарихы. Орта ғасыр философиясы» ІІ-томы; Реми Хесстің «Философияның таңдаулы 25 кітабы»; Дэвид Бринкерхоф, Роуз Уейтс, Сюзан Ортеганың «Әлеуметтану негіздері»; Джордж Ритцер, Джеффри Степницкидің «Әлеуметтану теориясы»; Эллиот Аронсонның «Көпке ұмтылған жалғыз. Әлеуметтік психологияға кіріспе»; Дуэйн Шульц, Сидней Эллен Шульцтің «Қазіргі психология тарихы»; Дэвид Г. Майерс, Жан М. Туенждің «Әлеуметтік психология»; Н. Грегори Мэнкью, Марк П. Тейлордың «Экономикс»; Дональд Ф. Куратконың «Кәсіпкерлік: теория, процесс, практика»; Рикки У. Гриффиннің «Менеджмент»; Карен Армстронгтың «Иудаизм, христиандық пен исламдағы 4000 жылдық ізденіс: Құдайтану баяны»; Виктория Фромкин, Роберт Родман, Нина Хайамстың «Тіл біліміне кіріспе»; Светлана Тер-Минасованың «Тіл және мәдениетаралық коммуникация»; Алан Барнардтың «Антропология тарихы мен теориясы»; Клаус Швабтың «Төртінші индустриялық революция».

1-2 Видеоролик100 оқулық

1-жүргізуші: