Жануарлар уланған кездегі алғашқы көмек 7 сынып

Үйірме: «Жас Ветеринар»

Сабақтың тақырыбы: «Жануарлардың улану кезіндегі алғашқы көмек»

Сабақтың мақсат-міндеті: Балаларға жан-жануарларды күтіп баптауға, белгілі жағдай болған кезде, уланған жағдайда алғашқы көмек көрсету шараларын ұйымдастыру.

Сабақ типі: Жаңа сабақ

Сабаққа қолданылатын педагогикалық технологиялар: АКТ, ұжымдық оқыту, сұхбат, әңгімелесу, өзіндік жұмыс, суреттерді көрсету,

Сабақтың әдісі: Көрнекілік, практикалық, бағалау, видеоролик

Пәнаралық байланыс: Биология, химия

Оқыту құралдары: Оқулық, суреттер, интерактивті тақта, слайд, плакаттар;

Сабақтың барысы:

І. Ұйымдастыру бөлімі

Оқушылармен амандасып, аудиторияның сабаққа дайындығын тексеру, қажетті құралдар мен көрнекіліктерді дайындап, зейіндерін шоғырландыру. Оқушыларға сабақтын мақсаты мен міндеттерін хабарлап, оқушылардың сабаққа жақсы көңіл күймен бастау мақсатында сергіту сәтін өткізу. Оқушыларға «Банан» биін билетіп көңіл күйін көтеру.

ІІ. Өткен материалды қайталау арқылы жаңа материалды қабылдауға дайындық

Үй тапсырмасы ойын арқылы сұралады. «Сиқырлы қобдиша» яғни қобдишада әр түрлі сұрақтар жазылған. Оқушылар сұрақтарға белсене қатысып жауап береді. Өз пікірін айтады, түсіндіреді, есіне сақтайды.

ІІІ. Жаңа материалды түсіндіру

«Миға шабуыл», Оқушыларға сұрақ қою арқылы жаңа сабақтың қандай екеннін анықтайды.

ІV. Жаңа білімді бекіту

Оқушыларға жануарларға қауіп төнген кездегі араларды түсіндіру. жаңа тақырып бойынша қауіпсіздік ережесімен таныстыру. Оқушыларға жаңа сабақ бойынша сұрақтар қойылады;

Қауіпсіздік ережелері:

Жануарларға жақсы көңіл-күймен қарау керек;

Күнделікті тамақ рационын қадағалап отыру керек;

Керекті жабдықтармен жабдықтау қажет;

Ай сайын ветеринарлық дәрігеріне көрсету керек;

Дәрі-дәрмектер, витаминдермен қамтамасыз ету керек;

Жататын орынын тазалап отыру міндетті;

Жануарлар улануында алғашқы көмек көрсету.

Үй жануарларының иелерінде ең жиі туындайтын мәселелердің бірі улану болып табылады. Улану (немесе интоксикация, токсикоздар) – бұл жануарлардың ағзасына әртүрлі улы заттардың енуі салдарынан пайда болады.

Жануарлар мынандай заттармен улануы мүмкін:

тұрмыстық улы химикаттармен (ұнтақтар, жуу құралдары және т.б.);

бояулар, еріткіштер, бензин, керосин, шайырдан; дәрілік заттар ;

қайнатпалар(атап айтқанда егеуқұйрықтарға қарсы у); бүлінген азық-түлік өнімдері және т.б.

Улану келесі жағдайларда пайда болады:

улы заттарды тікелей

жұтқанда, уланған егеуқұйрықты немесе тышқанды жеген кезде; жүннен уды

жалаған кезде; улы буларды жұтқан кезде (түтін, газдар, инсектицидтер және т.б.).