Жанұяда балаға мейірімді қарым-қатынас орнату

Күні:21.11.18ж

Сыныбы: 8 «А»

Мұғалім: Асанова А.А

Тақырыбы: « Жанұяда балаға мейірімді қарым-қатынас орнату,зорлық –зомбылыққа жол жоқ»

Мақсаты: Жас ұрпақты парасатты, ақылды, мейірімді жан-жақты азамат ретінде тәрбиелеудегі ата-ананың ролін көрсету.Оқушылардың жеке тұлға болып қалыптастасуына ата-ана беретін тәрбиенің әдіс-тәсілдерін жетілдіру, қарым-қатынас орнату

Балаларға қатыгездікпен қарау мәселесі бойынша ата-аналарды ақпараттандыру және жәбірлеуді болдыртпайтын және оның алдын алуда ата-ананың міндетін түсіндіру.

Әдістері: ой қозғау,пікірлесу,кеңес беру,сұрақ-жауап

Күтілетін нәтиже: Ата-аналар балаларының парасатты, ақылды, мейірімді т.б.жағымды қасиеттерге ие болуына өздері әсер ететіндігін мойындайды. Мектептің ішкі тәртіп ережелерімен таныстыру.Оқытудағы жаңа әдіс-тәсілдер арқылы жаңа заманға сай жан-жақты білімді де тәрбиелі азамат қалыптаса- тындығын түсінеді.

Ресурстар: Интерактивті тақта, слайдтар, бейнероликтер, стикерлер, түсті бояулар.

Тапсырмалар:

1.Топқа бөліну

2.Сұрақ-жауаптар

3.Талдау

4.Ситуациялық сұрақтар

5.Ой қорыту

Кері байланыс: Стикерлерге өз ой-пікірлерін жазу

Мұғалім: Сәлемесіздер ме, құрметті ата-аналар! Бүгінгі ата-аналар жиналысына хош келдіңіздер!Жаңа оқу жылымен сіздерді шын жүректен құттықтаймын.Биылғы оқу жылының күн тәртібімен ең алдымен сіздерді таныстыруды жөн көріп отырмын:

КҮН ТӘРТІБІНДЕ

1. «Жанұяда балаға мейірімді қарым-қатынас орнату,зорлық –зомбылыққа жол жоқ»

2. Дұрыс тамақтану-денсаулықтың кепілі

3.І оқу тоқсанының қорытындысы

4.Ағымдағы мәселелер

1.Қайырлы күн құрметті ата –аналар! Бүгінгі ата-аналар жиналысына қош келдіңіздер.Зорлық-зомбылық құқықта «Бір адамның екінші бір адамға, оның жеке басына тиіспеушілік құқығын бұзатын тәни және психикалық ықпал жасауы» делінген.Тән азабын шектірген зорлық – адамның ағзасына тікелей әсер ету, ұрып-соғу, денесіне зақым келтіру, тағы басқа. Тән азабын шектірген зорлықтың салдарынан жәбірленушінің денсаулығына зиян келтірілуі мүмкін.

Жан азабын шектірген зорлық – жәбірленушінің қарсылық көрсетуіне, өз құқықтары мен мүдделерін қорғауына деген ерік жігерін жасыту үшін қорқыту, адамның психикасына әсер ету. Жан азабын шектірген зорлық жүйке ауруына немесе тіпті жан ауруына ұшыратуы мүмкін.Адамның өмірі мен денсаулығына қауіпті әдіс қолданылып жасалған қылмыстар «Қазақстан Республикасының Қылмыстық кодексінің» тиісті баптарына сәйкес жауаптылық пен жазаны ауырлататын мән-жайлар болып табылады.

Елімізде зорлық-зомбылыққа қатысты 20 дағдарыс орталығы бар.Әйелдер мен балаларға арналған зорлық-зомбылық проблемасы елімізде елеулі мөлшерде асқынды. Статистикалық мәліметке қарағанда елде жыл ішінде 500-дей әйел мен бала тұрмыстағы зорлық-зомбылық құрбаны болады екен.

Отбасылардың қиюы қашуының басты бір себебі – жанұядағы зорлық-зомбылық.«Отбасылық қарым-қатынаста дағдарыс туындағанда, одан ешкімнің ештеңесі кетпейді» деген түсініктен арылу керек.Кикілжіңі көп болатын отбасында өскен балалар есейген соң не әкесінің, не шешесінің отбасында өзін-өзі ұстау үлгісін алады.

Балаларға зорлық көрсетудің бірнеше түрлері бар:

Физикалық күш көрсету зорлық — зомбылығы: дене күшiн қолданып, дененi ауыртып денсаулыққа қасақана зиян келтiру, яғни соққыға жығу, жармасу, алақанмен не жұдырықпен немесе басқа да нәрселермен ұру. Бұл зорлықтың әсерінен бетке немесе денеге жарақат түседі. Ал денеге жарақат түспеген болса, онда адамның ішкі органдарына зиян тиюі әбден мүмкін.Күш көрсету зорлық — зомбылығының белгілері:• адамның бетіне, не денесіне әр түрлі топтағы, яғни көк таңбалардың, сондай – ақ жіптен, өтектен, темекіден болған әр түрлі нысандағы жарақаттардың белең алуы;• ауыз қуысының, еріннің жырылуы немесе қол мен аяқ, дене мүшелеріндегі дақтар;• буындар ауруы немесе дене мүшелерінің ісігі, белгісіз сүйек сынықтары;• тістің босауы немесе сынуы;• адам тістерінің іздері;• шаштың жұлынуы;Күш көрсету зорлық – зомбылығынан кейін балалардың мінез – құлығындағы байқалатын өзгерістер:• балалар ересектерден, ата – аналарынан үнемі қорқатын болады;• балалар агрессивті, тез ашуланғыш немесе тұйық болады;• қарым – қатынас дағдысы баяу дамиды;• оқуда туындайтын қиыншылықтар: үлгермеушілік, жинақылық қасиетінің жоқтығы, тіл дамуының баяулығы;• үйден қашуы немесе құқықбұзушылыққа бейім болуы;• кездейсоқ дене жарақатына та

Психологиялық зорлық – зомбылық — адамның психикасына қасақана әсер ету, оны қорқыту, қорлау, бопсалау немесе құқық бұзушылықтарды немесе өмiрге немесе денсаулыққа қауiп төндiретiн, сондай-ақ психикалық, дене және жеке басы дамуының бұзылуына әкелетiн әрекеттердi жасауға мәжбүрлеу (ерiксiз көндiру) арқылы ар – намысы мен абыройын кемсiту. Осы зорлық – зомбылықтың түрі үлкен адамдар арсында жиі кездеседі. Көбінесе ондай адамдар өздерін аурумыз деп санайды.

Психологиялық зорлық – зомбылық кезінде баланың мінез – құлқында кездесетін келеңсіздіктер: • мазасыздық немесе қобалжу;• ұйқының бұзылуы;• тәбеттің төмендеуі;• ұзақ уақыт дегбірсізденуі;• эксцентременталды мінез – құлықтың пайда болуы;• өз – өзіне қол жұмсау немесе қауіп – қатері;• басқа да адамдармен дұрыс қарым – қатынаста болмауы;• ең төменгі бағаға ие болу.

Эмоционалды және сөзбен қорлау:Жоғарыдағы зорлық – зомбылық түрі шынайы өмірде жиі кездеседі. Кей уақытта адамдар ұрыс, керіс, айқай – шу, дауыс көтеру сияқты келеңсіз қасиеттерді зорлық деп те санамайды. Алайда бұл негізінен осы зорлық түріне енеді.Осы зорлықтар барысында анықталатын жәйттер:• адамның намысына тиетін ғайбат сөздер айту,• сөзбен қорқытқан кезде, адамның бойына қорқыныш ұялайды;• кей адам көмек көрсетуден бас…