Жақсыдан үйрен, жаманнан жирен 3 сынып тәрбие сағаты

Жақсыдан үйрен жаманнан жирен

Сабақтың мақсаты:Балаларды әдептілікке, жаман әдеттен аулаққа болуға,үлкенді сыйлауға, кішіге қамқор болуға үйрету.

Ә)Айналадағы заттарға ұқыпты болуға, өз-өзіне қызмет жасауға баулу

Көрнекіліктер:Өнегелі сөздер, мақал-мәтелдер

Кіріспе сөз:Құрметті ұстаздар, ата-аналаржәне оқушылар сіздерді бүгінгі болатын 1-сынып оқушыларының «Жақсыдан үйрен, жаманнан жирен атты тәрбие сағатын ашуға рұқсат етіңіздер.

Мұғалім: Ғылым деген дәмі кетпес

Алда піскен ас інім

Сен де алып же, ол жемістен

Еңбек етіп, жас інім

Тәрбие алып түзу жолдан

Көрініс:

Наурызбай:Ержігіт не істеп жүрсің қолыңда рогаткамен?

Нұржігіт :құс атайын деп жүрмін.

Наурызбай :Құс ұясын бұзбайық

Жұмыртқасын алмайық

Обалына қалмайық

Тақия тұзақ салмайық

Қарғысына қалмайық

Әдейі көздеп атпайық

Көп күнәға батпайық

Балалар мұны ұғыңдар

Уәдеде тұрыңдар

Аяулым: Салақ болсаң жасыңнан

Шыбын кетпес қасыңнан

Таза болсаң жасыңнан

Сабын қалмас қасыңнан

Жалқау болсаң жасыңнан

Ұйқы қалмас қасыңнан

Ақерке:Оқулықты мектебің

Бере саған теп-тегін

Білмейсің ау сен бірақ

Қаншама еңбек кеткенін

Күтіп ұста кірлетпе

Кішілерге табыс ет

Дақ түсірмей бір бетке

Мерей: Оқу құралдарына, кимімізге, ас атасына ұқыптылықпен қарауымыз керек.

Әли: Көшелерден біз өткен

Ата көрсем,

Жақын кеп,

Сәлем берем ізетпен:

“Ассалаумағалейкум!”, - деп.

Алдан әже жолықса,

Бөгелем де әдейілеп

Сәлемдесем сол тұста:

“Есенсіз бе, әжей!”, - деп.

Кім кезіксе көшеде,

Таныс емес демеймін.

Аға, тәте, көкеге,

“Сәлеметсіз бе!”, - деймін.

Өтепберген Ақыпбекұлы

Мұғалім:Сыйлап үлкен ағаны

Сәлем берген баланы

Кім дейміз?

Оқушылар:Әдепті екен бұл дейміз!

Сұрақ: Кітап дәптер қаламы,

Кір шалмаған баланы

Кім дейміз?

Оқушылар : Ұқыпты екен бұл дейміз!

Сұрақ:Таудай биік талабы

Жақсы оқитын баланы

Кім дейміз?

Барлығы: Үлгілі екен бұл дейміз!

Ән: «Әдептілік әліппесі» қыздардың орындауында

Көрініс «Әдептілік»

Әдептілік дегеніміз-кез-келген ортада өзін мәдениетті ұстау. Қазақта:»Әдепті бала-арлы бала, әдепсіз бала-сорлы бала»-деген мақал бекер айтылмаса керек. Мысалы : бір партада бірге отыратын досыңның дәптерін сызбау,қаламсабын тығып қоймау,үлкендердің жолын кеспеу,үлкенмен таласа сөйлемеу,орынсыз күлмеу,біреуді мазақтамау-бұлардың барлығы да жат қылық екенін үнемі анам маған айтып санама құйып отырады.Сондықтан балалар әдепті болайық.

Қазақтың ырымдары «Аулақ бол жаман әдеттен»

1-оқушы:

Түнде үй сыпырма, түнда тырнағыңды алма.

Үлкендердің жолын кеспе, сөзін бөлме.

Бүйіріңді таянба, жер таянба, иегіңді таянба.

Шашыңды жайма.