Жақсылық жан азығы сабақ жоспары, 7 сынып

Өзiн-өзi тану сабағының жоспары

Мектеп: Мерзiмі:

Мұғалiм: Сынып 7 «Г, В»

Тақырып: Жақсылық – жан азығы № 33-34

Құндылық: Қиянат жасамау Қасиеттер: татулық, кеңпейілділік, ақжарқындылық

Сабақ мақсаты: Оқушылардың жақсылық, игілік, адамгершілік қасиеттер туралы түсініктерін кеңейте отырып, қиянат жасамау құндылығының мәнін ашу

Міндеттері:

Білімділік: оқушылардың ізгілік, жақсылық туралы ұғындыра отырып, татулық қасиетін түсінік беру;

Дамытушылық: оқушыларды жақсылықты бойларына сіңіруге, жағымды қарым-қатынас жасауға дағдыландыра отырып, кеңпейілділікке баулу;

Тәрбиелік: оқушыларды татулыққа, кеңпейілділікке, ақжарқындылыққа тәрбиелеу.

Ресурстар:

үнтаспа,

суреттер,

нақыл сөздер

Сабақ барысы

Ұйымдастыру кезеңi. «Сабақтың 5 Т ережесін» қайталау

1.Тыныштық сәтi. Нұрға бөлену.

Ыңғайланып отырыңыздар, денелеріңізді түзу ұстаңыздар. Аяқ-қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.

Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гүл түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек-қалауыңызды шайып, жүрегіңіздің қауызын ашты.Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түсуде. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. Олар нұр мен махаббат құралына айналды.Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басыңыз түгелдей нұрға бөленіп, басыңызға тек ізгі, сәулелі ой келеді.Нұр бірте-бірте шұғылалана бастайды, сіздің денеңізден шығып, жан-жағыңызға сәуле шашады. Осы нұрды туысқандарыңызға, балаларыңызға, мұғалі

Жаймен көзіңізді ашуға болады.Рахмет.

Сабақ барысын талқылау:

2.Үй тапсырмасын тексеру

33-сабақ М.Қалдыбайдың Бауыржан Момышұлымен сұхбаттасқан «Жеті сұраққа жауап» атты әңгімесін оқу

Бауыржан Момышұлы адам бойындағы қандай қасиеттерді жоғары бағалады?

Мәтінде айтылған жаман қылықтар адами қарым-қатынасқа қалай әсер етеді?