Жақсылық – жан шуағы 11 сыныпқа арналған сабақ жоспары

№ 3 сабақ

Тақырып: Жақсылық- жан шуағы

Құндылық:Ішкі тыныштық

Қасиеттер:Қарапайым өмір, өзіне-өзі сенімділік, іске берілу, жағымды ойлау.

Сабақмақсаты: Жақсылық жасау қайнары туралы айта отырып, жақсылықты жасау, оны қолдау, жамандықты тізгіндеу адамдық міндет екенін ұқтыру.

Міндеттері:

Мейірімділікке, ізгілікке, қайырымдылыққа тәрбиелеу.

Дұрыс әрекет арқылы ішкі тыныштықты ояту.Өзіне-өзі сенімділікті ұялату.

Ресурстар:(құралдар, мәлiметтер)

Интарактивті тақта.

Сабақ барысы:

Ұйымдастыру кезеңi.

Оқушылармен амандасып, «Өзін-өзі тану» сабағының ережесін «5-Т» қайталап, сабаққа қатысқаны үшін әр балаға 20 ұпайдан беремін.

Т-тәртіп

Т-талап

Т-тыныштық

Т-тазалық

Т-татулық

Оқушыларды оқу құралдарын «5- затты» тексеріп, ұпайларын түгендейміз.

Тыныштық сәтi.«Су асты патшалығына ойша саяхат» (Баяу әуен )

(Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).

Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).

Ал қазір жоғарыға, өз әлемімізге кері қайтуға дайындалыңыз. Айналаға жіті қараңыз. Ғажап түстерге тағы бір рет қараңыз және тыныштыққа құлақ түріңіз. Осындай тыныштық сізге самалдай әсер береді. Енді дельфин кері қарай жолға шықты. Сіз су бетіне шықтыңыз, жағаға жақындадыңыз. Дельфиннің арқасынан түсіңіз, оны сипалаңыз және осындай ғажап саяхатқа апарғаны үшін ризашылық білдіріңіз.