Жақсылық жан жадыратады 11-сынып тәрбие сағаты

Жақсыдан үйрен, жаманнан жирен

Мақсаты: балаларды жаман әдеттен аулақ болуға, үлкенді сыйлауға, кішіге қамқор болуға үйрету, ата-анаға мейірімді, туған жерге, айналадағы заттарға ұқыпты қарауға, мектеп мүлектерін сындырмауға үйрету, оқушыларды имандылыққа, адамгершілікке тәрбиелеу.

Көрнекілігі: мақал-мәтел, қабырға газеті.

Барысы.

Мұғалім: Білер қазақ баласы: «Сәлем — сөздің анасы».

Алдымыздан кезіккен

Көп танысты көреміз,

Бәріне де ізетпен

Біздер сәлем береміз.

1-оқушы: Сәлеметсіз бе, ағай! -деп,

Сәлеметсіз бе, апай! -деп,

Есенсіз бе, әжей! -деп,

Амансыз ба, атай! -деп

Ұл-қыз сәлем береміз,

Өнегелі өренбіз.

Мұғалім: «Жақсы сөз — жарым ырыс» дейді халқымыз. Әр кезде оны есімізден шығармағанымыз дұрыс болар.

Балалар жүр көшеде,

Естіледі шу-айқай.

Сен де шықтың, көршінді

Қағып кеттің байқамай.

Мұндайда не деу керек?

Оқушылар: «Кешіріңіз!» деу керек

Осы келген бетіңде

Допты қудың, жарыстың.

Көшенің сол шетінде

Кезікті бір танысың.

Ұмыттың сен не деуді?

Оқушылар: «Сәлеметсіз бе?» деу керек.

Үй артында қоқысты

Жатқан көптен үйіліп

Тазалайды қарт кісі,

Белі зорға иіліп.

Не дегенің жөн еді?

Оқушылар: «Көмектемейін» деу керек.

Оқулықты мектебің

Берер саған теп-тегін.

Білмейсін-ау сен бірақ

Қаншама еңбек кеткенін.

Оқулықты құрметте,

Күтіп ұста, кірлетпе.

Кішілерге табыс ет,

Дақ түсермей бір бетке.

Мақал-мәтелдер.

Мұғалім: «Жақсыдан үйрен, жаманнан жирен» деген мақалға қалай жауап береміз?

Хормен: Аулақ жүріп жаман қылық, әдеттен,

Үйренеміз жақсы мінез әдеппен!

Мұғалім: Сыйлап үлкен ағаны,

Сәлем берген баланы

Кім дейміз?

Оқушылар: «Әдепті екен бұл дейміз!»

Мұғалім: Кітап, дәптер, қаламы

Кір шалмаған баланы

Кім дейміз?

Оқушылар: «Ұқыпты екен бұл дейміз!»

Мұғалім: Таудай биік талабы,

Жақсы оқитын баланы

Кім дейміз?

Оқушылар: «Үлгілі екен бұл дейміз!»

Мұғалім: Саған біреулер әлдебір іске қол ұшын беріп немесе дәмді не тәттісін ұсынып сыйлап жатса, тілегінді орындай қалса, оларға алғыс айтып,

«рахмет » деуді ұмытпауымыз керек.

Мұғалім: Концертке, театр қойылымдарына немесе киноға барып тамашалау

әркашан да мереке. Сондай бір әсерге мына балақайлар да бөленгендей.

Келген кеше ауылдан

Айттым досқа Бауыржан:

Асықпа сен, тұра тұр,

Бұның аты — театр.

Тәртібіне көшеміз.

Сырт киімді шешеміз.

Оған нөмір аламыз,

Сонсоң залға барамыз.

Ойын көрдік қызықты,

Жөнге саған бұзықты,

Есте қалды қыз мықты

Театр сырын біз ұқтық,

Әртістерге қызықтық.

Ойындарын бағалай

Қолды соқтық аямай!

Мұғалім: Алтын ақыл

Аяқ-қолың болмай кір,

Тырнағынды алып жүр.

Әдет қыл бұл ісіңді,

Тазалап жүр тісіңді.

Саусағыңды сормағын,

Салдыр-салақ болмағын.

Көрініс