Жақсылық жасай білейік 2-сынып тәрбие сағатының жоспары

Тәрбие сағаты

Тақырыбы: Жақсылық жасай білейік

Мақсаты: Оқушылардың «қайырымдылық», «қамқорлық», «жақсылық» құндылықтары туралы түсініктерін кеңейту.

Міндеттері:

· Жақсылық жасаудың адами қарым-қатынастағы мәнділігін түсіндіру;

· Жақсы істер жасай білу іскерліктерін дамыту;

· Қайырымды, қамқор болуға тәрбиелеу.

Көрнекі құралдар: оқулық, дәптер, интербел. тақта.

Қолданылған материалдар: өзін-өзі тану оқулығы, «Мектептегі сыныптан тыс жұмыстары» журналы, сайт «Адамзат сабақ».

Шаттық шеңбері

I. 1. Сәлемдесу. Жақсы тілектер айту.

2. Осы шеңбер аясында Ө. Ақыпбековтың «Өзіңді тану» өлеңің бірлесіп айтайық.

II. Сұрақтарға жауап беру.

а) « Жақсы болу – өзіңнен, жаман болу», – деген өлең жолдары туралы қандай пікір айта аласыңдар?

ә) Ақынның «Жақсылық көрсең біреуден, «Мен қандаймын?» деп ойла деген сөзіне көзқарастарың қандай?

б) Сендер кімдерге қандай жағдайларда жақсылық жасадыңдар? Сол сәтте қандай сезімге бөлендіңдер?

III. Жаңа сабақ

3. Жақсылық жасау дегеніміз өздерін айтқандай, адамдарға, айналаға, табиғатқа қайырымдылық пен қамқарлық жасауды, көмек көрсетуді білдіреді. Адамдардың бір–біріне деген сыйластығы артады.

Өйткені қиналған сәтте алынған көмек ешқашан ұмытылмайды. Бүгін біз «Жақсылық пен жамандық» ертегісімен танысамыз.

I. Ертегіні оқу

II. Сұрақтар

1. Неліктен адам жақсылықтың айтқандарын орындады деп ойлайсың?

2. «Жамандыққа ерсең жаман боласың» деген ой туралы қандай пікір айта аласыңдар?

· Жақсылық жасау үшін адам бойында адамшылық, жанашырлық, мейрімділік сезімдері мен жылы жүрегі болуы керек. Сонда ол жаман әдеттен жиреніп, жақсы әдетке үйренеді. Қолынан келгенше ешкімді де, ешнәрсені де бөліп жармай, бәріне бірдей жақсылық жасауға ұмтылады. Біз де сондай болуға тиіспіз. Әлемдегі барлық адамдар тек қана жақсылық жасауға ұмтылатын болса, онда әлемде тыныштық, ынтымақ орнайды, адамдар бақытты өмір сүреді.

IV. Мақал–мәтелдер

1) Оқу

2) Айту

V. Тыныштық сәті

Балалар, орындарымызға емін–еркін жайғаса отырамыз. Енді көзімізді жұмып, әркім өзінің досына, ата–анасына, ұстазына қандай жақсылық тілейтінін туралы ойлайық. (2–3 сек)

· Балалар, ойлап болсақ, көзімізді ашайық. Парақтарға ойымызды жазайық. Осы ойлаған жақсылығымыз күннің шуағы арқылы сол адамға жетеді.

VI. Дәйексөз